Snæbjört Pálsdóttir @fotboltinet

- Meðalaldur 22 ár

- Meðalaldur 19 ár

Textalýsing Skýrslan Viðtöl

Hvað réði úrslitum? Það sem réði úrslitum í dag var seiglan hjá Þróttaraliðinu, þær spiluðu manni færri í rúman hálftíma og það sást eiginlega bara ekki að þær væru manni færri fyrr en undir lok leiksins. Valur hefði átt að gera mun betur í að nýta yfirtöluna. Bestu leikmenn 1. Unnur Dóra Bergsdóttir Gerði vel í dag og sá til þess að Þróttaraliðið vann leikinn. Var lífleg í fremstu línu hjá Þrótti og skoraði eina mark leiksins eftir frábært samspil við Björgu, þetta er tvíeyki sem ég held að verði baneitrað í sumar! 2. Mist Funadóttir Að öðrum ólöstuðum átti Mist líka frábæran leik bæði í vörn og sókn. Stórhættuleg í utaná hlaupum og fyrirgjöfum en líka mjög mikilvæg í varnarhlutverkinu og erfitt að komast framhjá henni. Set svo shout out á Björgu sem var að byrja sinn fyrsta leik á tímabilinu eftir meiðsli. Rosalegur hraði í henni og getur sprengt upp leikinn, verður gaman að fylgjast með henni! Atvikið Set þetta á rauða spjaldið hjá Alexia Marin Czerwien, svo glórulaust að sparka boltanum burtu þegar þú ert á gulu spjaldi fyrir og hefði getað reynst Þrótturum ansi dýrkeypt.

Hvað þýða úrslitin? Úrslitin þýða það einfalslega að Þróttur hirðir stigin þrjú og er komið upp í 12 stig og eru nú einungis 1 stigi á eftir FH og ÍBV sem þó eiga eftir að spila sína leiki. Valur er áfram með sín 7 stig í 7. sæti. Vondur dagur Klárlega vondur dagur hjá Alexia Marin Czerwien, hún á bæði að vita og gera betur! Rautt spjald í dag, skildi samherjana sína eftir í erfiðri stöðu í rúmlega hálftíma, nælir sér í leikbann í næsta leik og hennar bíður væntanlega væn sekt í klefanum fyrir fáránlegt rautt. Treysti á að Rósey sektarstjóri setji góða summu á hana! Dómarinn - 5 Svona allt í lagi dagur bara hjá dómarateyminu í dag. Veit að Valsarar eru svekktir að fá ekki víti þegar Ísabella féll inn í teig en mér fannst þetta ekki nóg til þess.

- Meðalaldur 24 ár

- Meðalaldur 22 ár