Þróttarar eru að koma sér í undanúrslitin í Mjólkurbikar kvenna!
Ég þakka fyrir mig, viðtöl og skýrsla væntanleg síðar í kvöld.

Þróttarar vinna aukaspyrnu.

Þórdís fær boltann í góðri stöðu en hittir hann ekki vel.

Hornspyrnan kemur fyrir og boltinn fer í slána og út.

Unnur Dóra sleppur í gegn en skotið er kraftlítið og Sigurborg ver þægilega.

Þróttarar að vinna horn en Víkingar hreinsa frá.

Jasmín með skot rétt fyrir utan vítateig sem Sigurborg ver þægilega.

Þórdís ber boltann upp völlinn en Sigurborg í engum vandræðum með skotið og grípur boltann.

Sæunn liggur eftir og fær hér aðhlynningu.

Víkingar færa boltann frá hægri til vinstri en skot Emmu rétt yfir markið.

Dagný kemst upp að endamörkum og leggur boltann út á Þórdísi en skotið hennar er varið á línu.

Víkingar farnir að banka.

Þróttarar vilja meina að boltinn hafi farið í höndina á leikmanni Víkings en mér sýndist vera lítið í þessu.

Þróttarar að fá fyrsta horn seinni hálfleiksins en Víkingar þruma boltanum burt.

Lítið um að vera hér í byrjun seinni hálfleiks.

Alexia í fínu færi en hittir boltann illa og hann svífur yfir markið.

Þróttarar sparka þessu í gang.

Frekar viðburðalítill fyrri hálfleikur, bæði lið að dæla inn fyrirgjöfum sem hafa ekki skilað miklu.
Vonandi fáum við skemmtilegri seinni hálfleik!

Darraðadans inni á teignum hjá Þrótturum sem endar í skoti sem þær verja á línu, annað horn fyrir Víkinga en ekkert verður úr þessari spyrnu.

Víkingar fá horn og svo annað horn.

Lítið um færi þessar síðustu mínútur, bæði lið að halda vel í boltann en ekkert að ógna.

Björg með góða fyrirgjöf en skallinn fer rétt yfir markið.

Bergþóra meiðist og fær hér aðhlynningu, mér sýnist hún ætla að halda áfram og hún gerir það.

Jóhanna kemst upp að endamörkum og nær að koma boltanum fyrir, skotið fer þó framhjá markinu.

Þórdís fær boltann frá Jóhönnu en skotið varið, enda frekar þröngt færi.

Frekar rólegar fyrstu 25, Víkingar komust þó í eitt mjög gott færi.

Mist með góðan sprett upp kantinn en Sigurborg grípur fyrirgjöfina.

Björg fær sendinguna í gegn en færið er þröngt og Sigurborg ver þægilega.

Jasmín með sniðuga sendingu í gegn á Dagnýju sem fer framhjá markmanninum en skotið í hliðarnetið.

Víkingar að banka!

Víkingar að fá hornspyrnu eftir gott spil en boltinn flýgur aftur yfir allan pakkann.

Gott spil hjá Þrótturum en fyrirgjöfin yfir markið.

Jóhanna með góðan sprett upp kantinn en fyrirgjöfin ratar ekki á samherja.

Víkingar fá fyrsta hornið hér í dag en boltinn flýgur yfir allan pakkann og í markspyrnu.

Víkingar byrja með boltann.

10 mín í leik og liðin halda til búningsherbergja, allt að verða klárt hér á AVIS vellinum.

Byrjunarlið dagsins voru að detta inn og liðin eru byrjuð að hita ásamt dómurum dagsins. Spennandi leikur framundan hér í dag.

Leikið er við góðar aðstæður í Laugardalnum hér í dag þar sem gervigrasið býður upp á hraðan og spennandi leik. Veðrið er eins og við viljum hafa það, logn og skýjað.

Víkingar unnu 0-2 sigur á Keflavík eftir framlengingu í 16-liða úrslitum og það voru þær Jasmín Erla Ingadóttir og Helena Ósk Hálfdánardóttir sem skoruðu mörkin í seinni hálfleik framlengingar.

Þróttarar unnu frábæran 3-2 sigur gegn ríkjandi íslandsmeisturum Breiðabliks í 16-liða úrslitum. Mörk liðsins skoruðu Kayla Rollins, Unnur Dóra Bergsdóttir og Sigríður Theodóra Guðmundsdóttir.

Liðin áttust við fyrr á tímabilinu en þar höfðu Þróttarar betur og unnu sannfærandi 4-1. Við megum þó búast við æsispennandi leik hér í dag, enda er sæti í undanúrslitunum í húfi.

Þróttur fékk ÍBV í heimsókn í síðasta leik sem endaði í daufu 0-0 jafntefli, þær sóttu þó sterkan 0-1 sigur á Val í leiknum fyrir það.
Þær sitja í 5. sæti Bestu deildar kvenna með 13 stig í 8 leikjum og tímabilið hefur verið gott.

Víkingur heimsótti FH í síðustu umferð og töpuðu þar illa 2-5, þær unnu þó mikilvægan 4-6 sigur á Þór/KA í leiknum fyrir það.
Þær sitja því í 7. sæti Bestu deildar kvenna með 9 stig eftir 8 leiki, það er óhætt að segja það að gengi liðsins hafi verið upp og niður á þessu tímabili.

Þórður Þorsteinsson Þórðarson (ÞÞÞ) er aðaldómari hér í dag og honum til aðstoðar eru þeir Arnþór Helgi Gíslason og Kristofer Bergmann. Varadómari er Aðalbjörn Heiðar Þorsteinsson og eftirlitsmaður er Sigurður G Friðjónsson.

Kæru lesendur, verið hjartanlega velkomin í þessa þráðbeinu textalýsingu frá AVIS vellinum. Hér í dag eigast Þróttur og Víkingur við í 8-liða úrslitum Mjólkurbikars kvenna.