SKÝRSLAN: Fred veikir titilvonir Valsmanna
Hvað réði úrslitum?
Fram voru grimmari á öllum sviðum leiksins og voru greinilega ákveðnari í því að sækja þrjú stig hér í kvöld. Sem verður að teljast áhyggjuefni fyrir Val sem voru fyrir leikinn í góðum séns á því að blanda sér að alvöru í titilbaráttuna.
Bestu leikmenn
1. Fred Saraiva
Fred var frábær í dag og skoraði mörkin tvö sem að tryggðu Fram sigurinn. Seinna marki var sérstaklega glæsilegt þegar hann afgreiddi stoðsendingu frá Kennie Chopart frábærlega í samskeytin.
2. Kennie Chopart
Gamla brýnið stóð fyrir sínu í hægri bakverðinum í dag. Kórónaði flottan leik sinn með stoðsendingu í öðru markinu þegar hann gerði vel í því að halda áfram þrátt fyrir harkalega tæklingu frá Lundemo.
Atvikið
Hálfleiksræða Túfa varð að engu þegar Fred skoraði annað mark sitt strax í upphafi seinni hálfleiks. Markið var líka einkar glæsilegt, alvöru snudda frá Brassanum í samskeytin.
Hvað þýða úrslitin?
Valsmenn eru í öðru sæti, fjórum stigum frá Víkingi, sem eiga leik við Stjörnuna á morgun. Fram eru nú búnir að jafna FH að stigum í 5. sætinu en Helgi Sigurðsson sem þjálfaði liðið í kvöld segir 4. sætið innan seilingar.
Vondur dagur
Jónatan Ingi Jónsson hefur margoft átt betri leiki en í dag. Hann var ekki nægilega ógnandi en fékk hinsvegar eitt algjört dauðafæri þar sem hann gerði ekki nægilega vel.
Dómarinn - 8
Ég held mikið upp á ÞÞÞ. Mér finnst hann leyfi leikjum og fljóta og dæmir ekki á óþarfa brot. Leikurinn í dag var þar enginn undantekning.