Framarar fara með sigur af hólmi í sjö marka skemmtun og fagna vel og innilega. Liðin sitja enn í 3. og 4. sæti en bilið á milli þeirra nú 5 stig.

Ég þakka kærlega fyrir mig.

Skýrsla og viðtöl væntanleg seinna í kvöld.

Vuk í dauðafæri en klikkar og Kennie skýtur síðan í stöngina!!

Hefðu getað klárað þetta þarna.

Við fáum 3 mínútur í uppbót og Framarar fá markspyrnu og Viktor tekur sér góðan tíma í þetta.

Blikar þjarma vel að marki Fram þessa stundina.

Ágúst með fyrirgjöf inn á teiginn en Kennie neglir þessu burt.

Blikar farnir að kasta ansi mörgum mönnum fram völlinn við öll tækifæri.

Blikar farnir að setja meiri pressu á Framara í leit að jöfnunarmarki.

Framarar vilja víti en ekkert dæmt og Blikar keyra upp en ekkert verður úr skyndisókninni.

Það liggur mark í loftinu.

Framarar reyna aðeins róa þetta niður núna og halda í boltann.

Ívar Örn með boltann fyrir og Arnar Bjarki undan í boltann og Viktor Freyr brýtur á honum.

Vinnur einvígi við Arnór Gauta og nær skoti sem fer í varnarmann og aftur fyrir.

Ægir Jarl með skalla framhjá markinu eftir aukaspyrnu utan að kanti.

Framarar í færi hinum megin en Blikar bægja hættunni frá.

Byström rennir boltanum fyrir markið og Freyr er svo nálægt því að koma boltanum í autt markið.

Blikar virðast vera alveg brotnir!

Haraldur tekur spyrnuna og Anton ver og þarf að kýla boltann tvisvar til að koma honum í burtu.

Jakob Byström virðist vera sparkaður niður en Gunnar Oddur er á öðru máli.

Algjörlega stórkostleg skemmtun þessar 45 mínútur. 4 mörk komin og hefðu hæglega getað verið fleiri.

Tökum okkur stutt hlé og síðan er það seinni hálfleikurinn.

Róbert fær sendingu upp rennuna og gerir vel að koma sér í færi en Anton sér við honum.

Kennie kemur á ferðinni og nær góðu skoti sem Anton ver. Stúkan staðin upp og klappar vel fyrir fyrirliðanum.

Viktor Karl brýtur á Haraldi en sleppur án spjalds og stúkan ekki sátt.

Blikar hafa verið mun meira með boltann seinustu mínútur og Framarar verjast þéttir.

Blikar keyra hratt upp völlinn sem endar með skoti frá Höskuldi en það fer hátt yfir markið.

Leikurinn hefur aðeins róast eftir heldur fjörugar fyrstu 20 mínútur.

Ægir Jarl með boltann við teig Blika og lætur vaða en Anton ver vel í markinu.

Hætta inn á teig Blika en Róbert rétt missir af boltanum og Blikar hreinsa frá.

Framarar keyra í skyndisókn fjórir á tvo en Kennie missir boltann of langt frá sér og þetta rennur út í sandinn.

Góð spyrna frá Kristófer sem Viktor ver vel og boltinn aftur fyrir endamörk.

Ágúst fiskar aukaspyrnu á álitlegum stað

Blikar halda áfram að koma sér inn í leikinn. Góð sending fyrir markið frá Ágústi sem Viktor Freyr kemst inn í

Viktor Karl með fast skot beint á markið sem nafni hans ver.

Framarar fá fyrstu hornspyrnu leiksins og er smá klafs í teig Blika sem hreinsa þó að lokum.

Atli Þór Jónasson, leikmaður Fram, er frá vegna meiðsla og er því ekki í hóp í dag.

“Bæði lið skora 2 mörk+” er á stuðlinum 3 á Epic og hefur það verið niðurstaðan í 3 af siðustu 4 leikjum hjá baðum liðum.

