FH klárar þennan leik 3-0 á heimavelli, mikilvægur og stór sigur fyrir þær sem vilja klárlega klifra upp töfluna og yfir ÍBV Takk fyrir samfylgdina í kvöld! Skýrsla og viðtöl væntanleg

Olga kemst inn í sendingu bara inn í teignum en missir boltann frá sér... Þetta sér maður ekki oft frá henni

Þóra Björg fellur í teignum, togað aðeins í hana en Bergrós gefur skýrt til kynna að þetta hafi ekki verið neitt

Hafrún Birna reynir skot en það er yfir

Eva Marín ekki með vitlaust skot en Guðný sér við henni

Ingibjörg felld inn í teig! Ída Marín tekur þetta

Andrea Rán, með horn fyrir FH, tekur það stutt með Ingibjörgu

Olga og Jónína í baráttu Jónína setur fótinn í andlitið á Olgu í baráttunni... mér fannst hún nú lyfta fætinum ansi hátt

Andrea Rán með aukaspyrnu á miðjum vallarhelmingi gestanna boltinn í pakkann og svo kemur ekkert teljanlegt úr þessu

Frábær fyrirgjöf frá Thelmu Lóu en Kristín Klara kemst í boltann á undan Ídu Marín og skallar hann frá

Olga finnur Clark á hlaupinu en hún er með of fasta fyrstu snertingu og missir boltann frá sér, svo Aldís hirðir hann

Vandræðagangur í vörn FH, Andrea og Deja skella saman og boltinn berst á Olgu og svo Clarck en þær bara einhvern vegin ná bara ekkert að nýta þetta og missa boltann. Þarna hefði Olga átt að gera miklu betur

Mackenzie brýtur á Clark, Avery tekur spyrnuna en hún rúllar bara út fyrir endalínu

Guðný kominn langt út úr markinu og með lélega hreinsun beint á Ídu, þetta hefði verið mark ef Ída hefði náð að miða jafn vel og Gylfi í sínum miðju mörkum

Andrea Rán tekur aukapsyrnu á miðjum velli finnur kollinn á Ídu en Guðný á ekki í vandræðum hana

Birna Kristín reynir að senda Thelmu Lóu inn fyrir en aðeins of fast og Guðný hirðir þetta

Kristín Klara gerir vel og platar bæði Ingbjörgu og Andreu upp úr skónum,

Þóra sparkar seinni hálfleiknum af stað fyrir gestina

FH leiða hér 1-0 í hálfleik! Þetta hefur verið mikið bras hjá ÍBV sem hafa misst 2 leikmenn útaf í meiðsli. Nú fer að sjást hvort ÍBV sé með nægilega breidd til að halda áfram góðu gengi

Frábær pressa hjá Rögnu Söru svo boltinn berst til Clark sem var í fullkomri stöðu en alltof lengi að átta sig

Ída finnur Niu loks inn fyrir eeeeen hún er kolrangstæð!

Thelma Lóa reynir að finna Niu inn fyrir en hún er ekki nógu fljót að kveikja og Guðný hirðir boltann

A.m.k. 3 mínútur í uppbótatíma

Jónína virðist hafa fengið olnbogaskot en það hefur verið lúmskt og Bergrós sér það ekki.

Systurnar Ída Marín og Thelma Lóa virðast vita nákvæmlega hvar hin er, Thelma er með bakið í en tekur sendingu í snúningnum hárfínt á Ídu sem er allt í einu í geggjaðri stöðu ein og tekur skot á markið en Guðný nær að verja

Viktorija reynir aftur að finna Allison Clark í hlaup en hún virðist mjög stíf á hlaupunum

Andrea Rán með aukaspyrnu fyrir þar sem Birna freistaðist til að setja hann en framhjá

Embla snýr upp á hnéið og það virðist bara hreinlega gefa sig... Þetta lítur hræðilega illa út og börurnar eru komnar á völlinn

Viktorija reynir að finna Allison Clark inn fyrir en Jónína er bara miklu hraðari og Clark gefst upp

Viktorija tekur spyrnuna, ætlar að setja hana á markið en hún var alltof laus... og Aldís handsamar boltann

Allison Clarke klaufi og alltof lengi að athafna sig en nær þó í aukaspyrnu á fínasta stað, rétt fyrir utan vítateigsbogann

Andrea Rán tekur horn fyrir FH, Guðný nær að kýla boltann í burtu, skot síðan sem fer yfir

Mér sýnist svona á leikrænum tilburður Allison Lowrey að hún sé búin í kvöld, komin með aftan í læri.... Meiðsli sem hafa verið að plaga hana í vor

Viktorija var komin ein í gegn og átti bara eftir að setja hann en flaggið fór að mér sýndist réttilega á loft. FH konur stálheppnar, þær gleymdu sér í pirring og kvarti

Jónína og Deja tvöfalda á Allison Lowrey sem ætlaði að komast í gegn. Horn sem Viktorija tekur en ekkert kemur úr því

Thelma Lóa aftur komin í geggjaða stöðu en nær ekki að setja boltann framhjá Guðný sem hirðir hann

Þarna misreiknaði Avery sig eitthvað og Ída Marín kemst í boltann er komin við endalínu og setur boltann fyrir, fast niðri, stórhættulegur bolti en Thelma Lóa nær ekki að gera sér mat úr þessu

Ída Marín kemur sér að harðfylgi í ágætis stöðu en skýtur framhjá

Aldís þarf að koma langt út úr teignum til að hreinsa áður en Allison Lowrey kæmist ein í gegn

Avery finnur Vikriju sem á hættulega sendingu inn í teiginn þar sem munaði hársbreidd að Olga næði til hans og þá ein gegn Aldísi í marki FH

Allison Lowrey gríðarsterk og Ída Marín liggur hreinlega eftir, eftir afskipti við hana, það sér maður ekki oft!

