Öruggur sigur Þróttara hér í kvöld. Þetta var í raun aldrei spurning eftir rauða spjaldið.

Skýrsla og viðtöl væntanleg seinna í kvöld.

Sigurður Egill með góðan bolta inn í teig og Jacob Ocares nær skallanum í átt að marki, en fer af varnarmanni og aftur fyrir.

Venjulegum leiktíma lokið. Ekkert skilti í Lengjudeildinni en trúi því ekki að það verða margar mínútur í uppbótartíma.

Emil Nói reynir skotið úr aukaspyrnu af mjög löngu færi. Skotið fer langt framhjá.

Bergvin Fannar fær boltann skoppandi til sín fyrir utan teig. Hann lætur vaða úr erfiðu færi og boltinn bara rétt framhjá.

ÍR-ingar fá hornspyrnu. Emil kemur með spyrnuna á nær en Þróttarar hreinsa.

Mjög dauft yfir leiknum síðustu mínútur. Þróttarar frekar sáttir með sitt forskot og ÍR-ingar í erfiðleikum með að gera eitthvað fram á við manni færri.

Tryggvi reynir skotið beint úr aukaspyrnu, en þessi spyrna var mjög slök og Vilhelm ekki neinum vandræðum.

Fastur bolti inn fyrir vörnina og Aron Snær er kominn í gegn. Færið er hins vegar frekar þröngt og hann tekur fast skot en Vilhelm ver frá honum.

ÍR-ingar fá aukaspyrnu á hættulegum stað.

Sigurður Egill með fastan bolta fyrir og Örn rétt nær að pota í boltann en skotið í varnarmann.

Sigurður Egill reynir skotið fyrir utan teig sem fer beint á Vilhelm og þá blæs Hreinn til hálfleiks. Algjör einstefna hér í Laugardalnum, enda ÍR-ingar manni færri. Þeir hafa hins vegar á köflum verið sjálfum sér verstir.

Þróttarar vilja fá brot þegar Aron Snær var eiginlega sloppinn í gegn. Hreinn sleppur þessu, en ef hann hefði dæmt hefði hann mögulega þurft að gefa annað rautt. Líkast til rétt dæmt hins vegar, sýnist Aron bara missa jafnvægið.

Leikurinn verið frekar rólegur síðan rauða spjaldið kom. Liðin enn að átta sig almennilega á því hvernig þeir eiga að höndla þetta.

Flott sókn hjá heimamönnum upp hægri kantinn. Aron Snær leggur boltann stutt á Eirík sem er stutt frá marki en færið frekar þröngt. Hann lætur vaða en Vilhelm sér við honum.

Þróttarar með hornspyrnu og Sigurður kemur með spyrnuna á fjær. ÍR-ingar ná fyrsta skalla en Aron Snær nær þá lausa boltanum. Hann reynir að koma sér í betri skotstöðu og lætur svo vaða en þetta hátt yfir.

Spyrnan slök hjá Sigurði Agli beint í vegginn og Eiríkur nær lausa boltanum. Hann lætur þá vaða af löngu færi en slakt skot sem fer hátt yfir.

Hrafn fer frekar hressilega í Vilhjálm Kaldal úti á vinstri kantinum og Þróttarar fá aukaspyrnu á fínum stað fyrir fyrirgjöf.

Sigurður Egill tekur spyrnuna á nær þar sem Njörður fleytir boltanum áfram. Brynjar Gautur nær svo skallanum en hann er laus og beint á Vilhelm í markinu.

Þróttarar fá fyrsta horn leiksins.

Örn Bragi er með boltann úti á hægri kantinum og reynir að keyra inn á teiginn. Hann fellur við þegar kemur að fyrsta varnarmanni og baðar aðeins út höndum, en enginn almennilega hneykslaður á því að ekkert skildi vera dæmt þarna.

Hreinn flautar og það eru ÍR-ingar sem taka upphafssparkið.

Leikmenn ganga til vallar og þá fer upphafsflautið alveg að gjalla.

Það er tæpur klukkutími í leik og byrjunarliðin hafa verið birt. Það má oft sjá breytingar milli leikja hjá þjálfurum en ekki í kvöld. Því bæði byrjunarlið eru alveg eins og í síðustu umferð.

Tareq Shihab hefur gengið til liðs við ÍR en það var tilkynnt í dag. Það verður áhugavert að fylgjast með hvort hann taki eitthvað þátt í þessum leik.

Þróttur
Komnir
Sigurður Egill Lárusson frá Val
Adam Árni Róbertsson frá Grindavík
Aron Dagur Birnuson frá Stjörnunni (á láni)
Tryggvi Snær Geirsson frá Fram

Farnir
Kári Kristjánsson í FH
Liam Daði Jeffs í ÍBV
Viktor Andri Hafþórsson í Fjölni
Hrafn Tómasson í KR (var á láni)
Sigfús Árni Guðmundsson í Fram (var á láni)
Emil Skúli Einarsson í Gróttu
Benoný Haraldsson í Þrótt Vogum á láni

ÍR
Komnir
Jón Arnar Sigurðsson frá KR
Halldór Atli Kristjánsson frá Augnabliki
André Solórzano frá Hetti
Orri Bjarkason frá Breiðabliki á láni
Ísak Atli Atlason frá FH á láni
Sæþór Ívan Viðarsson frá Hetti
Róbert Kolbeins Þórarinsson frá KFG
Benedikt Þórir Jóhannsson frá KV

Farnir
Marc Mcausland í Víði
Alexander Kostic hættur
Reynir Haraldsson hættur
Breki Hólm Baldursson í KA (var á láni)
Óðinn Bjarkason í Aftureldingu (var á láni frá KR)
Gils Gíslason í FH (var á láni)
Gabríel Aron Sævarsson í Hauka (á láni frá Blikum)
Óliver Elís Hlynsson í Fram (var á láni)
Gúndur Elllingsggaard Petersen
Renato Punyed Dubon til Níkaragva

Livey sýnir frá öllum leikjum Lengjudeildarinnar í sumar og verða einnig með umfjöllunarþátt eftir hverja umferð. Hægt er að sjá umfjöllunarþáttinn fyrir fyrstu umferð hér.

Hreinn Magnússon verður með flautuna í þessum leik en honum til aðstoðar verða Ragnar Þór Bender og Breki Sigurðsson. Hjalti Þór Halldórsson verður eftirlitsmaður KSÍ.

ÍR fór í Mosfellsbæinn í fyrstu umferð þar sem þeir mættu Aftureldingu í opnunarleik Lengjudeildarinnar. Það er óhætt að segja að deildin hafi byrjað með látum þar sem ÍR vann leikinn 7-4. ÍR beytti mjög skilvirkum skyndisóknarbolta þar sem þeir voru rétt rúmlega 20% með boltann.

Það var risa slagur í fyrstu umferð þar sem Þróttarar mættu Njarðvík. Þrótturum er spáð fyrsta sæti í deildinni af þjálfurum og fyrirliðum en Njarðvík því þriðja. Þróttur vann leikinn með tveimur mörkum gegn engu, þar sem markaskorarar voru Örn Bragi Hinriksson og Hlynur Þórhallsson.

Komið þið sæl og verið velkomin í beina textalýsingu frá leik Þróttar og ÍR í 2. umferð Lengjudeildar karla.

Leikurinn hefst klukkan 19:15 og verður spilaður á AVIS vellinum.