FH situr enn á botninum samt sem áður en eru núna þremur stigum frá öruggu sæti. Keflavík er áfram í sjöunda sæti en hafa nú tapað tveimur leikjum í röð. Viðtöl og skýrsla koma inn síðar í kvöld.

FH skallar frá. Svo kemur annar bolti inn á teiginn sem fer aftur fyrir markið.

Keflavík fær horn. Síðasti séns og Ásgeir Orri er kominn fram.

Þetta er að fjara út og FH er að landa sínum fyrsta sigri í Bestu deildinni sumarið 2026.

Eftir hornspyrnuna á Alpha Conteh skot sem fer fram hjá markinu. Ágætis tilraun svo sem.

Keflavík fær horn!

Það er kominn frekar mikill pirringur í Keflvíkinga. FH-ingar í stúkunni hvetja sitt lið til dáða.

Kjartan Kári með góða sendingu í svæðið á Sverri Pál sem fer á ógnarhraða upp völlinn en Davíð Helgi er líka fljótur og bjargar þessu fyrir Keflvíkinga.

Keflavík fær aukaspyrnu með fyrirgjafarmöguleika en heimamenn eru klaufar og brjóta af sér þegar spyrnan er tekin.

FH gert þetta mjög fagmannlega í seinni hálfleiknum. Spurning hvort þessa þrefalda breyting muni kveikja neista hjá heimamönnum.

Adolf Daði leggur boltann út í teiginn á Kristján Flóka sem er í mjög góðu færi en hann hittir boltann ekki vel og setur hann fram hjá markinu.

Langur bolti upp á Eið Orra en Jökull kemur út úr markinu og handsamar hann.

Twana byrjaður að telja niður þegar Jökull tekur markspyrnu. Þetta eru nýju reglurnar sem maður hefur tekið vel eftir á HM.

Eiður Orri á skot eftir hornspyrnuna en það fer yfir markið.

Alghoul tekur aukaspyrnu og boltinn smellur í samskeytunum! Geggjuð spyrna í markmannshornið. Keflavík fær svo horn.

Keflavík fær aukaspyrnu á ágætis stað fyrir skotfæri.

Það er svona frekar rólegt yfir þessu. Keflvíkingar verða að fara að hækka tempóið eitthvað.

Kristján Snær næstum því búinn að prjóna sig í gegn en missir boltann svo alltof langt frá sér.

Jökull stekkur upp og grípur hornið vel.

Keflavík hær horn. Ná þeir að gera eitthvað úr þessu?

Hornspyrna sem Keflavík á en Úlfur Ágúst skallar frá. Svo kemur boltinn aftur inn á teiginn en Jökull kemur út og grípur þægilega.

FH-ingar eru fljótir að fara upp hinum megin og Kristján Flóki í ágætis færi en nær ekki miklum krafti í skotið. Samt sem áður ágætlega varið hjá Ásgeiri Orra í markinu.

Davíð Breki núna með skot sem FH-ingar henda sér fyrir.

Breki Baxter í skotfæri á teignum en skotið fer af varnarmanni og langt fram hjá.

Stefan Ljubicic í algjöru dauðafæri en hittir bara ekki boltann! Muhamed Alghoul með mjög góða undirbúning og þarna átti Stefan að minnka muninn.

Engar skiptingar, áfram gakk.

Keflavík fær horn rétt áður en fyrri hálfleikurinn klárast. Það skapaðist smá hætta en FH-ingar henda sér fyrir allt. Það eru gestirnir úr Hafnarfirði sem leiða í hálfleik og það er bara frekar sanngjarnt.

Úlfur Ágúst næstum því búinn að gera þriðja markið! FH-ingar hafa tekið öll völd á vellinum eftir því sem hefur liðið á fyrri hálfleikinn!

Eiður Orri lætur vaða úr nánast ómögulegri stöðu. Hann hittir boltann vel en kemur honum ekki á markið.

Eiður Orri með geggjaðan sprett og var að komast í hættulega stöðu en FH-ingar gera vel að stoppa hann.

