Viðtöl og skýrsla innan skamms.

Viktor Örlygur setur spyrnuna beint í hendurnar á Árna Marinó.

Elli á FM sýnir okkur 3 mínútur í uppbót.

Gabríel Snær fær boltann í góððri stöðu hægra megin, keyrir á Róbert og lætur vaða, boltinn aðeins í Robba og gerir Ingvari því erfiðara fyrir að verja en hann blakar þessu í horn.

Jón Gísli með hættulegan bolta fyrir en Gunnar sem fyrr réttur maður á réttum stað og hreinsar í innkast.

Óskar Bogga með takta úti vinstra megin og boltinn af Jóni Gísla og í horn.

Helgi tekur hana núna þar sem Danni er farinn af velli og boltinn er skallaður útfyrir teiginn á Tarik sem lætur vaða en yfir markið.

Ekkert verður úr þessari hornspyrnu Víkinga.

Skagamenn ekki beint líklegir um þessar mundir.

Skagamenn í veseni í uppspilinu, Baldvin Berndsen sendir beint á Helga sem þræðir boltann í gegnum hjarta varnarinnar á Elías Má sem snýr með boltann inná teignum og reynir að setja boltann framhjá Árna sem ver og boltinn í horn.

Mikil hætta á teig Víkinga uppúr hornspyrnunni, Ingvar þarf að verja og Skagamenn heimta víti, hrikalega erfitt að sjá nákvæmlega hvað gerist í þessari þvögu á teignum.

Ómar með góðan sprett upp vinstra megin en finnur ekki liðsfélaga í teignum, Gísli og Viktor báðir klárir.

Víkingar setja boltann í horn.

Elías Már keyrði inn á teiginn, reyndi að fara framhjá Baldvini sem potaði boltanum burt og hann rúllar svona skemmtilega að Daníel sem er að koma á ferðinni og hann bombar á markið en Árni ver og Skagamenn hreinsa hættunni í horn.

Hornspyrnan tekin stutt milli Danna og Helga sem endar með fyrirgjöf Danna á kollinn á Kalla sem skallar framhjá.

Víkingar stórhættulegir um þessar mundir!

Danni reynir sendingu í gegnum hjarta varnar Skagamanna á Valdimar sem var í góðu hlaupi en boltinn rataði í hendurnar á Árna í markinu.

Helgi brýtur á Gísla við hornfánann og Skagamenn fá aukaspyrnu sem er nánast eins og hornspyrna en ekkert verður úr því.

Fyrirgjöf frá vinstri, Karl Friðleifur rís manna hæst og skallar í hornið en Árni skutlar sér og ver vel, boltinn í hornspyrnu.

Helgi tók spyrnuna og Árni blakar henni í horn hinumegin sem Danni fer þá og tekur.

Óskar finnur Danna Hafsteins á D-boganum, sem tekur vel á móti boltanum og í fínu færi smellir honum innanfótar fast en framhjá fer boltinn.

Skagamenn vinna boltann á miðjum vellinum, Viktor Jóns snöggur að senda til hægri á Gísla sem keyrir á Helga, neglir boltanum í svæðið milli markmanns og varnar þar sem Markús Páll er fyrstur á boltann og kemur honum á markið en Ingvar með frábæra markvörslu.

Þarna áttu gestirnir að komast yfir!

Fær boltann út til vinstri, fer inn á völlinn og framhjá Jóni Gísla á hægri fótinn í gott skotfæri við teiginn, lætur vaða en Árni ver vel.

Gísli keyrði upp hægri kantinn, sendi fyrir og Gunnar hreinsaði í horn.

Spyrnan frá Gumma er skölluð frá af Helga Guðjóns.

Engar breytingar á liðunum, let's go.

Hæ, vissir þú að þegar Einar í Framsókn var borgarstjóri var lyft grettistaki í uppbyggingu fyrir fótbolta í Reykjavík?
Framsókn í Reykjavík vill halda þeirri mikilvægu uppbyggingu áfram!




- Auglýsing -

Lítið að frétta í fyrri þannig séð, tökum kaffi og kleinu!

Sýnir Elli á FM með skiltinu góða.

Óskar Borgþórs reynir skot með vinstri sem fer í Jón Gísla og afturfyrir.

Danni tekur stutt á Helga sem tekur afleita fyrirgjöf í innkast.

Gísli Laxdal með hættulegan bolta fyrir markið, Gunnar hendir sér í tæklingu til að blokka þetta og fær boltann í handlegginn sem hann notar til að styðja sig við grasið og Skagamenn tryllast, það er hinsvegar ekki hægt að dæma víti á þetta samkvæmt reglubókinni og Sigurður Hjörtur þarf að stöðva leikinn vegna mótmæla Skagamanna og útskýra aðeins fyrir Viktori Jóns fyrirliða.

Tarik vinnur boltann af Hauki á miðjunni, sendir boltann til hægri á Ármann sem keyrir inn á teiginn, sendir fyrir á Valda sem tekur snertinug en boltinn fellur fyrir Elías Má inná teignum sem lætur vaða en beint á Árna í markinu sem gerir hrikalega vel í að grípa þetta af stutu færi.

Skagamenn að sækja í sig veðrið, Ómar Björn keyrir að teignum vinstra megin, sendir þvert yfir til Gísla sem tekur við boltanum í fínu færi og lætur vaða en Ingvar ver.

Skagamenn verða að fara betur með þessi færi...

Gummi með hornspyrnuna, boltinn skallaður á D-bogann þar sem Gísli Laxdal hamrar í slánna og yfir, þetta var færi og Skagamenn nálægt því að komast yfir.

