1-2 fyrir FH staðan hér á Samsungvellinum.

Hulda náði að klóra í bakkann fyrir Stjörnukonur en aðeins of seint.

Viðtöl og skýrsla kemur inn síðar í dag,
Takk fyrir samfylgdina!

A.m.k. 4 mínútum bætt við venjulegan leiktíma

Hulda Hrund með ágætis tilraun en Aldís ver

Hrönn kemst svo í hörkuskyndisókn, nær skoti á markið sem Bridgette nær ekki að halda nær honum aftur og ætlar að renna honum út í teiginn en þá kemst Bridgette fyrir og sóknin rennur´út í sandinn

Úlfa Dís með aukaspyrnu en boltinn og innarlega fyrir pakkann og Aldís hirðir boltann örugglega

Skemmtileg tilþrif hjá Hrönn reynir hælsendingu á Elínu en hún er ekki alveg nógu fljót að átta sig. Þetta hefði getað orðið hörkusókn

Stjörnukonur að ógna, hörkuskot sem Hulda setur í varnarmann og yfir markið

Ingibjörg Lúcía tekur aukaspyrnu fyrir Stjörnuna, setur hann á fjær í pakkan þar sem boltinn fer að FH, horn!

Hulda Hrund með fínustu tilraun en framhjá

Berglind Freyja reynir skot en í varnarmann Stjörnunnar

Berglind Freyja nálægt því að þrefalda forystuna en Bridgette ver

167 áhorfendur mættir á Samsungvöllinn

Hulda Hrund kemst í góða stöðu hinum megin en boltinn fer í varnarmann og Aldís pikkar hann svo upp

Fínasta skyndisókn hjá FH konum, Thelma Lóa keyrir upp kanntinn, finnur Ingibjörgu, Ídu Marín og fær svo boltann aftur í fínasta skotfæri en Bridgette á ekki í vandræðum með þennan bolta

Andrea með aukaspyrnu fyrir Stjörnukonur finnur Evu Marie í teignum en Aldís handsamar þetta

Úlfa Dís komin í gegn en flaggið fer á loft

Önnur meiðslaskipting Andrea og Snædís bera Birnu útaf í gamla góða kóngastólnum, vonandi ekkert alvarlegt

Helena Maree stingur boltanum inn á niu í hlaupið en hún nær ekki valdi á boltanum og Bridgette kemur út á móti og hirðir boltann

Stjörnukonur byrja þetta af krafti Snædís María kemst í hörkufæri en ákveður að setja hann á Fanney í staðinn fyrir að skjóta sjálf, Fanney á svo þrumuskot í stöngina

Nia hefur leik á ný fyrir gestina

0-1 fyrir FH hér í hálfleik

Bara sanngjarnt FH hafa átt hættulegri færi en eins marka forysta er svakalega lítið og Stjarnan hefur alveg átt færi til að jafna þennan leik!

Umgjörðin hjá Stjörnunni er annars alveg upp á 10! heimsending á grilluðum hammara upp í blaðamannastúku og miðjuleikur í hálfleik þar sem heppinn keppandi nældi sér í áritaða treyju frá Úlfu Dís!

Takk fyrir mig og allir á völlinn segi ég nú bara!

Þóra María reynir að finna Úlfu Dís en Deja sér við þeim

Andrea sleppur með spjald þegar hún rífur Ídu Marín niður

Nia kemur sér í dauðafæri en settur boltann hárfínt framhjá! Bridgette hefði ekki átt séns ef boltinn hefði verið aðeins innar

A.m.k. 4 mínútur í uppbótatíma

Ída Marín með hörku fyrirgjöf þar sem Mackenzie er fyrst á boltann en Bridgette nær að handsama hann.

Helena Maree reynir fyrirgjöf inn á teig Stjörnunar en Telma skallar þetta frá

Úlfa Dís í hörkubaráttu við Deju sem nær að halda henni frá boltanum svo Aldís geti tekið hann

Andrea Rán tekur spyrnuna Birna kemur á hörkuhlaupi en Aldís kýlir boltann út

Helena Marree Errington kemst í fínustu skotstöðu reynir skotið en fer í varnarmann og útaf

Snædís María er að komast aftur í hörkustöðu en Deja hins vegar bæði sterk og klók og hægir á henni. Boltinn berst síðan á Ingibjörgu sem tekur skotið en Aldís grípur þetta örugglega

Þóra María kemst að harðfylgi framhjá Thelmu Lóu og nær fínustu fyrirgjöf en Snædís María rétt missir af boltanum yfir sig

Andrea Mist tekur horn fyrir Stjörnuna, setur hann yfir allan pakkann á fjær þar sem er enginn! Hvorki Stjörnukona eða FH ingur

Katla María liggur eftir, virðist hafa fengið einhvern snúning á hnéið þegar hún fellur. börurnar eru komnar þetta lítur ekki vel út

Fanney Lísa reynir að finna Birnu í stungu en aðeins of fast, hún nær þó að pikka boltann í Kötlu Maríu og útaf.

