SKÝRSLAN: Hamingjusigur í rigningunni
Hvað réði úrslitum?
Víkingar voru bara betri í þessum leik. Erfiður leikur þar sem það var svakaleg rigning nær allan leikinn.
Bestu leikmenn
1. Ashley Clark
Ashley kom inná fyrir Bergþóru Sól á 69. mínútu og skoraði tvö mörk undir 10 mínútum.
2. Linda Líf Boama
Linda Líf með frábæran leik. Mark og stoðsending, en hefði mögulega getað náð öðru marki ef hún hefði ekki leyft Ashley að skora fyrra markið sitt.
Atvikið
Væri hægt að velja vítaspyrnuna snemma í leiknum sem Víkingsstelpur brenndu af. Svo er líka hægt að velja seinasta markið þar sem gerð voru varnarmistök Valsmegin sem endaði í marki.
Hvað þýða úrslitin?
Víkingur eru komnir yfir Stjörnuna og Val og sitja nú í 4. sæti á markatölu. Valur situr nú í 5. sæti en Stjarnan á leik til góða.
Vondur dagur
Erfitt að velja einhvern sem átti slæman dag en í raun áttu ekki margir slæman dag. Kannski hægt að setja það á Valsliðið sjálft fyrir að missa þetta svona frá sér.
Dómarinn - 9
Róbert með frábæran leik í dag, fannst ekki vera neinir hnökrar hjá honum