Haukur vinnur boltann á miðjunni, sendir á Gumma sem keyrir af stað, finnur Markús til vinstri sem keyrir inn á teiginn, sendir fyrir og Gunnar kemst í boltann, boltinn dettur á Gísla sem hamrar í Róbert Orra og í horn, Skagamenn heimta þó víti, vilja meina að boltinn hafi farið í hönd Róberts.

Ármann Ingi sprækur úti hægra megin, fær brot núna úti hægra megin.

Danni og Helgi standa yfir boltanum, Danni sendir fyrir og boltinn í einhvern pakka áður en Skagamenn hreinsa.

Daníel Hafsteins tekur þessa að venju en Viktor Jóns aleinn í markteignum skallar frá.

Leikurinn einkennist af hörku og þreyfingum, bæði lið að djöflast og berjast en minna um opnanir og færi.

Hljómar svona svolítið eins og Sölvi Geir gegn Lárusi Orra.

Gummi Tóta tekur þessa spyrnu og Róbert Orri skallar frá.

Tók einn snúning á miðjum vellinum og svo er brotið á honum.

Fær boltann til vinstri, keyrir inn á völlinn og lætur vaða en boltinn yfir.

En Skagamenn skalla boltann burt af marklínunni, þetta var hálfgert skot og Víkingar þéttu vel inn á markið.

Lekur í gegnum pakkann og Jón Gísli setur í hornspyrnu, þarna var hætta í teig gestanna.

Með hrikalega sendingu inn á miðjuna beint á Danna sem lætur vaða en boltinn í Baldvin og í fangið á Árna.

Heimamenn komast upp völlinn vinstra megin, boltanum komið á Danna fyrir framan teiginn og hann lætur vaða en boltinn í Johannes Vall.

Skagamenn pressa vel og Víkingar lenda í vandræðum í uppspilinu, vindurinn að hafa smá áhrif.

Föst fyrirgjöf frá Helga frá vinstri og Elías setur hausinn í þetta en yfir markið.

Leikurinn byrjar af hraða og krafti, ég heyri vel í Deano fyrir neðan mig.

Árni;
Jón Gísli, Baldvin, Böddi, Vall;
Gísli Lax, Haukur, Gummi, Ómar;
Viktor, Markús

Ingvar;
Kalli, Gunnar, Róbert, Helgi;
Tarik, Danni;
Ármann, Valdi, Óskar;
Elías Már

Danni Hafsteins setur þetta af stað!

Bogi Berndsen tekur liðsmynd Skagamanna og Höddi Macland liðsmynd Víkinga þar rétt á eftir.

Heimamenn munu byrja með boltann og spila á móti vindinum í fyrri hálfleik.

Það er ekki beint veðurblíða í Víkinni í dag, það dropar á glerið hjá mér og sæmilegur vindur á markið nær félagsheimilinu.

Það er ekkert skrýtið að það séu enn mörg laus sæti í stúkunni, ólíkt síðustu tveimur heimaleikjum Víkinga þar sem allt var orðið frátekið og stappað hálftíma í leik ef ekki meira!

Gylfi Sig og Gísli Eyjólfs fjarverandi vegna meiðsla.

Lestu byrjunarliðsfréttina.

Víkingur 2-0 ÍA
Spái því að leikurinn verði jafn framan af en Víkingarnir klára þetta í seinni hálfleik.

Spámaðurinn skoraði tvö og lagði upp tvö í mögnuðum sigri ÍR á Aftureldingu á föstudaginn.
Þess má til gamans geta að Stefán Þór var leikmaður Víkinga 2015-2017, það má því segja að hann hafi verið ákveðið upphaf þessarar vegferðar Víkinga síðustu ár.

Mér þykir ansi ólíklegt miðað við meiðslin að Gylfi verði með hér í dag, en varamaðurinn sem kom inn á fyrir Gylfa var ekki lélegri leikmaður en Daníel Hafsteinsson, ekki hræðileg skipting það!

Gylfi gengur svekktur af velli.

Víkingar hafa farið vel af stað með sín 7 stig eftir fyrstu þrjá leikina, jafntefli við Blika, sigur gegn KA og sigur gegn Stjörnunni.

Skagamenn hafa hinsvegar ekki farið jafn vel af stað og vonir stóðu til, misstu forystu niður í jafntefli gegn Fram, töpuðu þrátt fyrir fína frammistöðu gegn Blikum og misstu forystu niður í jafntefli gegn KA.

Frammistöður Skagamanna ekki slæmar en stigasöfnun vond.

Sigurður Hjörtur fær það hlutverk að flauta þennan leik, með honum að norðan kemur Patrik Freyr Guðmundsson sem AD1 og þá tekur Kristján Már Ólafs sér stöðu sem AD2.

Fjórði dómari en Elli á FM, sem dæmdi auðvitað ÍA - Víking leikinn fræga undir lok tímabilsins 2024.

Oddur Helgi verður þá með blokkina á lofti að taka út störf dómaranna.

Og verið velkomin í þráðbeina textalýsingu frá leik Víkings og ÍA.

mánudagur 27. apríl

Besta karla
17:30 Fram-ÍBV (Lambhagavöllurinn)
18:00 KR-FH (Meistaravellir)
19:15 Breiðablik-Þór (Kópavogsvöllur)
19:15 Víkingur R.-ÍA (Víkingsvöllur)
19:15 Stjarnan-Valur (Samsungvöllurinn)