SKÝRSLAN: Þrjóskusigur HK
Hvað réði úrslitum?
Það var rosaleg þrjóska í HK að taka þennan leik. Hvorug lið buðu upp á fallegan fótbolta í fyrri hálfleik og ekkert mjög mikið í seinni heldur. HK voru bara einfaldlega með fleiri færi og nýttu þau betur en Völsungur.
Bestu leikmenn
1. Jochum Magnússon
Jochum stóð svo sannarlega sína vakt milli stanganna í kvöld, varði nánast allt þangað til í lokin þegar HK skorar svo loksins
2. Sigurður Gunnar Jónsson
Hann varðist eins og naut í kvöld! Ein af helstu ástæðunum að Völsungar náðu ekki að skjóta mikið á markið!
Atvikið
Ábyggilega bara þegar HK nær loksins að sigla þessu heim á 83. mínútu. Það var búið að koma skot í stöng, þverslánna og síðan bjargað á línu!
Hvað þýða úrslitin?
Þessi úrslit þýða einfaldlega það að HK situr í 3. sæti eftir leiki kvöldsins með 12 stig á meðan Völsungur þarf að bíta í það súra epli að vera í 12. sæti með 2 stig.
Vondur dagur
Það átti enginn vondan dag í raun. Finnst það smá synd að það var ekki boðið upp á betri fótbolta í fyrri hálfleik en það er alltaf hægt að bæta það upp!
Dómarinn - 7
Ekkert mikið hægt að setja út á þessa dómgæslu hjá Elíasi. Bara allt hárrétt eiginlega.