Kristján Flóki með 'volley' fyrir utan teig en setur boltann svolítið hátt yfir markið. Hitti hann ekki alveg nægilega vel þarna.

Tómas Orri með hættulega fyrirgjöf og hann finnur Ísak Óla í teignum, en skalli hans fer fram hjá markinu.

Ásgeir Páll með fyrirgjöf sem fer aftur fyrir endamörk.

Adolf Daði með fyrirgjöf frá hægri og Úlfur Ágúst kemur á ferðinni, nær ágætis skalla en yfir markið.

FH-ingar eru að sækja í sig veðrið og fá hér hornspyrnu.

Tómas Orri með ágætis tilraun en yfir fer boltinn! Þetta skot leit ágætlega út.

Alpha Conteh fer vel með boltann og á svo hörkuskot sem Jökull ver!

Adolf Daði fær boltann úti hægra megin, tekur skæri og reynir að þræða Kristján Flóka í gegn en sendingin er of föst.

Keflavík verið talsvert meira með boltann enn sem komið er og verið líklegri aðilinn.

Það er erfitt að sjá hvort Stefan hafi verið rangstæður þarna, mjög tæpt var það. Eiður Orri var klaufi að missa af boltanum áður en hann fer til Stefans því hann var ekki rangstæður.

Stefan Ljubicic, sóknarmaður Keflvíkinga, ekki sáttur við þennan dóm. ,,Þú ert seinn," segir hann ítrekað við aðstoðardómarann.

Keflvíkingar koma boltanum yfir línuna en rangstaða dæmd. Alpha Conteh bjó þarna til hættulegt færi.

Keflvíkingar við það að koma sér í hættulega stöðu en FH-ingar bjarga sér fyrir horn.

Úlfur Ágúst í ágætis skotfæri fyrir utan teig og lætur vaða, en þó skotið sé fast þá er það beint á Ásgeir Orra.

Alpha Conteh gerir vel, kominn inn á teiginn og nær að pota boltanum áfram á Stefan Ljubicic en Jökull gerir frábærlega og er aðeins á undan í boltann!

Arnór Borg heldur um mjöðmina og mér sýnist allt benda til þess að hann hafi lokið leik.

Arnór Borg fær hér högg í upphafi leiks og þarf aðstoð sjúkraþjálfara. Lítur ekkert sérstaklega vel út fyrir hann.

Minni á að þeir einstaklingar sem eru orðnir áskrifendur geta nálgast ítarlega tölfræði úr leiknum frá Opta, séð hvernig liðin eru að stilla upp og sitthvað fleira. Skráðu þig í prufuviku þér að kostnaðarlausu hér

Þá er leikurinn farinn af stað! FH byrjar með boltann.

Leikmenn Keflavíkur spila með sorgarbönd þar sem Þorsteinn Ólafsson, fyrrum markvörður félagsins, lést á dögunum. Hann var 75 ára gamall þegar hann lést. Þorsteinn var lykilmaður í gullaldartímabili Keflavíkur sem vann þrjá Íslandsmeistaratitla á fimm árum.

Það verður stemning í stúkunni og þar er stjörnum prýtt. Á meðal þeirra sem eru mættir á völlinn eru landsliðsmaðurinn Ísak Bergmann Jóhannesson og Ólafur Jóhannesson, fyrrum þjálfari FH. Ísak er auðvitað sonur Jóa Kalla sem núna þjálfar FH-inga.

Skráðu þig í prufuviku þér að kostnaðarlausu hér

Twana Khalid Ahmed er dómari leiksins. Aðstoðarmenn hans eru Antoníus Bjarki Halldórsson og Egill Guðvarður Guðlaugsson. Fjórði dómari er Elías Ingi Árnason og eftirlitsmaður er Einar Örn Daníelsson.

Það er athyglisvert að á Instagram hjá FH er Ásgeir Steinn Steinarsson skráður í byrjunarliðið en hann er ekki á skýrslunni hjá KSÍ. Miðað við það sem Jóhannes Karl Guðjónsson, þjálfari FH, sagði við Sýn Sport fyrir leik er hann að tefla fram sama byrjunarliðinu tvo leiki í röð. Þetta hljóta því að vera mistök hjá samfélagsmiðladeild FH-inga.

