SKÝRSLAN: Messi kom, sá og sigraði
Hvað réði úrslitum?
Innkoma Messi. 1-0 tap gegn heimsmeisturunum hefði ekki verið heimsendir en hlutirnir fóru að tikka betur hjá Argentínu eftir að Messi mætti til leiks.
Bestu leikmenn
1. Albert Guðmundsson
Ekki mikið um dýrðir hjá íslenska liðinu en Albert var sprækur eins og oft áður. Skapaði nokkur góð færi.
2. Mikael Egill Ellertsson
Kom sér á köflum í góðar stöður þrátt fyrir að markaskórnir voru ekki rétt reimaðir. Lipur með knöttinn.
Atvikið
Lionel Messi. Innkoma argentíska snillingsins á 70. mínútu gjörbreytti leikskipulagi beggja liða.
Hvað þýða úrslitin?
Æfingarleikur sem hefur ekki mikla þýðingu fyrir Ísland annað en mínusstig á FIFA listanum. Leyfðum heimsmeisturunum að svitna aðeins fyrir HM.
Vondur dagur
Ekki hægt að skella þessu á einhvern einn. Flestir urðu áhorfendur eftir að Messi kom inn á.
Dómarinn - 5
Ekki hægt að saka Rosendo Mendoza um eitthvað þrælillt þrátt fyrir nokkur skrítin gul spjöld, sem hallaði aðallega á íslenska liðið.