Andrea með góða sendingu upp í horn á Ingibjörgu sem tekur hann með sér og reynir svo að ég held skot á fjær en það er framhjá

Nia sparkar þessu af stað fyrir heimakonur

Liðin ganga hér inn á völlinn, ÍBV spila í heiðbláum varabúningum en FH hvítar og svartar að vana! þetta fer að hefjast!

FH Bræðurnir Guðni og Hlynur gera 4x breytinga frá því í síðasta leik þeirra gegn Selfossi í Mjólkurbikarnum. inn í liðið koma Nia Raisa Christopher, Ída Marín, Thelma Lóa, Andrea Rán en úr liðinu fara Helena Maree Errington, Berglind Freyja, Elín Björg og Hafrún Birna. ÍBV Jón Óli gerir einnig 3x breytingar á sínu liði frá því í leik þeirra gegn Tindastól í Mjólkurbikarnum. Inn í liðið koma aftur Guðný Geirsdóttir, Olga Sevcova, Allison Lowrey en úr liðinu fara Arden Joy, Þóra Björg, Milena,

Mist Rúnarsdóttir, sérfræðingur í kvennaboltanum, spáir í leiki kvöldsins. FH 3 - 1 ÍBV (18:00 í kvöld) Ég hef tilfinningu fyrir því að FH-ingar verði fyrstar til að taka stig af sjóðheitum Eyjakonum. Þetta verður að sjálfsögðu hörkuleikur, opinn og skemmtilegur. Skýt á að Nia, Deja og Berglind Freyja setji mörk heimakvenna en Allison Patricia Clark skorar fyrir ÍBV eftir stoðsendingu Olgu Sevcova sem heldur áfram að valda usla.

Nýliðar ÍBV sitja flestum að óvörum í 2. sæti með fullt hús stiga, 12 stig! Þær hafa aðeins lakari markatölu en Breiðablik sem sitja þar af leiðandi í 1. sætinu. ÍBV eru eins og áður sagði með fullt húsa stiga og eru því ósigraðar bæði í deild og bikar en þær sóttu auðveldan 5-0 sigur gegn Tindastól í Mjólkurbikarnum. Þar náðu þær að hvíla lykilmenn en bæði Olga og Allison Lowrey voru ekki í hóp. Í deildinni náðu þær síðast í góðan 2-0 sigur gegn Þór/KA á heimavelli. Einmitt með mörkum frá Olgu og Allison Lowrey. Nýliðarnir hafa komið af hörku inn í deildina og hafa skorað flest mörk. Hins vegar hafa þær líka verið að fá á sig slatta af mörkum og var leikurinn gegn Þór/KA í fyrsta skiptið sem þær héldu hreinu. Ég býst því við mjög fjörugum leik hér í dag!

Heimakonur í FH sitja fyrir leikinn í dag í 3. sæti deildarinnar með 7 stig. 5 stigum á eftir Breiðablik og ÍBV sem eru með fullt hús stiga á toppnum. FH konur hafa verið á góðu flugi og hafa unnið síðustu 3 leiki í röð. Sá síðasti 0-7 gegn Lengjudeildarliði Selfoss í Mjólkurbikarnum. Hinir tveir leikirnir í deildinni, 1-2 gegn Stjörnunni og svo 2-1 gegn Grindavík/Njarðvík. Þær fengu hins vegar skelfilegar fréttir á dögunum. Fyrirliði þeirra Katla María Þórðardóttir fór sárþjáð af velli gegn Stjörnunni og nú er komið í ljós að hún er með slitið krossband og mun því ekki spila meira á þessu tímabili. Hræðilegar fréttir úr Krikanum en vonandi mun endurhæfingin ganga vel hjá Kötlu! Nú þurfa FH konur því að bregðast við þessum missi og aðrir leikmenn að stíga upp í fjarveru fyrirliðans. Það verður áhugavert að sjá hvernig þær svara því verkefni í dag gegn sterku liði ÍBV, en þær hafa sýnt að þær eru vel skipulagðar, baráttuglaðar og ekki auðveldur andstæðingur fyrir nein lið í deildinni.

Öll umferðin er spiluð í dag, þar sem þessi leikur var færður. 5. umferðin lítur þá svona út: Í dag: 18:00 FH-ÍBV 18:30 Þór/KA-Breiðablik 19:15 Víkingur R.-Þróttur R. 19:15 Valur-Fram 19:15 Grindavík/Njarðvík-Stjarnan

Á flautunni í kvöld verður Bergrós Lilja Unudóttir og henni til halds og trausts verða Jón Reynir Reynisson og Daníel Örn Arnarson aðstoðardómarar. Fjórði dómari er Reynir Ingi Finnson og eftirlitsmaður í kvöld er Ólafur Ingi Guðmundsson

Verið hjartanlega velkomin í beina textalýsingu þráðbeint frá AVIS vellinum þar sem Þróttur tekur á móti Grindavík/Njarðvík í 4. umferð Bestu deildarinnar Leikurinn hefst á slaginu 18:00!