Annað árið í röð fá þeir séns á Bestu á Laugardalsvelli.

Viðtöl og skýrsla væntanleg.

Sama scenario og sama niðurstaða vantaði kraft í skotið.

Viggó gerir vel í að koma sér í færi en Sindri sér við honum!

Þaðþer allt á suðupunkti hérna. Njarðvík fær aukaspyrnu á vítateigslínu úti til vinstri.

Boltinn fyrir markið en skallinn frá Valdimar beint á Sindra.

Njarðvík fær hornspyrnu. Það er að hitna verulega í kolunum hér.

Joao með skot af 20 metrum en beint í fang Sindra.

Fær boltann i teignum eftir fínan sprett Ali en skallar boltann framhjá úr góðu færi.

Keflavík fær horn.

Vinstra megin í teignum með skot að marki sem fer augljóslega í hönd Eiðs í vörn Keflavíkur. ÞÞÞ dæmir horn

Sindri Snær kemur boltanum í netið en flaggið erma lofti.

Boltinn sendur til baka að mati ÞÞÞ og óbein dæmd af markteignum. Ekki algengur dómur það

Vafasamt? Úff ég veit það ekki

Eiður með.drauma bolta inn á teiginn frá hægri sem Marin kemst í. Af markteig setur hann boltann að marki en Aron ver á einhvern ótrúlegan hátt.

Keflavík fær hornspyrnu.

Tvö skot með skömmu millibili frá Viktori og Stefan sem Aron þarf að.hafa sig allan við að verja.

Það er skjálfti í heimamönnum.

Heimamenn sparka okkur af stað á ný.

Stál í stál og liðin gefa fá færi á sér. Stutt pása uns
við snúum aftur.

Kemst í færi hægra megin í teignum en Aron ver í horn.

Stefán Ljubicic að koma sér í gott færi en Boekye stigur hann frábærlega út.

Freysteinn keyrir inn á reig Keflavíkur. Viktor Elmar hleypur hann niður en ÞÞÞ veifar leik áfram.

Keflvíkingar að ná upp smá pressu. Boltinn fyrir markið frá hægri en Aron kýlir frá.

Leikurinn farið fram á miðjum vellinum síðustu mínútur og baráttan í fyrirrúmi.

Sleppur einn í gegn. Nægur tími gegn Sindra en neglir boltanum yfir.

Það er alvöru hiti á vellinum. Menn að fleygja sér í tæklingu um allan völl.

Njarðvíkingar vinna horn.

Darraðardans í teignum hjá Keflavík. En gestirnir hreinsa frá.

Nacho brotlegur úti á kantinum. Alltof seinn og stálheppinn að sleppa við spjaldið.

Aftur fær Keflavík horn. Byrjað þennan leik betur.

Stefán með lúmskt skot frá vinstra vítateigshorni. Boltinn af varnarmanni í fang Arons

Muhamed með fyrsta skotið. Leikur inn völlinn og lætur vaða en Aron Snær ver

Keflavík sækir fyrsta hornið.

Þetta er farið af stað hér í Njarðvík. Það eru gestirnir handan Flugvallarvegar sem hefja hér leik. Og eins og eftir klukku byrjar að rigna.

Þetta verður eitthvað.

Það er nánast óhjákvæmilegt að leikurinn opnist ekki á eftir og sérstaklega ef Njarðvíkingar skora fyrsta mark leiksins, Yfir 3,5 mörk er á á stuðlinum 2,15 à Epic.

Þórður Þorsteinn Þórðarson dæmir leikinn á JBÓ vellinum í dag. Keflvíkingar vonast sennilega til þess að hann hafi farið á spænskunámskeið í sumar en hann rak Nacho Heras leikmann Keflavíkur af velli fyrr í sumar á eftirminnilegan hátt eftir að Nacho hafði látið nokkur vel valin spænsk orð falla. Þórði til aðstoðar eru Guðni Freyr Ingvason og Arnþór Helgi Gíslason. Brynjar Þór Elvarsson er titlaður varadómari og eftirliti á vegum KSÍ sinnir Jón Magnús Guðjónsson.

Annað árið í röð fengum við mjög sérkennilega atburðarrás í kringum spjöld og leikbönn í þessu umspili. Oumar Diouck fékk að líta gula spjaldið í fyrri hálfleik fyrir að hindra Sindra í marki Keflavíkur. Spjaldið var hans sjöunda á tímabilinu og samkvæmt reglum KSÍ var hann þar með á leiðinni í leikbann. Hann myndi hins vegar ekki taka það út fyrr en í úrslitaleiknum sjálfum þar sem aganefnd KSÍ sem þarf að staðfesta leikbönn vegna gulra spjalda fundar eingöngu á þriðjudögum. Áhorfendur voru vel flestir minnugir þess er Elmar Cogic leikmaður Aftureldingar var í sömu stöðu í fyrra og sótti sér rautt spjald í leikslok í leik Aftureldingar og Fjölnis í fyrri leik liðanna til þess að taka leikbannið út í síðari leik þeirra.

Það kom því engum á óvart þegar Oumar Diouck lék sama leik gegn Keflavík og sótti sér annað gult og þar með rautt fyrir það að hlaupa þokklega vegalengd til þess eins og sparka boltanum í burtu eftir að Njarðvíkingar höfðu verið dæmdir brotlegir. Hann er því í leikbanni í dag.

Umræðan hefur svo vaknað á ný hvort dæma eigi Oumar í tveggja leikja bann fyrir athæfið en reglur FIFA segja að leikmaður sem viljandi sækir sér spjald til þess að hafa t.d áhrif á leikbönn skuli dæmdur til aukaleiks í bann. Sönnunarbyrðin hvílir þó alfarið á aganefnd í slíku máli og verður að teljast ólíklegt að hún aðhafist nokkuð í málinu.

   18.09.2025 11:46

Oumar Diouck á hættusvæði - Reglur FIFA kveða á um aukaleik í banni

   17.09.2025 20:11

Gunnar Heiðar um rauða spjald Diouck: Leiðinlegt að þurfa að fara í einhvern svona leik

Njarðvík heldur heim á JBÓ völlinn með eins marks forystu eftir 2-1 sigur á HS Orkuvellinum síðastliðin miðvikudag. Oumar Diouck kom Narðvík yfir eftir 20 mínútna leik áður en að Tómas Bjarki Jónsson tvöfaldaði forystu grænklæddra með marki úr vítaspyrnu. Vítaspyrnudómurinn var mjög áhugaverður svo ekki sé meira sagt og í ofanálag voru Keflvíkingar afar ósáttir við framkvæmd spyrnunar þegar Tómas Bjarki hætti við í miðju tilhlaupi. Það var svo Stefan Ljubicic sem minnkaði munin fyrir Keflvík um miðbik síðari hálfleiks og hélt eivíginu galopnu.

   17.09.2025 20:49

Njarðvík hálfu skrefi nær Laugardalsvelli

Heil og sæl kæru lesendur og verið velkomin í þessa beinu textalýsingu Fótbolta.net frá síðari leik Njarðvíkur og Keflavíkur i undanúrslitum umspils um sæti í Bestu deildinni.