SKÝRSLAN: Eyjamenn missa af efri hluta á meðan Blikar dragast aftur úr
Hvað réði úrslitum?
Breiðablik héldu vel í boltann í fyrri hálfleiknum en Eyjamenn fengu betri færi og leiddu því að einhverju leyti sanngjarnt í hálfleik. Seinni hálfleikurinn virtist vera að spilast upp í hendurnar á Eyjamönnum en varamenn Blika tókst að jafna leikinn. Það var smá líf í þessu undir lokin en heilt yfir þegar öllur er á botnin hvolft er jafntefli bara sanngjörn niðurstaða.
Bestu leikmenn
1. Anton Ari Einarsson
Sá til þess að Blikar töpuðu ekki leiknum. Átti risastóra vörslu í restina sem bjargaði því að Blikar kæmust frá leiknum með eitthvað.
2. Mattias Edeland
Eyjamenn stóðu vörnina vel og fær Edeland þetta fyrir hönd varnarlínu og vinnusemi Eyjamanna hér í kvöld.
Atvikið
Eyjamenn nálægt því að stela þessu í lokin en frábær varsla frá Antoni Ara kom í veg fyrir það.
Hvað þýða úrslitin?
Fyrir heimamenn í Breiðablik þýðir þetta að þeir eru sex stigum á eftir Evrópusæti og átta stigum á eftir toppsætinu. Fyrir Eyjamenn voru þeir markatölu frá því að vera í efri hluta fyrir skiptingu.
Vondur dagur
Nökkvi Már Nökkvason og Davíð Ingvarsson fara báðir meiddir af velli í fyrri hálfleik. Geri ekki ráð fyrir að það teljist sem góður dagur þó svo þessi dálkur sé merktur sennilega fyrir aðra meiningu.
Dómarinn - 9
Ég var virkilega ánægður með frammistöðu dómarana í kvöld. Kom kafli þar sem auðvelt hefði verið að missa leikinn í eitthvað rugl en ÞÞÞ afstýrði því frábærlega að mínu mati.