— Kristalkúlan (@kristalkulan) May 29, 2026

Rúnar Kristinsson stillir fram óbreyttu byrjunarliði frá 0 - 1 sigrinum gegn Stjörnunni í síðustu umferð. Vuk Dimitrijevic er kominn aftur í hóp Fram og tekur sæti á varamannabekknum.
Ólafur Ingi Skúlason gerir eina breytingu í sínu liði frá 6 - 3 sigrunum á KR í síðustu umferð. Andri Rafn Yeoman fór útaf meiddur á 37. mínútu og er í liðsstjórn en Arnór Gauti kemur inn í byrjunarliðið í hans stað.

Skemmtileg upphitun fyrir leik kvöldsins verður í veislusal Fram þar sem húsið opnar 17:30.

Liðin spiluðu þrisvar við hvort annað á síðustu leiktíð þar sem bæði voru í efri hluta deildarinnar. Fram vann fyrsta leikinn 4 - 2 í eftirminnilegum leik þar sem Blikar voru yfir 0 - 2 á 70. mínútu en varnarleikur þeirra hrundi eftir það og Framarar settu fjögur mörk á 11 mínútna kafla í lokin.

Annar leikur liðanna endaði með 1 - 1 jafntefli á Kópavogsvelli þar sem Höskuldur Gunnlaugsson jafnaði metin úr vítaspyrnu á 91. mínútu og svo í kjölfar spyrnunnar sauð gjörsamlega allt upp úr og Arnar Þór, dómari leiksins, rak Höskuld og Kyle McLagan báða útaf.

Lokaleikur liðanna á síðustu leiktíð var Blikasigur þar sem staðan var 3 - 1 í hálfleik og þar við sat. Leikur kvöldsins getur því farið í allar áttir og vonumst við eftir algjörri veislu!

Elmar Kári Cogic, leikmaður Aftureldingar, sá um spána fyrir 9. umferð Bestu deildar og hann spáði hann jöfnum leik.



Jafnteflis fnykur og spáir 1 - 1.

Blikar hafa farið aðeins hikstandi af stað í þessu móti og eru núna 10 stigum fyrir aftan Víkinga sem sitja í efsta sætinu. Blikar sitja í 4. sæti deildarinnar með 15 stig eftir 8 umferðir. Í síðustu umferð vann Breiðablik leik sinn gegn KR en sá leikur fór 6 - 3 þannig við vonumst eftir svipaðri veislu hér í kvöld.

Framarar koma inn í þennan leik fullir sjálfstrausts eftir frábæra byrjun í mótinu. Þeir sitja í 3. sætinu með 17 stig en þeir hafa sótt 13 stig af 15 mögulegum í síðustu fimm leikjum sínum. Í síðustu umferð náðu þeir í sterkan 0 - 1 sigur gegn Stjörnunni á Samsungvellinum.

Gunnar Oddur fær það hlutverk að dæma leikinn og honum til halds og trausts sem aðstoðardómarar eru Gylfi Már Sigurðsson og Ronnarong Wongmahadthai. Fjórði dómari leiksins er Róbert Þór Guðmundsson og eftirlitsmaður er Jón Magnús Guðjónsson.

Sæl öll og verið velkomin í textalýsingu frá Lambhagavelli þar sem heimamenn í Fram fá Breiðablik í heimsókn í 9. umferð Bestu deild karla.

föstudagur 29. maí
19:15 FH-ÍA (Kaplakrikavöllur)
19:15 Fram-Breiðablik (Lambhagavöllurinn)

sunnudagur 31. maí
17:00 ÍBV-Keflavík (Hásteinsvöllur)
17:00 KR-KA (Meistaravellir)
17:00 Þór-Stjarnan (VÍS völlurinn)
19:15 Valur-Víkingur R. (N1-völlurinn Hlíðarenda)