SKÝRSLAN: Fyrsta markið á fyrsta sumardegi í fyrsta leik á nýjum velli
Hvað réði úrslitum?
Hjartað og viljinn sigldu þessu í höfn hjá Þór. Heimamenn þurftu að þjást stóran hluta seinni hálfleiksins á nýja gervigrasvellinum sínum og tókst að koma í veg fyrir mark frá gestunum. Nóg fengu Framarar af sénsum til að skora og skapa en inn vildi boltinn ekki.
Bestu leikmenn
1. Yann Emmanuel Affi (Þór)
Sá átti leik í dag, komst fyrir ófáar tilraunir gestanna og var eins og klettur í hjarta varnarinnar hjá Þór. Með óreyndari menn í kringum sig en fór fyrir þeim eins og stríðsmaður.
2. Sebastian Haugland (Þór)
Það er eiginlega glæpur að velja ekki Aron Birki eftir frábæra vörslu hans en sigurmarkið verður ofan á. Frábært fyrsta mark hjá Norðmanninum Sebastian Haugland sem gerði það sem engum öðrum tókst á vellinum; að koma boltanum í netið. Það voru margar góðar frammistöður hjá Þór sem hægt væri að nefna en Haugland fær valið hér. Fred fannst mér bestur hjá Fram, heimamenn áttu í erfiðleikum með að klukka hann í seinni hálfleiknum.
Atvikið
Sigurmarkið fær þetta box, Greko fann Haugland hægra megin við D-bogann á vítateig Fram og norski framherjinn smellhitti boltann sem flaug yfir Viktor Frey í marki Þórs. Frábært fyrsta mark á nýja vellinum.
Hvað þýða úrslitin?
Frábær fyrsti sumardagur fyrir Þórsara, nýr völlur, glampandi sól og sex stig komin af níu mögulegum. Þór mætir næst Breiðabliki á útivelli. Framarar geta tekið það með sér að þeir spiluðu vel þegar þeir voru í leit að marki og á öðrum degi hefðu þeir vafalaust skorað fleiri en ekkert. Framarar taka næst á móti ÍBV á mánudag.
Vondur dagur
Enginn leikmaður sem átti eitthvað slæman leik, klassíska væri að henda í færanýtingu Framara, sú var ekki góð. Kyle McLagan átt lélega sendingu í aðdraganda marksins hjá Þór og fær hann því þetta box.
Dómarinn - 8
Mér fannst Gunnar Freyr með góða stjórn á leiknum og dæmdi leikinn heilt yfir vel.