Svenni flautar af. Þægilegur sigur Þróttar hér í dag. Það hefði vel mátt sleppa þessum síðari hálfleik.

Jakob Ocares liggur meiddur á miðjum vellinum og virðist vera illa þjáður. Verður sennilega uppbót útaf þessu.

Lítið búið að gerast þannig séð í seinni hálfleik. Þróttur eru með algera stjórn á þessu.

Völsungur fær aukaspyrnu úti vinstra megin sem Dagbjartur tekur. Á frábæra fyrirgjöf á Mbye sem skallar yfir úr dauðafæri.

Völsungar eiga marktilraun. Bjarki Fannar á fyrirgjöf frá hægri á Dagbjart sem skallar yfir. Hinum megin á Sigurður Egill hættulega fyrirgjöf sem enginn nær til.

Heimamenn fá færi! Eftir góða pressu Mbye fær Steinþór boltann rétt utan teigs og lætur vaða. Boltinn fer í varnarmann og afturfyrir. Ekkert kemur þó úr hornspyrnunni.

En annars eru Þróttarar heilt yfir með algera stjórn á leiknum og það þarf eitthvað mikið að gerast til að heimamenn geti ógnað því að koma til baka

Bjarki Fannar á fínan sprett upp hægri kantinn og Baldur brýtur á honum. Heimamenn vilja seinna gula en Sveinn er ekki sammála

Sveinn flautar seinni hálfleikinn í gang.

Eina jákvæða fyrir heimamenn er að veðrið er frábært og hamborgarnir eru góðir. Inni á vellinum eru þeir röndóttu miklu miklu betri!

Aron Snær nálægt því að bæta við. Er kominn upp hægri kantinn og reynir að þvera boltann en Elmar nær að stoppa það. Aron fær boltann aftur og á hörkuskot rétt framhjá fjærstönginni.

Þróttarar eru algerlega á cruise control og það er töluvert líklegra að þeir skori næsta mark.

Kári Kristjánsson tekur spyrnuna en hún er slök og fer beint í varnarvegginn

Völsungur á fínasta færi en augnabliki síðar er Magnús Þórðarson sloppinn í gegn hinum megin á vellinum. Davíð Leó Lund á svo ævintýralega björgun þegar einn þróttarinn er að svo til einn gegn opnu marki. Þvílík tækling hjá Davíð!

Sigurður Egill í ágætisfæri vinstra megin í teignum en Jochum ver vel frá honum. Þróttarar fá þó hornspyrnu og reyna sömu uppskrift og í markinu en gengur ekki í þetta skiptið.

Andri Valur fær boltann í miðjum teignum og á klárlega fyrstu snertinguna áður en hann er tekinn niður. Heimamenn vilja víti en Sveinn dæmir ekkert. Þetta hefði vel getað verið eitthvað

Gestirnir nálægt því að bæta við. Örn Bragi keyrir upp hægri kantinn og á fína fyrirgjöf en heimamenn ná á síðustu stundu að bægja hættunni frá.

Leikurinn er hafinn hér á Húsavík. Rjómablíða að sjálfsögðu

Byrjunarliðin eru klár og má sjá þau hér til hliðar. Það sem vekur athygli er að Jochum Magnússon er að spila sinn fyrsta leik fyrir Völsung eftir að hafa komið frá Víkingi. Einnig er Fernando Jimenez Arranz, spænski framherjinn, í fyrsta sinn í byrjunarliði Völsungs.

Hjá Þrótti er Kári Kristjánsson mættur í byrjunarliðið eftir að hafa komið til baka frá FH í vikunni. Kaldar kveðjur sem hann fékk þaðan.
Í markinu hjá Þrótti er Aron Dagur Birnuson en hann lék með Völsungi áður fyrr.

Þróttur hefur átt tvo heimaleiki og unnið þá báða. 2-0 sigur gegn Njarðvík í 1.umferð og 3-1 sigur á ÍR í síðustu umferð og eru því með 6 stig.

Heimamenn hafa gert tvö jafntefli. 1-1 gegn Leikni á Húsavík í 1.umferð og svo markalaust jafntefli gegn Aftureldingu í Mosfellsbæ í síðustu umferð.

Góðan daginn og velkomin í beina textalýsingu frá GPG-vellinum á Húsavík þar sem að Þróttur frá Reykjavík sækir Völsung heim. Leikurinn er liður í 3. umferð Lengjudeildar karla.