Austurríki tekur þennan leik 3-0! Stelpurnar okkar áttu alveg sína sénsa en Austurríki var betra liðið í dag. Næsti leikur stelpnanna okkar verður gegn Spáni á miðvikud. nk. klukkan 15:00

Ingibjörg tekur hornið sjálf en ekkert kemur úr því

Ingibjörg sleppur ein í gegn en setur boltann beint í Vivien

A.m.k. 6 mínútur í uppbótartíma

Líf nær að setja boltann í markið! en flaggið fer á loft

Willimek brýtur á Líf, Rebekka Sif tekur aukaspyrnuna sem er heldur stutt

Keckeis með hornið en sem fyrr ná þær ekki að nýta það að neinu viti

Helga Rut kemur í veg fyrir hættulegt skot

Keckeis með annað horn en ekkert kemur úr því

Sóley með aðra frábæra tæklingu og nær að renna sér fyrir hættulega fyrirgjöf

Keckeis tekur hornið en það fer í pakkann og frá

Frábær tækling frá Sóley Eddu sem kemur í veg fyrir skyndisókn

Ingibjörg kemur sér í frábæra stöðu en nær ekki að stýra boltanum á markið

Fanney Lísa gerir vel, böðlast inn í teignum og skilur tvær frá Austurríki eftir, missir boltann þó aðeins of langt frá sér og kemur boltanum ekki á samherja

Brotið á Ingibjörgu, Helga Rut tekur þetta stutt

Þjálfarateymið hjá Spáni er mætt í stúkuna að fylgjast með liðunum en Ísland á sinn næsta leik gegn þeim

Það er mjög heitt í Bosniú og því nauðsynleg vatnspása sem liðin fá

Annað horn sem Ingibjörg tekur, það fer yfir allan pakkann og út fyrir endalínu

Fanney Lísa tekur horn, inn á nær stöngina en þær ná ekkert að gera úr þessu horni

Rennir sér fyrir skot hjá Lueger og kemur í veg fyrir mark

Grabovac með hættulegt skot sem Herdís Halla nær að verja í stöngina og út, Á síðan aðra frábæra vörslu af stuttu færi!

Maja Keckeis tekur spyrnuna en ekkert kemur úr þessu horni

Jónína Linnet verst vel, horn sem Austurríki fær

Kerschbaumer brýtur á Ingibjörgu, Sóley Edda tekur spyrnuna en engin mætt þar sem spyrnan endar, markspyrna

Keckeis tekur spyrnuna en sóknarbrot dæmt á Illinger

Lueger reynir fyrirgjöf en Helga Rut kemst fyrir þetta en boltinn út fyrir endalínu

Richter tekur spyrnuna, en fer beint í vegginn, boltinn berst svo til Keckeis sem á fínast skot en framhjá

Jónína Linnet brýtur á Lueger við vítateigshornið

Berglind Freyja reynir skotið en Vivien ver þetta

Freyja sparkar seinni hálfleiknum af stað

2-0 fyrir Austurríki í hálfleik

Lueger brýtur á Helgu Rut

a.m.k. 7 mínútur í uppbótartíma enda hafa verið miklar tafir hérna í fyrri hálfleik

Edith meiðist hér illa á úlnlið, vonandi ekki brotinn. Lítur allavega ekki vel út. Sendi batakveðjur til Bosníu og Hersagóvínu

Sóley Edda tekur aukaspyrnuna, Helga nær ekki til boltans en Berglind hins vegar nær frákastinu en þrumar í varnarmann

Anna Osl, lendir illa og þarf að fá aðhlynningu

Kerschbaumer reynir að finna Illinger inn fyrir en sendingin aðeins of föst

Helga Rut með góða varnarvinnu, kemur í veg fyrir góða sókn hjá Austurríki

Sunna Rún brýtur, Austurríki taka þetta stutt niður í vörnina

Anna Osl hefur leikinn að nýju, mér sýnist það hafa verið skipt um aðstoðardómara

Eitthvað vesen á dómurunum hér, sýnist aðstoðardómarinn vera í einhverju veseni með búnaðinn. Smá hlé sem stelpurnar fá til að drekka og kæla sig niður

Sóley Edda tekur hornið en Vivien nær á síðustu stundu að kýla boltann af línunni

Sóley Edda með fínasta kross þar sem Edith lúrir en Vivien nær þessum

Edith komin ein í gegn en flaggið fer á loft

Ragnheiður brýtur á Valentinu á miðjum vallahelmingi Íslands, fín aukaspyrna en ekkert kemur þó úr henni

Sunna með hornið en Vivien í markinu nær að kýla boltann frá

Berglind finnur Ragnheiði inn í teignum en varnarmaður kemst í þetta

Anna Osl tekur horn fyrir Austurríki en það endar ofan á marknetinu

Berglind nælir í horn, Sunna tekur það sem fyrr tekur það stutt á Berglindi sem þrumar boltanum í varnarmann

Sunnar Rún tekur hornið en Austurríki skallar frá

Berglind Freyja fær fínustu sendingu inn á teiginn en Anna Osl hreinar útfyrir endalínu, Horn!

Það heyrist vel í íslenskum áhorfendum sem virðast vera þeir einu á vellinum. stúkurnar eru annars tómar

Austurríki hefur leik og bombar boltanum fram til að pressa svo á íslensku vörnina

Íslensku stelpurnar syngja þjóðsönginn, styttist að leikurinn hefjist Hægt er að horfa á leikinn í beinu streymi á UEFA tv

Fyrsta umferð: Voru í 3. sæti í riðli A1 í Portúgal 1-2 vs Danmörku, 0-3 vs Portúgal, 5-0 vs Kosovo Önnur umferð: Voru sigurvegarar í riðli A3 sem spiluð var í Serbíu 1-1 vs Finnlandi, 3-2 vs Danmörku, 3-0 vs Serbíu Markahæst er Berglind Freyja Hlynsdóttir með 3 mörk

Á flautunni í dag er Tatyana Sorokopudova og henni til halds og trausts verða Aleksandra Mostowska og Angela Domazetovska aðstoðardómarar. Fjórði dómari er svo Merima Celik

Verið hjartanlega velkomin í beina textalýsingu frá fyrsta leik U19 landsliðsins, þar sem þær mæta Austurríki Leikurinn hefst á slaginu 15:00!

View this post on Instagram

A post shared by Knattspyrnusamband Íslands (@footballiceland)