Tryggvi Guðmundsson @fotboltinet

- Meðalaldur 25 ár

- Meðalaldur 22 ár

Textalýsing Skýrslan

Hvað réði úrslitum? Eyjamenn mættu gríðarlega grimmir til leiks strax frá fyrstu mínútu og stjórnuðu umferðinni nánast allan leikinn. Keflvíkingar fengu sitt fyrsta færi á 53. mínútu leiksins og voru mjög bitlausir fram á við. Einnig var varnarleikur Keflvíkinga mjög slakur. ÍBV voru mjög klínískir í sínum sóknaraðgerðum og uppskáru hvorki meira né minna en sex mörk. Bestu leikmenn 1. Bjarki Björn Gunnarsson Það voru margir góðir í liði ÍBV í dag en Bjarki Björn stendur upp úr með sínar fjórar stoðsendingar. Var einnig góður varnarlega. Mjög góður leikur hjá honum. 2. Róbert Elís Hlynsson Skorar tvö góð mörk í dag, eitt með skalla og annað með vinstri fæti. Var einnig mjög góður í uppspili ÍBV og vann mörg návígi. Atvikið Omar Sowe kemur inn á eftir árs fjarveru vegna erfiðra meiðsla. Kom mjög sprækur inn á með hraða sínum og gerði gott mark í endurkomuleiknum sínum.

Hvað þýða úrslitin? ÍBV nær í sinn fyrsta sigur í sumar og koma sér út botnsætinu með sín fimm stig. Eru þó enn í fallsæti en þetta var mjög góður dagur hjá þeim og þeir hefðu sjálfsagt viljað spila næsta leik um næstu helgi en þurfa að bíða til 14. júní. Þá er risaslagur gegn Þór á Akureyri. Keflavík er áfram um miðja deild með 11 stig. Vondur dagur Stefan Ljubicic náði sér engan veginn á strik í þessum leik og einbeitti sér meira að því að tuða frekar en að spila fótbolta. Ég hef oft séð Stefan betri en í dag. Er oftast aðalmaðurinn í sóknarleik Keflvíkinga en hitti ekki á daginn í dag. Dómarinn - 8 Mjög vel dæmdur leikur hjá Jóhanni Inga. Engin stór vafaatriði og lítið út á hann að setja.

- Meðalaldur 25 ár

- Meðalaldur 26 ár