SKÝRSLAN: Þrenna á 8 mínútum á Tekk vellinum
Hvað réði úrslitum?
Fylkir með alla yfirhöndina í kvöld. Leikurinn byrjaði rólega, en um leið og fyrsta markið kom fór smá panik í gegn hjá KV, og Fylkir gerði út um leikinn í fyrri hálfleiknum.
Bestu leikmenn
1. Theodór Ingi Óskarsson
Kemur inn á 68. mínútu og skorar þrennu á aðeins 8 mínútum. Glæsileg innkoma hjá honum!
2. Nikulás Val Gunnarsson
Kom einnig inn á 68. mínútu og leggur upp tvö mörk fyrir Theodór Inga.
Atvikið
Skiptingin á 68. mínútu þar sem Theodór Ingi og Nikulás Val koma inn á. Þrettán mínútum síðar eru Theodór kominn með þrjú mörk, og Nikulás Val með tvær stoðsendingar.
Hvað þýða úrslitin?
Fylkir tryggir sér áfram í 32 liða úrslitunum og fær heimaleik! Nú verður spennandi að sjá hvort mótherjinn verður KFA eða Sindri.
Vondur dagur
Erfitt að setja á einn leikmann. Svolítið gæðamunur er á liðunum, en KV hefði átt að halda betri fókus eftir að hafa fengið fyrstu tvö mörkin á sig.
Dómarinn - 10
Ekkert út á dómarateymið að setja hér í kvöld. Leikurinn var í góðu jafnvægi og engin stór atriði sem höfðu áhrif á útkomuna.