Sæbjörn Þór Þórbergsson Steinke @saebjornth

- Meðalaldur 29 ár

- Meðalaldur 24 ár

Textalýsing Skýrslan Viðtöl

Hvað réði úrslitum? KR liðið var betra liðið í dag, held að langflestir geti verið sammála um það. Þeir komust yfir sem er mjög mikilvægt gegn Vestra og Vestri náði ekki að jafna sem gerði liðinu erfitt fyrir í framhaldinu. Gæðin fram á við hjá Vestra eru alls ekki endalaus og það vantaði fleiri vopn til að særa KR-inga. Bestu leikmenn 1. Guðmundur Andri Tryggvason Ég var svona eiginlega búinn að gefast upp á Andra og hans meiðslum, verið mjög erfitt að undanförnu en hann minnti heldur betur á sig í dag og skoraði tvö góð mörk. Það var alltaf einhver atgangur í kringum hann, kraftur, attitjúd, stælar og allt það sem KR liðið þarf til að geta svo sýnt gæðin. Vonandi að Andri eigi fleiri svona leiki á næsta tímabili. 2. Aron Sigurðarson Eiður Gauti skoraði tvö en fór mjög svo illa með gott færi í 0-1, sem hefði getað kostað. Aron verið besti maður KR og sýndi oft í dag mikil gæði. Tvær stoðsendingar hjá Aroni sem er á deginum besti leikmaður deildarinnar. Atvikið Þegar flaggið fór á loft í 1-1 marki Vladimir Tufegdzic. Túfa var ekki rangstæður og ákvörðunin því röng, sem er fúlt. Vestri í jafnri stöðu er allt annað lið en Vestri sem lendir undir.

Hvað þýða úrslitin? KR heldu sér uppi en Vestri fellur í Lengjudeildina. Vondur dagur Mér fannst Vestramenn upptjúnaðir, á köflum í 0-1 of peppaðir að ætla jafna strax. Þeir auðvitað jöfnuðu strax en það fékk ekki að telja. Slæm mistök Anton Kralj, slök sending inn á miðjan vallarhelming Vestra þar sem KR vann boltann og skoraði þremur sekúndum seinna setti liðið í mjög slæma stöðu. Dómarinn - 3 Mér fannst langoftast í leiknum flautað á réttum augnablikum og vel gert í því að spjalda og hvernig var spjaldað. Það er hins vegar þetta atvik í stöðunni 0-1 fyrir KR sem situr í öllum nema KR-ingum. Þetta er svo blóðugt og Eðvarð aðstoðardómari er manna súrastur og svekktastur.

- Meðalaldur 26 ár

- Meðalaldur 24 ár