SKÝRSLAN: Sjóðandi hiti, fullt af spjöldum og Stólarnir í úrslit í kuldanum á Króknum
Hvað réði úrslitum?
Það sem réð úrlsitum í dag var hreinlega bara það að hausinn var rétt skrúfaður á leikmönnum Tindastóls sem sigldu sigrinum heim. Kormákur/Hvöt hins vegar misstu bara hausinn og í kjölfarið leikmenn útaf. Áttu aldrei séns eftir það
Bestu leikmenn
1. Manuel Ferriol Martínez
Ekki annað hægt en að velja Manuel, setti þrennu í dag! var ískaldur og setti 2 víti og svo mark beint úr aukaspyrnu. Var síðan bara ótrúlega sprækur á miðjunni
2. Kolbeinn Tumi Sveinsson
Var ótrúlega sprækur í dag, eldfljótur og lunkinn í að koma sér í góðar stöður.
Annars var Sverrir fyrirliði líka solid í vörninni
Atvikið
Ég bara veit ekki hvar ég á að byrja?!?! Fyrsta vítið? Jöfnunarmarkið? Held samt að ég setji þetta á fyrsta rauða spjaldið! Algjört dómgreindarleysi hjá fyrirliða Kormáks/Hvatar, Goran Potkozarac, fær aukaspyrnu en tryllist svo og fer í hálsinn á David, beint rautt spjald og eftir það missti liðið í heild bara hausinn
Hvað þýða úrslitin?
Úrslitin þýða einfaldlega að Tindastóll vinnur nágrannaslaginn og er á leiðinni í úrslitaleik á Laugardalsvelli en Kormákur/Hvöt situr eftir með sárt ennið.
Vondur dagur
Set þetta bara á Kormák/Hvöt liðið í heild, mættu vel gíraðir en misstu svo gjörsamlega hausinn, 4 rauð spjöld og nokkrir sem gerðu atlögu að dómurunum það er ekki í lagi!
Dómarinn - 8
Dómaratríóið hafði sko heldur betur í nógu að snúast í kvöld, það var fast spilað og hiti í mönnum en mér fannst hann halda sömu línu og bæði vítin og spjöldin fannst mér réttur dómur