Til hamingju Þór!!

Viðtöl og skýrsla væntanleg.

Hrafn Tómasson á ágætis skot utan af velli en Aron Birkir ver vel frá honum! Aron Birkir staðið sig frábærlega í dag.

Þórsarar eru búnir að kveikja á rauðum blysum og byrjaðir að fagna af krafti!

Enn og aftur á Kári skot en nú fór það yfir!

Kári Kristjánsson nær flottu skoti rétt fyrir utan teig en það fer rétt framhjá. Óheppnir Þróttarar.

Þetta virðist vera að fjara út.

Leikurinn var stopp en er farinn af stað aftur. Held það hafi verið Aron Birkir sem þurfti aðhlynningu.

Vilhjálmur Kaldal þræðir boltann í gegn á Hlyn Þórhalls en hann setur boltann rétt framhjá markinu!

Þór er 15 mínútum frá því að fara upp í deild þeirra bestu en þar voru þeir síðast árið 2014.

Gestirnir sækja hornspyrnu.

Aron Snær Ingason liggur eftir og fær aðhlynningu.

Christian Greko sleppur framhjá Kolbeini í vörninni en Kolbeinn er ekki fljótur að ná honum aftur og hirða af honum boltann. Virkilega flottur varnarleikur.

Nú falla Þróttarar við í teignum og enn og aftur er það Yann Emmanuel sem á í hlut. Þeir eru brjálaðir að fá ekki víti!

Aron Snær með teikningu úr efstu hillu á Liam Daða en hann skallar rétt framhjá markinu. Þarna munaði ansi litlu!

Þróttarar sækja hornspyrnu.

Clement Bayiha með frábæra fyrirgjöf á Balde sem setur boltann í netið en rangstaða dæmd!

Ívar Orri flautar til hálfleiks. Fyrri hálfleikurinn hefur verið ansi fjörugur og eins og staðan er núna, þá eru Þórsarar frá Akureyri að fara upp í Bestu deild karla!

Leikurinn hefur róast töluvert eftir svakalegar mínútur í kjölfarið af marki gestanna.

Skemmtilegt fagn frá Sigfúsi eftir markið.

Okkar maður Hafliði Breiðfjörð er á staðnum vopnaður myndavélinni.

Það er rosaleg mæting í Laugardalinn í dag og stemningin eftir því hjá báðum liðum.

Aron Snær Ingason gerir vel og skýtur rétt fyrir utan teig en boltinn svífur framhjá markinu.

Leikurinn er búinn að færast upp á allt annað stig þessar seinustu mínútur. Mikil líkamleg barátta og Þróttarar eru sífellt að ógna.

Njarðvíkingar eru komnir í forystuna gegn Grindavík og þýðir það að annað lið hérna verði að vinna svo það fari upp um deild.

Liam Jeffs og Kári með frábært samspil sín á milli og eru komnir í ágætis stöðu inn á markteig en Ragnar Óli gerir frábærlega þarna og kemur hættunni frá!

Það má geta þess að rétt fyrir þetta vildu Þróttarar fá víti en Hlynur Þórhallsson féll við í teignum eftir baráttu við Affi.

Ragnar Óli skallar boltann rétt yfir markið eftir hornspyrnu!

Nú sækir Clement Bayiha fyrstu hornspyrnu leiksins.

Nú brýtur Njörður aftur á Rafael Victor við mikil mótmæli gestanna og Yann Emmanuel Affi þar fremstur í flokki en Ívar Orri messar yfir honum.

Leikurinn er í góðu jafnvægi þessa stundina og bæði lið að ógna.

Rafael Victor fær boltann í lappir rétt fyrir utan teig og rennir honum á Balde sem á fínt skot en Þórhallur sér við honum.

Hrafn Tómasson á frábæra skiptingu út á kant á Eirík sem gefur boltann fyrir en Kári Kristjánsson skallar rétt framhjá markinu!

Sigfús Fannar fellur við í teig Þróttara og þá kalla stuðningsmenn Þórs eftir víti. Ívar Orri segir nei!

Það er alveg ljóst frá fyrstu mínútu að þetta verður mikil líkamleg barátta.

Úrslitaleikur settur! Það eru gestirnir frá Akureyri sem hefja leik.

Liðin eru komin inn á völlinn og eru að gera sig klár.

Það er virkilega þétt setið í Laugardalnum og stuðningsmenn beggja liða löngu byrjaðir að syngja og tralla. Allt eins og það á að vera.

Sigurvin Ólafsson, þjálfari Þróttar, gerir enga breytingu frá síðasta leik.

Sigurður Heiðar Höskuldsson, þjálfari Þórs, gerir eina breytingu frá seinasta leik en Aron Ingi Magnússon kemur inn fyrir Juan Guardia eftir að hafa glímt við meiðsli.

Liðin hafa mæst einu sinni á þessu tímabili en það var þann 3. júlí í Boganum á Akureyri. Þar enduðu leikar 1-2 fyrir Þrótt en mikið vatn hefur runnið til sjávar síðan þá.

Hér fyrir neðan má sjá stöðuna í deildinni. Þórsarar eru með eins stigs forystu á toppnum en Þróttarar aðeins stigi á eftir. Jafntefli mun líklega ekki duga fyrir Þór, þar sem að Njarðvík er aðeins tveimur stigum á eftir þeim og eiga leik gegn Grindavík í lokaumferðinni. Það eru því þrjú lið sem eiga möguleika á því að hreppa sæti í Bestu deild karla.

Sigurður Bjartur Hallsson, sóknarmaður FH, hefur farið á kostum innan sem utan vallar undanfarið en hann átti nýlega leiksigur í dýrri auglýsingu Bestu deildarinnar. Því fékk hann það erfiða hlutverk að spá fyrir um leikinn. Þetta sagði hann um leikinn:

Þróttur R. 3 - 2 Þór (14:00 á morgun)
Auga flestra verða á þessum leik, jafntefli gerir lítið fyrir bæði lið. Úrslitaleikurinn um það hver hreppir fyrsta sætið og fær sæti í Bestu Deildinni. Venni hefur leyft Laugardalnum að dreyma undanfarið og mun gera drauminn að veruleika. Hrafn Tómasson mun að öllum líkindum eiga stórleik, bóka tvær stoðsendingar á hann í það minnsta

Verið hjartanlega velkomin í þráðbeina textalýsingu frá AVIS-vellinum en um er að ræða leik milli toppliðanna í lokaumferð Lengjudeildarinnar fyrir úrslitakeppni og mun það ráðast endanlega í dag hvaða lið munu fara upp í deild þeirra bestu.