Sannfærandi úrslit eftir sterka byrjun gestanna. Skýrsla og viðtöl væntanleg síðar í kvöld. Takk fyrir mig.

Hætta í teig Fram í fyrsta sinn í óralangan tíma. Þrisvar með afar skömmu millibili ná Framarar að hreinsa boltanum burt og í það þriðja bjargaði Kennie á línu.

Fjórar mínútur í uppbótartíma.

Þreföld skipting sem kemur seint í leiknum. Spurning hvort hún skili einhverju.

Hafa haldið boltanum á vallarhelmingi Skagans nánast allan tímann síðustu tíu mínúturnar.

Frábær sending frá Má Ægissyni á teiginn sem Vuk kemst í en skallar fram hjá markinu. Framarar vinna boltann strax aftur og halda vel í hann.

Framarar eru að gera vel að halda í boltann og róa leikinn vel niður. Heimamenn ná engan veginn að skapa neina hættu.

Lítið um færi í síðari hálfleiknum.

Viktor Freyr leggst niður eftir smá samstuð í sókn Skagamanna. Heimamenn hafa aðeins verið að þjarma að Fram svo hann er nú líklegast bara að hægja á tempóinu.
Set 99% líkur á að hann klári leikinn.

Kominn smá hiti í leikinn sem hlýtur að fá Skagamenn aðeins á tærnar.

Fær dauðan bolta inni í teig ÍA en einhvern veginn setur hann boltann yfir markið úr afbragðsstöðu. Atli Þór var í baráttunni rétt áður en náði ekki skoti á markið en Már fékk frábært tækifæri til að klára leikinn þarna.

Atli Þór liggur eftir og fær aðhlynningu. Virðist eitthvað í kálfa vera að hrjá hann.

Frábær sending inn fyrir frá Rúnari sem Steinar eltir en Viktor kemur út úr markinu og skallar boltann útaf.

Framarar leiða mjög sanngjarnt en þeir róuðust þó heldur betur seinasta korterið og Skagamenn sýndu smá lífsmark hér síðustu mínútur.

Einni mínútu bætt við.

Frábærlega spilað upp hægri kantinn þar sem Markús var allt í öllu og endar á að koma með frábæra sendingu á milli Viktors og varnarlína Framara sem bæði Ísak Máni og Ómar Björn rétt svo missa af.

Lárus Orri segir Ómari og Markús að víxla um kanta. Spurning hvort það blási einhverju lífi í sóknarleik heimamanna.

Fyrsta ógn Skagamanna í ansi langan tíma endar með vinstri fótar skoti frá Rúnari langt fyrir utan teig sem fer lengst fram hjá markinu.

Fred keyrir upp völlinn dansandi fram hjá gulum treyjum og tekur laufléttan einn tveir við Atla og síðan litla fintu og er kominn í fínasta færi en Jón Sölvi grípur skot hans.

Atli Þór kemur með góða sendingu inn á teiginn sem Róbert laumar á fjærstöngina en boltinn lekur framhjá.

Skagamenn hafa lítið sem ekkert komist áleiðis og gestirnir í leit að þriðja markinu.

Israel kemur með bolta inn fyrir vörnina sem hvorki Erik Tobias né Jón Sölvi elta í fyrstu og á endanum kemur Jón Sölvi út og tekur Róbert niður.

Fær langa sendingu frá Þorra úr vörninni og kemur sér fram fyrir Rúnar Má en skýtur hátt yfir markið með vinstri fæti.

Israel með góða sendingu í fyrsta á Fred sem kemur sér í færi en skýtur á nærstöngina þar sem Jón Sölvi sá auðveldlega um þetta í markinu.

Fyrsta færi þeirra eftir hraða sókn sem Ægir reynir að stoppa en leikurinn fær að fljóta og Viktor endar á að setja boltann yfir úr þröngu færi.

Pétur tekur Ægi og gefur honum viðvörun en hann hefði líklega átt að sýna honum gula spjaldið fyrir þetta.

Freyr með góða sendingu inn fyrir á Atla sem missir af honum en boltinn fer beint á Róbert sem skýtur í Erik Tobias og aftur fyrir.

Vel spilað hjá Fram og Már kemur með góðan bolta utarlega í teiginn sem Fred skallar í varnarmann og aftur fyrir.

Framarar fá tvær hornspyrnur í röð sem Israel tekur en báðar ná ekki yfir fyrsta mann.

Taka aukaspyrnuna stutt og Fred kemur síðan með góðan bolta á fjær sem Viktor Jóns skallar aftur fyrir.

Heimamenn hafa varla snert boltann enn sem komið er og fá aukaspyrnu á fínum stað.

Bæði lið komin í búningskelfana eftir upphitun og allt að verða klárt. Aðeins um veðurfarið: það er skýjað á Skaganum en fínasta hitastig og allt bendir til þess að þetta verði veisla!

Sá leikur var þvílík skemmtun en leikar enduðu 3-3 eftir jöfnunarmark frá Kennie Chopart í uppbótartíma. Markús Páll skoraði einnig sín fyrstu mörk fyrir ÍA í þeim leik en hann skoraði tvö mörk gegn sínu uppeldisfélagi og fagnaði vel og innilega.

ÍA heimsótti KR í Vesturbæinn í síðustu umferð og enduðu leikar 5-3 í stórskemmtilegum leik. Skagamenn byrjuðu leikinn af gífurlega miklum krafti og komust tvisvar yfir í fyrri hálfleiknum og jöfnuðu síðan í 3-3 í síðari hálfleik áður en liðið fékk á sig tvö mörk. ÍA er í 6. sæti en með sigri fer liðið upp fyrir Val í töflunni.

Framarar töpuðu 0-5 fyrir Víkingum á heimavelli í síðustu umferð sem verða að segjast vera ansi slæm úrslit en fram að því var liðið á fljúgandi siglingu. Liðið er í 3. sæti deildarinnar og hefur unnið sex af síðustu átta leikjum.

Pétur Guðmundsson fær það hlutverk að dæma leikinn og honum til aðstoðar verða þeir Eðvarð Þór Eðvarðsson og Antoníus Bjarki Halldórsson. Fjórði dómari er Stefán Ragnar Guðlaugsson og dómaraeftirlitsmaður er Viðar Helgason.

Hér verður þráðbein textalýsing á leik ÍA og Fram í 12. umferð Bestu deildar karla sem fer fram á ELKEM vellinum.