Blikar fengu tvö fín færi áður en Lausanne skoraði úr sinni fyrstu sókn. Stuttu seinna var staðan orðin 2-0 og leikurinn aldrei spennandi eftir það. Á heildina fyrirhafnarlítið fyrir heimamenn. Leikjadagskráin: 23. okt: KuPS (heima) 6. nóv: Shakhtar Donetsk (úti) 27. nóv: Samsunspor (heima) 11. des: Shamrock Rovers (heima) 18. des: Strasbourg (úti)

Tobias Thomsen nálægt því að skora sárabótamark en skýtur í hliðarnetið.

Alban Ajdini í mjög góðu færi en hittir boltann herfilega og skýtur framhjá.

Blikar fá hornspyrnu, boltinn inn í teiginn en dæmt sóknarbrot.

Þetta hefur verið drepleiðinlegur seinni hálfleikur, eins og ég segi þá voru heimamenn bara saddir og sælir 3-0 yfir í hálfleik og með öll spil á hendi og hafa bara verið að pæla í því að sigla þessu í höfn án þess að eyða of mikilli orku í það.

Gaoussou Diakite tekur hornspyrnu, léttur fallhlífarbolti sem Anton Ari á ekki í vandræðum með að handsama.

Diakite með skot en Anton Ari nær að verja.

Ágúst Orri með skot sem Letica varði.

Kristófer með skalla á markið. Blikar að spila vel þessa stundina en það verður að taka inn í reikninginn að Lausanne hefur stigið af bensíngjöfinni og slakað á.

Damir með skalla en langt frá því að hitta á rammann.

Valgeir Valgeirsson með skot úr teignum, nokkuð fast en beint á Letica í marki Lausanne.

Ágúst Orri með fyrirgjöf en aðstoðardómarinn dæmir að boltinn hafi verið farinn afturfyrir.

Með boltann: 52% - 48% Marktilraunir: 8-6 Hornspyrnur: 0-3

Útlitið alls ekki gott fyrir Breiðablik. Fyrri hálfleikurinn hefði getað þróast á annan hátt en heimamenn hafa refsað grimmilega fyrir mistök Breiðablik.

Ágúst Orri með skot og boltinn fer á Kristófer Inga sem nær ekki stjórn á knettinum. Svo kemur skot framhjá. Blikar byrjuðu þennan hálfleik hættulegir og enduðu hann vel líka.

Sævar Atli Magnússon var að koma Brann yfir gegn Utrecht. Sævar skoraði einnig gegn Lille í síðustu umferð Evrópudeildarinnar.

Hafa átt fínan kafla og síðustu mínútur farið fram á vallarhelmingi heimamanna. Væri nú fínt að fá eitt Blikamark fyrir hálfleik.

Kristófer Ingi með skot framhjá.

Fyrirgjöf eftir hornspynuna og Damir á marktilraun en skallar yfir markið.

Valgeir kemur upp vinstra megin og vinnur hornspyrnu.

Jæja loksins nær Breiðablik að koma sér á síðasta þriðjung. Ágúst Orri Þorsteinsson að skapa usla og Breiðablik fær svo hornspyrnu.

Breiðablik ekkert náð að skapa síðan liðið lenti undir og nú reynir Olivier Custodio bakfallsspyrnu en boltinn framhjá.

Beyatt Lekoueiry með skot af löngu færi en beint á Anton Ara.

Eftir öfluga byrjun Blika þá hefur Lausanne algjörlega tekið yfir leikinn. Þetta fyrsta mark svissneska liðsins virðist hafa verið algjört rothögg fyrir Kópavogsliðið og Lausanne einokar boltann.

Hákon skoraði ansi fallegt mark gegn Roma og Lille er að vinna á Ítalíu.

Kristófer Ingi fær boltann í hættulegri stöðu en nær ekki almennilegu valdi á honum og missir jafnvægið. Blikar að ógna.

Flott sókn hjá Breiðabliki, Kristinn Steindórsson með flota sendingu á Ágúst Orra sem kemur sér inn í teig og gerir mjög vel. Rennir boltanum á Valgeir sem á skot rétt fyrir utan teig en skotið ekki nægilega gott og fer talsvert yfir. Blikar að spila vel á milli sín í upphafi.

Ágúst Orri sækir aukaspyrnu. Beyatt Lekoueiry brýtur á honum og Blikar koma boltanum inn í teig en Sekou Fofana kemur honum í innkast. Breiðablik að sækja í upphafi leiks.

Blikar eru algrænir í dag, taka sig vel út. Þetta er farið af stað á gervigrasinu í Lausanne.

Og það vantar ekki Íslendinga í eldlínunni!

   02.10.2025 15:50

Hákon í eldlínunni gegn Roma - Sævar Atli og Eggert Aron byrja báðir hjá Brann

Leikurinn er sýndur beint á Sýn Sport Viaplay og Magnús Þórir Matthíasson er við hljóðnemann svo allt er í toppmálum. Það er góður andi á vellinum en kannski ekki alveg þetta rafmagnaða andrúmsloft sem var búið að lofa!

Fyrsti leikur Blika í Sambandsdeildinni á þessu tímabili. Evópuleikir Blika hafa yfirleitt haft fjölmörg mörk á báðum endum vallarins. Yfir 2.5 mörk og bæði lið skora gefur 80% ávöxtun hjá Epic.

Tvær breytingar frá síðasta leik, 1-1 jafnteflinu gegn FH. Inn í byrjunarliðið koma Anton Logi Lúðvíksson og Kristinn Steindórsson. Tobias Thomsen og Óli Valur Ómarsson setjast á bekkinn.

