SKÝRSLAN: Tímabilið búið hjá ÍR
Hvað réði úrslitum?
Þetta var end to end leikur en Fylkir kláruðu tækifærin sín, ÍR fékk góð tækifæri en voru ekki að testa Ólaf sem var í marki Fylkis mikið. Vantaði mikið upp á síðustu sendinguna eða oft á tíðum var engin þarna til þess að pota honum inn. Fylkir klára tækifærin sín vel eftir einbeitingarleysi frá ÍR í 20 mínútur.
Bestu leikmenn
1. Orri Sveinn Segatta (Fylkir)
Sigurmarkið í dag en varnarlína Fylkis var solid og átti ÍR stundum erfitt með það að brjóta þá niður. Gef shoutout á Ásgeir Eyþórsson líka.
2. Pablo Aguilera Simon (Fylkir)
Hann var svakalegur á kantinum og kom með geggjaða stoðsendingu, gat verið með fleiri stoðsendingar en það kom ekki. ÍRingar áttu erfitt með hann sérstaklega í fyrri hálfleik.
Atvikið
ÍR virtust alveg ráðalausir eftir seinna mark Fylkis og tekur Fylkir alveg yfir leikinn en þeir ná einu til baka og þá virðist komast eitthvað líf í þá en það var ekki nóg.
Hvað þýða úrslitin?
ÍRingar sem voru á toppinum á deildinni í langan tíma enda í 6. sæti og fara þá ekki í umspilsæti, tímabilið er búið. Fylkir falla ekki og enda í 8. sæti.
Vondur dagur
ÍR skapaði sér tækifæri í dag en það var oftast þar sem það var enginn á endanum til þess að skjóta eða léleg fyrirgjöf. Stundum tóku þeir skot af löngu færi en það fór aldrei neitt. Ólafur í marki Fylkis var alveg pollrólegur í dag. Bergvin Fannar stundum alveg einn og hefði kannski viljað meiri hjálp, bæði lið fóru mikið í langa bolta sem hjálpaði ekki neinum. Það má líka gefa Eyþór Wöhler samt smá þar sem hann var nokkrum sinnum rangstæður í seinni hálfleiknum, óheppilegt þar sem Fylkir hefði viljað klárað leikinn af.
Dómarinn - 6
Alveg viss um það að Wöhler var ekki rangstæður þá hefði hann verið 1v1 á móti markmanni, hefði alveg getað séð Emil og Kristján Atla fá seinna gula í dag. Nokkur atriði þar sem bekkir beggja liða voru óánægðir með en það var örugglega bara hitinn.