Valsarar sigra hér í kvöld. Sannfærandi sigur sem vannst í fyrri hálfleik, svo sigldu þeir þessu heim í seinni. Viðtöl og skýrsla væntanleg seinna í kvöld.

FH-ingar fá horn, líkast til síðasta færi leiksins.

Samúel Kári fellur inn í teig eftir samstuð við varmarmann. Alveg vítalykt af þessu en enginn neitt að missa sig yfir þessu vegna þess hver staðan er.

Endalaus höfuðhögg og menn að bíða eftir að fá að koma aftur inn á. Fyrst var það Hörður Ingi, svo Adam Ægir, núna er það Úlfur. Lítið annað að gerast nema stuðningsmenn FH að týnast út.

Hörður Ingi er að fá aðhlynningu eftir hornspyrnuna sem var áðan. Hann jafnar sig af þessu sýnist mér.

FH með hornspyrnu og Kjartan Kári lyftir boltanum á nær. Úlfur nær að sneiða boltann í áttina að marki en Schram sér við honum.

Kjartan Kári með fyrirgjöf sem fer einhvern vegin framhjá öllum og stefnir á fjærstöngina. Schram lætur boltann fara og það munar litlu að Gils nær til boltans, en hann fer líka framhjá honum og síðan aftur fyrir.

Langur bolti fram hjá Val, Grétar Snær nær skallanum en beint á Tryggva. Hann gefur svo boltan á Adam sem er kominn í gott færi inn í teig. Adam reynir skotið á fjær en Jökull sér við honum.

Tómas Orri reynir skotið fyrir utan teig en þessi fer yfir. FH-ingar mikið með boltann en frekar bitlausir.

FH fær horn. Þeir þurfa að fara skora ef þeir ætla að búa til einhverja spennu. Hornið hins vegar alveg skelfilegt og fer bara beint í hliðarnetið.

Gils Gísla með skot fyrir utan teig í varnarmann, boltinn dettur svo fyrir Róbert Huga sem á fast skot á markið, en Schram er mættur og á ekki í miklum erfiðleikum með þetta.

Áhugaverð sókn hjá FH, boltinn skýst af mönnum hægri vinstri í alveg svona 20 sekúndur. Endar inn í teig þar sem hann fer af Valsara og aftur fyrir. FH fær horn, en það kemur ekkert úr því.

Lúkas Logi með töluvert af plássi en þó frekar langt frá marki. Reynir bara skotið og þessi fer bara rétt framhjá stönginni.

Tryggvi með horsnpyrnuna á nær en FH-ingar hreinsa. Eftir liggur svo Grétar Snær eftir eitthvað samstuð. Hann er samt fljótur að jafna sig.

Valsarar koma upp í skyndisókn, langur bolti fram í átt að Tryggva en FH-ingar komast inn í sendinguna og hreinsa í horn.

Hörður Ingi með hreinsun beint í Baldur Kára og FH vinnur boltann við vítateig Vals. Kjartan Kári keyrir þá inn á teig, Jakob Franz reynir að halda í við hann en rennur bara á rassinn. Kjartan tekur þá skotið en beint í varnarmann Vals.

Kjartan Kári tekur hornspyrnuna en Valsarar skalla frá.

Baldur Kári með sendinguna fyrir sem Hólmar skallar frá, en beint á Kjartan Kára. Hann tekur þá skotið en það fer í varnarmann og FH fær horn.

Það er kominn hálfleikur og þá er um að gera að kynna sér Build Back Better prógrammið hjá Einari Þorsteins og félögum í Framsókn í Reykjavík. Hér er frábær grein um fyrirætlanir Einars og Framsóknar í Reykjavík varðandi lækkun fasteignagjalda. Það munar um 800 milljónir - Auglýsing -

Valsarar með svakalega yfirburði í fyrri hálfleik 3-0 fyrir heimamönnum. FH-ingar þurfa að breyta miklu ef þeir eiga einhvern séns í seinni.

+2 Hörður Ingi fær boltan úti hægra megin og hann fær bara að valsa upp kantinn óáreittur. Hann kemur svo með fastan bolta fyrir á nær þar sem Tryggvi er í dauðafæri, kemur boltanum á markið en Jökull ver rosalega vel!

Skyndisókn hjá Val og Adam keyrir af stað með boltann. Hann leggur hann út til hægri á Tryggva sem kemur með stórhættulegan bolta fyrir teig en Carlsson er mættur á réttan stað og nær að hreinsa.

Valsarar með aukaspyrnu nálægt hliðarlínunni. Tryggvi lyftir boltanum inn í teig en FH-ingar skalla frá. Ekki langt hins vegar þar sem Hörður nær til boltans og tekur skotið en framhjá.

Tryggvi með einn á einn stöðu gegn Carlsson, reynir að rykkja til hliðar og taka skotið fyrir utan teig en það fer framhjá.

Bolti í gegn hjá FH og fyrst vilja Valsarar rangstöði sem þeir fá ekki. Boltinn berst svo út til vinstri á Kjartan Kára sem á skot í Hörð Inga. Mér sýnist boltinn fara alveg greinilega í hendina á Herði en spurning um náttúrulega stöðu og það allt.

Veldman með hornspyrnuna fyrir Val á fjær en Róbert Hugi skallar frá. Valsarar halda boltanum og ná að koma boltanum tvisvar aftur fyrir en í bæði skiptin skallar FH frá.

Kjartan Kári með skotið fyrir utan teig en þessi flýgur hátt yfir.

Dagur Orri með einfalda sendingu í gegn á Tryggva sem er þá bara sloppinn einn gegn markmanni. Jökull gerir hins vegar vel í að koma út á móti og verja. Vörn FH-inga var þarna bara eins og gatasigti.