Ignibjörg reynir að finna Snædísi Maríu inn á teignum en varnarmenn FH komast í þetta á undan

Ingibjörg með hörkuskot en Bridgette er vel vakandi og handsamar þennan

Andrea Rán með hornspyrnu fyrir FH, aftur í pakkann þar sem Bridgette kemur út og kýlir boltann frá

Helena Maree reynir að finna Niu inn fyrir í fínasta hlaup en Bridgette er á undan

Þessi leikur hefur verið rosa mikill barningur, veit ekki hvort það sé útaf blautum velli, góðri pressu eða háu spennustigi en leikmenn eru að ná tveimur sendingum max áður en allt fer í skrúfuna. Lélegar sendirngar og ágætis pressa í bland

Andrea Rán tekur hornspyrnu fyrir FH, fer inn í pakkann en Bridgette Skiba kemur út og kýlir boltann frá

Andrea Rán með fínustu tilraun en yfir markið

Thelma Lóa nær fínustu fyrirgjöf en Nia nær ekki að koma boltanum að markinu

Ingibjörg með fínasta hlaup upp kantinn en Eva Marie sér við henni og skýlir boltanum útaf

Andrea Rán tekur spyrnuna fyrir FH, fer yfir mesta pakkann og FH konur ná ekki að gera sér mat úr þessu

Þóra María brýtur á Thelmu Lóu rétt við vítateigshornið. hættulegt

Birna sparkar þessu leik af stað fyrir heimakonur

Liðin eru hér komin á völlinn og þetta fer að hefjast hvað úr hverju!

Stjarnan
Óskar Smári gerir 3x breytingar á sínu liði frá 2-2 jafnteflinu fyrir norðan. Inn koma Fanney Lísa, Snædís María og Telma en á bekkinn taka sér sæti Anna María, Birna og Jana Sól.

Athyglisvert að sjá fyrirliðann Önnu Maríu á bekknum, hún hlýtur að vera eitthvað tæp.

ATH.
Þættinum voru að berast fréttir að þá er ein breyting í viðbót rétt fyrir leik! Murielle Tiernan sest á bekkinn en Birna kemur inn aftur! Hún hlýtur að vera tæp líka

FH
Bræðurnir Guðni og Hlynur gera einnig breytingu á sínu liði frá 2-1 sigrinum á Grindavík/Njarðvík. Ingibjörg kemur inn en Berglind Freyja sest á bekkinn

Aldís Kara Lúðvíksdóttir, leikmaður Hauka, spáir í leikina. Aldís Kara tók fram fótboltaskóna að nýju fyrir sumarið og hefur farið frábærlega af stað með Haukaliðinu sem er í Lengjudeildinni.



Stjarnan 2 - 3 FH
Yfirleitt hörku leikir þegar þessi lið mætast og smá Stjörnu-grýla hjá FH á Samsung vellinum. FH kemur með meira sjálfstraust inn í leikinn eftir síðustu umferð og tekur þetta naumlega.

FH konur sitja í 5. sætinu fyrir leikinn með 4 stig, jafnmörg stig og Stjarnan í sætinu fyrir ofan.

FH náði í sinn fyrsta sigur í síðustu umferð á heimvelli gegn Grindavík/Njarðvík 2-1.

Byrjunin hefur verið brösuleg hjá FH en þær eru væntanlega mættar í dag til að halda skriðinu gangandi og sækja annan sigurinn í röð.

Stjörnukonur sitja fyrir leikinn í 4. sæti með 4 stig.

Þær fóru í erfiða ferð norður í síðustu umferð. Þar sem þær misstu niður 2-0 forystu í 2-2 jafntefli á síðustu mínútum leiksins. Óskar Smári þjálfari liðsins fékk þá kaldar kveðjur frá sjálfboðaliða sem var vísað frá eftir að hafa klappað í andlitið á honum eftir marki Þórs/KA.

Fyrir þann leik unnu þær góðan sigur 2-0 sigur á Val á heimavelli. Þær munu því 100% verja heimavöllinn í dag og stefna á 3 stig gegn FH

Tveir leikir eru á dagskrá í dag en umferðin endar svo á morgun.

Í dag:
14:00 ÍBV-Þór/KA
14:00 Stjarnan-FH

Mánudagur (á morgun):
18:00 Breiðablik-Valur
19:15 Þróttur R.-Grindavík/Njarðvík
19:15 Fram-Víkingur R.

Á flautunni í dag verður Bríet Bragadóttir og henni til halds og trausts verða Daníel Ingi Þórisson og Daníel Örn Arnarson aðstoðardómarar.

Fjórði dómari er Ronnarong Wongmahadthai og eftirlitsmaður í kvöld er Skúli Freyr Brynjólfsson

Heil og sæl kæru lesendur!

Verið hjartanlega velkomin í beina textalýsingu þráðbeint frá Samsungvellinum þar sem Stjarnan tekur á móti FH í 4. umferð Bestu deildarinnar

Leikurinn hefst á slaginu 14:00!