SKÝRSLAN: Þægilegt hjá FH og bullandi botnbarátta á Stólana
Hvað réði úrslitum?
FH er bara með svo mikil gæði í sínu liði og það sást hér í dag. Skora fjögur ótrúlega þægileg mörk og sigurinn í raun aldrei í hættu. Áttu fjórfalda skiptingu í seinni hálfleik og liðið bara í raun efldist við það. Tindastólskonur byrjuðu leikinn vel og áttu 2 dauðafæri áður en FH komst almennilega inn í leikinn en það er ekki alveg nógu mikið sjálfstraust í efstu línu.
Bestu leikmenn
1. Thelma Lóa Hermannsdóttir
Var frábær í dag, skoraði mark og var sí ógnandi á kanntinum, bæði með hættulegum fyrirgjöfum og skotum. Líkamlega ótrúlega sterkur leikmaður með frábæran leikskilning
2. Andrea Rán Snæfeld Hauksdóttir
Flott inn á miðjunni hjá FH, með baneitraðan spyrnufót. Enda tekur hún allar spyrnur fyrir FH hvort sem er hornspyrnur eða aukaspyrnur. Setti svo laglegt mark eftir samspil við Mayu
Atvikið
Set þetta á fyrsta mark FH, kom einhvern veginn upp úr engu og rétt á undan höfðu Tindastólskonur komist í 2 dauðafæri sem hefði getað breytt því hvernig leikurinn spilaðist hefðu þær náð að klára þau. FH gekk á lagið eftir fyrsta markið og tvö önnur mörk komu nokkurn vegin auðveldlega á færibandi. Auðveldur leikur fyrir FH í kjölfarið.
Hvað þýða úrslitin?
Úrslitin þýða það einfaldlega að FH heldur sér áfram í 2. sætinu og 2 stigum fyrir ofan Þrótt sem narta í hælana á þeim. Tindastóll hins vegar er í bullandi fallbaráttu og þarf helst að vinna alla sína 3 leiki sem eftir eru, ætla þær að halda sér í deild hinna bestu.
Vondur dagur
Það átti svo sem engin sérstaklega vondan dag, FH liðið bara eru með svo mikil gæði og sá munur sást bara greinilega í dag.
Dómarinn - 8
Hef ekkert út á dómarana að setja í dag, skiluðu sínu verkefni vel. Engar stórkostlegar ákvarðanir í leiknum, leyfði smá hörku en hélt sömu línu út í gegn.