Allt jafnt hér á JBÓ vellinum! Viðtöl og skýrsla væntanleg.

Grindavík/Njarðvík ógnar eftir hornspyrnu en ná ekki að koma skotinu á markið og Stjarnan verst vel.

Heimakonur sækja og komast í hörku stöðu en Stjarnan nær að henda sér fyrir skotið frá Rakeli Sigurðardóttur og verjast góðu áhlaupi frá Grindavík/Njarðvík.

Fyrirgjöf frá vinstri verður að frábæru skotfæri hjá Stjörnunni en Lauren Kellet þarf að slá boltann burt.

Ingibjörg Lúcía með tilraun yfir markið.

Snædís María með skalla framhjá markinu. Stjarnan líklegri þessa stundina.

Aníta Ýr með flotta pressu hjá Stjörnunni og nálægt því að vinna boltann af Hannah McLaughlin en Lauren Kellet í markinu var tilbúin.

Úlfa Dís vinnur boltann hátt á vellinum og Stjarnan eru þrjár á tvær en Grindavík/Njarðvík verjast virkilega vel.

Þóra María með sendingu fyrir markið sem Snædís María nær ekki góðri móttöku á og boltinn fer aftur fyrir.

Sophia Romine í lofandi stöðu en kemur með full lausan bolta fyrir markið og Bridgette í marki Stjörnunnar kemur út og sækir boltann.

Frábær fyrirgjöf fyrir markið og Stjarnan kemur boltanum í slána og inn en flaggið á loft svo það taldi ekki.

Stjarnan fær hornspyrnu.

Stjarnan gerir frábærlega að þræða Úlfu Dís í gegn en Lauren Kellett kemur vel út á móti og lokar.

Byrjar hægt í seinni en vonandi fer að færast eitthvað fjör í þetta.

Vonandi fáum við samba í seinni.

Eftir fjöruga byrjun á leiknum róaðist hann full mikið eftir markið. Við óskum eftir örlítið meiri skemmtun í síðari hálfleik. Tökum okkur stutta pásu og snúm svo aftur eftir korter með seinni hálfleikinn.

Stjarnan verið örlítið ofan á í baráttunni síðustu mínútur en það er lítið um að vera í þessum leik sem stendur.

Andrea Mist reynir skot fyrir utan teig sem svífur yfir markið.

Stjarnan sækja sér hornspyrnu með fínasta spili. G/N skallar frá í ræturnar á Þóru Maríu sem reynir skot en hittir boltann illa og hann fer vel yfir markið.

Ása Björg kemst upp að endamörkum og á fyrirgjöf fyrir markið en Stjarnan kemur þessu frá.

Ekki mikið um að vera þessa stundina.

Stjarnan með aukaspyrnu inn á teig sem þær skófla svo yfir markið.

Grindavík/Njarðvík verið betri í upphafi leiks. Þær hafa verið hættulegar þegar þær hafa komist á síðasta þriðjung.

Ása Björg með frábæran bolta fyrir markið á Sophiu Romine sem á flotta tilraun sem Bridgette í marki Stjörnunnar ver frábærlega!

Hildur Katrín á gott skot sem fer rétt yfir markið.

Lily Farkas með fyrirgjöf sem verður hálfpartinn að skoti á markið.

Úlfa Dís með tilraun rétt framhjá markinu.

Eru að komast í hættulega stöðu en G/N verjast vel.

Grindavík/Njarðvík með hornspyrnu og skalli að marki endar með flottri vörslu.

Stjarnan fær fyrstu hornspyrnu leiksins.

Það eru gestirnir frá Garðabæ sem sparka okkur af stað.

Mist Rúnarsdóttir, sérfræðingur í kvennaboltanum, spáir í leiki kvöldsins. Grindavík/Njarðvík 2 - 1 Stjarnan Það er alls ekki einfalt að lesa í þennan leik en það er líka erfitt að sjá fyrir sér að stórskemmtilegir nýliðar Grindavíkur/Njarðvíkur fari að hætta að koma öllum nema sjálfum sér á óvart. Þetta verður þungavigtarbarátta. Stál í stál og lítið sem skilur á milli. Mögulega Genevive í marki heimakvenna? Sjóðheit Sophia Faith Romine skorar bæði fyrir G/N en skemmtikrafturinn Úlfa Dís kemur sér á blað í deildinni og setur mark Stjörnunnar.

Öll fimmta umferðin er spiluð í dag og lítur umferðin svona út: 18:00 FH-ÍBV 18:30 Þór/KA-Breiðablik 19:15 Víkingur R.-Þróttur R. 19:15 Valur-Fram 19:15 Grindavík/Njarðvík-Stjarnan

Nýliðarnir hafa farið skemmtilega af stað og sitja í 5. sæti deildarinnar með 6 stig eftir fjórar umferðir. Grindavík/Njarðvík sótti þrjú stig á Avis völlinn í síðustu umferð þar sem þær gerðu sér lítið fyrir og unnu lið Þróttara 1-2. Fyrir það hafði liðið tapað gegn FH úti og unnið góðan heimasigur gegn Þór/KA.

Stjarnan hefur farið hökktandi af stað og sitja í 7. sæti deildarinnar með 4 stig eftir fjórar umferðir. Stjarnan tapaði í síðustu umferð 1-2 gegn FH en höfðu fyrir það sótt jafntefli á Akureyri gegn Þór/KA og unni Val heima 2-0.

Ásmundur Þór Sveinsson er dómari kvöldsins og honum til aðstoðar verða Óliver Thanh Tung Vú og Nour Natan Ninir. Fjórði dómari er Ágúst Hjalti Tómasson og eftirlitsmaður KSÍ er Björn Guðbjörnsson.

Verið hjartanlega velkomin í þessa þráðbeinu textalýsingu frá JBÓ vellinum í Njarðvík þar sem Grindavík/Njarðvík taka á móti Stjörnunni í 5. umferð Bestu deild kvenna.