2. okt: Lausanne-Sport (úti) 23. okt: KuPS (heima) 6. nóv: Shakhtar Donetsk (úti) 27. nóv: Samsunspor (heima) 11. des: Shamrock Rovers (heima) 18. des: Strasbourg (úti)

„Við erum komnir í þessa keppni til að ná sem lengst, það gefur auga leið. Það væri skrýtið að setja markmiðið eitthvað lægra en að komast í umspilið. En eins og ég segi það er ekkert gott að horfa allt of langt fram í tímann og telja stig hér og þar. Við bara sjáum hvað gerist í þessum leik og við rúllum áfram, vonandi pikkum við upp nógu mörg stig til að eiga séns á áframhaldandi þátttöku,“ segir Kristinn Steindórsson, leikmaður Breiðabliks.

   02.10.2025 11:30

„Væri skrítið að setja markmiðið eitthvað lægra en að komast í umspilið“

Þeir Aron Bjarnason, Davíð Ingvarsson og Andri Rafn Yeoman geta ekki spilað leikinn, en aðrir eru klárir í slaginn. Þeir Anton Logi Lúðvíksson og Þorleifur Úlfarsson sneru aftur eftir meiðsli gegn FH um helgina.

   02.10.2025 12:00

„Skrítið að fara inn í hvaða leik sem er án Andra Yeoman"

„Anton Logi spilaði næstum hálftíma á móti FH sem var frábært, Þorleifur kom líka inn á. Þetta var fyrsti leikur Antons í rúma tvo mánuði og Þorleifur spilaði sinn fyrsta leik í næstum 600 daga, sem er mjög jákvætt," segir Halldór Árnason. „Eins og í allt sumar eru einhverjir frá, en við erum með stóran og góðan hóp og dveljum ekkert meira við það. Við treystum hópnum og þeim leikmönnum sem við höfum, þó svo að það sé auðvitað söknuður af þeim sem eru ekki klárir."

Illa hefur gengið í Bestu deildinni hjá Blikum, langt er frá síðasta sigri og vonin um að spila í Evrópu aftur á næsta ári er veik. Hvernig er að setja Bestu deildina til hliðar og fara á annað svið? „Það er bara gott, þetta er allt annað svið, Lausanne er lið sem er auðvitað allt öðruvísi en andstæðingar okkar á Íslandi, öðruvísi aðstæður og við komum kannski inn í leikinn á annan hátt en á Íslandi, út á við þokkalega hlekkjalausir. Menn eru bara mjög spenntir að spila fótbolta á þessu sviði," segir Halldór Árnason, þjálfari Breiðabliks. Ná Blikar að ýta áhyggjunum af Bestu deildinni alveg til hliðar? „Það held ég, menn hafa alltaf verið góðir í því að einbeita sér að næsta verkefni. Við tökum það sem við höfum gert vel og illa í síðustu leikjum í deildinni og reynum að laga það og bæta. Það er mikilvægt að staldra ekki of lengi við eitthvað sem er liðið, heldur einbeita sér að næsta verkefni." Viðtalið við Halldór í heild sinni:

   02.10.2025 10:34

Dóri Árna: Það er auðvitað mjög merkilegt og þekkist hvergi

Leikurinn verður spilaður á Stade de la Tuilière sem tekur 12.500 áhorfendur. Þetta er huggulegur leikvangur sem var vígður í lok árs 2020. Leikurinn hefst 18:45 að staðartíma og Svisslendingar vilja meina að á Evrópukvöldum myndist svakalegt andrúmsloft og stemning.

   02.10.2025 09:00

Lofa rafmagnaðri stemningu gegn Breiðabliki - „Ný vídd opnast á Evrópukvöldum“

Breiðablik hefur ekki unnið deildarleik á Íslandi síðan 19. júlí en mótherjarnir á morgun hafa líka verið í vandræðum heima fyrir. Lausanne hefur farið illa af stað í svissnesku deildinni og er næstneðst. Liðið missti lykilmenn eftir síðasta tímabil og þjálfarinn tók við Basel. Lausanne er þó miklu sigurstranglegri í veðbönkum og er Epicbet til dæmis með stuðulinn 1,40 á sigur heimamanna og 6,72 á Breiðablikssigur. Lausanne er sögufrægt félag í Sviss og hefur sjö sinnum orðið svissneskur meistari en síðasti titill kom 1965. Liðið hefur verið að jójóa talsvert mikið milli efstu deildarinnar og B-deildarinnar en kom á óvart með því að vera meðal efstu liða á síðasta tímabili og komast í forkeppni Sambandsdeildarinnar. Slógu út Besiktas og Solskjær var rekinn Þjóðverjinn Peter Zeidler tók við Lausanne í sumar og þrátt fyrir brasið í deildinni heima tókst liðinu að slá út tyrkneska liðið Besiktas í forkeppni Sambandsdeildarinnar. Lausanne vann í Tyrklandi og vann einvígið samtals 2-1. Ole Gunnar Solskjær var þá stjóri Besiktas en var látinn taka pokann sinn eftir þessi úrslit.

Genc Nuza heitir aðaldómari leiksins. Allt dómarateymið kemur frá Kósovó, þar á meðal VAR dómararnir.

Fyrsti leikur Breiðabliks af sex í deildarkeppni Sambandsdeildarinnar fer fram í Sviss klukkan 16:45 að íslenskum tíma. Blikar mæta þá Lausanne-Sport en félagið hefur verið í eigu breska auðkýfingsins Sir Jim Ratcliffe síðan 2017. Ratcliffe á einnig franska félagið Nice og hlut í Manchester United. Talað er um hann sem Íslandsvin enda er hann einn stærsti landeigandi Íslands.