VH fær þá horn sem þeir taka stutt á Kjartan. Hann kemur svo boltanum inn í teig þar sem boltinn dettur fyrir Flóka sem á skot í stöng og Schram nær svo að stökkva á boltann.

FH-ingar ná fínum spilkafla og koma boltanum inn á Kára sem er í fínni stöðu inn á teig. Hann tekur skotið en beint í Hólmar.

Adam Ægir er með boltann og hann ætlar að keyra inn á teig. Grétar hleyput bakvið hann og kemur aðeins við hann með höndunum en þarna fannst mér Adam láta sig bara detta.

Virðist í lagi með Birki, hann er allavega kominn aftur inná.

Birkir Heimisson liggur í grasinu og þarf aðhlynningu. Sá ekki alveg hvað kom fyrir þarna, en vonandi að hann getur haldið áfram leik.

Tryggvi með hornspyrnuna fyrir Val. Hann gefur háan bolta á fjærstöngina þar sem Lúkas Logi er aleinn. Hann reynir skotið í fyrsta en það fer hátt yfir.

Þá koma FH-ingar strax upp hinumegin. Kjartan Kári með fyrirgjöfina á fjær þar sem Tómas Orri kemst í skotið, færið hins vegar þröngt og beint á Schram.

Lúkas Logi gerir mjög vel á vinstri kantinum, kemur boltanum upp kantinn á Veldman. Hann kemur svo með fastann bolta fyrir teiginn. Skoglund kemur í seina hlaupið og nær skotinu ofarlega í teignum en yfir markið.

Valur 4-4-2 Schram Hörður - Hólmar - Jakob - Veldman Adam - Skoglund - Birkir - Lúkas Dagur - Tryggvi FH 4-3-3 Jökull Arngrímur - Grétar - Carlson - Baldur Kári - Tómas - Róbert Adolf - Flóki - Kjartan

Þá eiga FH-ingar flott uppspil fram völlinn. Baldur Kárir rennir boltanum inn í teig á Tómas Orra sem kemur hlaupandi að boltanum. Hann tekur skotið en það framhjá úr góðu færi.

FH-ingar með slaka sendingu úr vörninni og Valsarar vinna boltann. Þeir spila svo mjög flottann einna snertinga bolta og tæta í sig vörn FH. Lúkas rennir boltanum inn á Tryggva sem er einn gegn markmanni, hann reynir vippuna sem fer rétt yfir markið.

Vilhjálmur flautar og það eru FH-ingar sem hefja leik,

Leikmenn ganga út á völl og þá fer leikurinn alveg að hefjast!

FH og Valur eru bæði að innleiða svokallað Goal Unit system og þessi leikur öskrar á mörk. Yfir 3,5 mörk á Epic á stuðlinum 1.8 er gott veðmál.

— Kristalkúlan (@kristalkulan) April 23, 2026

Hermann Hreiðarsson þjálfari Vals gerir eina breytingu á liði sínu sem vann gegn ÍBV 2-1 í síðustu umferð. Bjarni Mark Antonsson sest á bekkinn en inn fyrir hann kemur Birkir Heimisson. Þá er nýjasti Valsarinn Samúel Kári Friðjónsson á bekknum og tilbúinn að spila sinn fyrsta leik í rauðu. Jóhannes Karl Guðjónsson þjálfari FH gerir tvær breytingar á sínu liði frá því að þeir töpuðu 3-2 fyrir Stjörnunni í síðustu umferð. Birkir Valur Jónsson og Ísak Óli Ólafsson setjast á bekkinn, en fyrir þá koma Arngrímur Bjartur Guðmundsson og hinn 16 ára gamli Róbert Hugi Sævarsson byrjar sinn fyrsta leik fyrir FH í Bestu deildinni.

Valsarar tóku upp veskið í vikunni og keyptu Samúel Kára frá Stjörnunni. Talað er um að það sé líklegt að hann spili sinn fyrsta leik fyrir Val í kvöld.

Vilhjálmur Alvar Þórarinsson verður með flautuna í þessum leik, en honum til aðstoðar verða Gylfi Már Sigurðsson og Ragnar Þór Bender. Gunnar Oddur Hafliðason verður fjórði dómari og Ólafur Ingi Guðmundsson er eftirlitsmaður KSÍ.

Þriðja umferðin fer af stað strax í kvöld og tók Sigurður Ragnar Eyjólfsson að sér það verkefni að spá í spilin. Siggi Raggi er að gera frábæra hluti sem þjálfari NSÍ Runavíkur þessa stundina og situr á toppnum í færeyska fótboltanum.

FH eins og Valur eru búnir að mæta ÍBV en, Hafnfirðingar gerðu jafntefli í Eyjum í fyrstu umferðinni. Í síðustu umferð var ferðalagið þeirra styttra þar sem þeir fóru að heimsækja Stjörnuna úr Garðabæ. FH var undir í baráttunni allan þann leik en voru samt á einhvern hátt með 2-2 stöðu þegar lítið var eftir. Þá skoraði Andri Rúnar Bjarnason fyrir Stjörnuna sigurmarkið og FH því aðeins með eitt stig eftir tvo leiki.

Tímabilið byrjaði ill hjá Val þar sem þeir töpuðu fyrir nýliðum Þórs í fyrstu umferð 2-1. Það leit út fyrir að ÍBV myndi bara bæta gráu ofan á svart þegar þeir komust svo 1-0 yfir í síðustu umferð. Valsarar komu hins vegar til baka og unnu leikinn 2-1. Því er Valur með þrjú stig eftir fyrstu tvær umferðirnar.

Komið þið sæl og verið velkomin í beina textalýsingu frá leik Vals og FH í þriðju umfer Bestu deildar karla. Leikurinn hefst klukkan 19:15 og verður spilaður á Hlíðarenda.