View this post on Instagram

A post shared by Fimleikafélag Hafnarfjarðar (@fhingar)

Það eru stórkostlegar aðstæður hér í dag. Sól, heiðskýrt og um 17 stiga hiti. Þetta gerist ekki betra!

FH mætir með nákvæmlega sama lið og í 0-1 tapinu gegn ÍA í síðustu umferð. Ísak Óli Ólafsson er með fyrirliðabandið en hann er að mæta uppeldisfélagi sínu í dag. 1. Jökull Andrésson (m) 3. Kristján Snær Frostason 6. Grétar Snær Gunnarsson 7. Kjartan Kári Halldórsson 9. Kristján Flóki Finnbogason 19. Aron Jónsson 22. Ísak Óli Ólafsson (f) 23. Tómas Orri Róbertsson 33. Úlfur Ágúst Björnsson 37. Baldur Kári Helgason 90. Arnór Borg Guðjohnsen

Frá tapinu gegn ÍBV gerir Haraldur Freyr Guðmundsson tvær breytingar. Ernir Bjarnason og Alpha Conteh koma inn í byrjunarliðið fyrir Axel Inga Jóhannesson og Dag Inga Valsson. 1. Ásgeir Orri Magnússon (m) 4. Nacho Heras (f) 5. Davíð Helgi Aronsson 8. Þorlákur Breki Þ. Baxter 10. Stefan Ljubicic 11. Muhamed Alghoul 18. Ernir Bjarnason 20. Marin Brigic 21. Alpha Conteh 22. Ásgeir Páll Magnússon 23. Eiður Orri Ragnarsson

Við fengum fyrrum landsliðsmanninn Birki Má Sævarsson til að spá í umferðina. Birkir er enn í fullu fjöri með Aftureldingu í Lengjudeildinni og átti stórleik gegn Stjörnunni í Mjólkurbikarnum núna á dögunum. ,,Keflvíkingar eru búnir að vera flottir í byrjun móts en fengu alvöru spark í rassinn síðast. Þeir mæta ákveðnir til leiks og komast í 2-0 í fyrri hálfleik. FH-ingar minnka síðan muninn áður en Keflvíkingar klára leikinn í uppbótartíma. Ætli minn maður Breki Baxter skori ekki tvö fyrir Kef og gamla kempan Sindri Snær eitt. Kjartan Kári skorar beint úr auka.spyrnu."

Þetta hefur verið afskaplega erfitt sumar fyrir FH-inga sem eru á ákveðinni vegferð. Þeir ákváðu að yngja mikið upp í liðinu sínu fyrir tímabilið og Jóhannes Karl Guðjónsson tók við stjórnartaumunum. FH hefur gert tvö jafntefli en tapað hinum sjö leikjunum sínum. Þeir töpuðu líka 5-0 gegn Lengjudeildarliði Fylkis í Mjólkurbikarnum. Síðasti leikur FH í deildinni var 0-1 tapleikur gegn ÍA á heimavelli.

Liðin eru að koma inn í þennan leik eftir tveggja vikna pásu. Það verður mjög áhugavert að sjá hvernig Keflavík kemur inn í þennan leik en þeir voru á góðu róli fyrir leik sinn gegn ÍBV í Vestmannaeyjum í síðustu umferð. Þar voru þeir hins vegar rassskelltir, 6-1, og verður mjög fróðlegt að sjá hvernig þeir svara því í dag.

Það verður flautað til leiks klukkan 17:00 en þetta er leikur í tíundu umferð Bestu deildarinnar. Nýliðar Keflavíkur hafa komið á óvart í sumar og sitja í sjöunda sæti deildarinnar með ellefu stig úr níu leikjum. Á meðan hefur FH átt hörmulegt sumar og situr á botni deildarinnar með aðeins tvö stig.

Verið velkomnir kæru lesendur í beina textalýsingu frá leik Keflavíkur og FH í Bestu deild karla! Hér munum við fylgjast með öllu því sem gerist í leiknum.