Frábær leikur í Víkinni. Súrt tap fyrir KA eftir frábæra endurkomu Víkinga. Viðtöl og skýrsla væntanlega

KA nærri því búnir að jafna í restina, Ögmundur ver skot frá Birgi af stuttu færi

Víkingur fær víti, Kári brýtur á Óskari

Boltinn skoppar á slánni, Stubbur ætlar að grípa boltann en missir hann eftir að hann lendir í smá árekstri. Boltinn hrekkur til Arons Elís sem reynir bakfallsspyrnu

Gylfi með stórhættulegan bolta sem Niko Hansen nær til. Niko hittir hins vegar boltann illa og Sveinn Gísli er allt í einu kominn í dauðafæri. Hann kemur boltanum ekki í netið en það kom ekki að sök því hann var rangstæður.

Gestirnir komnir í lágblokk, þetta verður líklega sviðsmyndin það sem eftir lifir leiks

Valdimar finnur Aron Elís sem er kominn í stórhættulega stöðu. Hann er frekar lengi að athafna sig en nær svo fínu skoti sem Stubbur ver vel

Frábær skyndisókn hjá KA, endar með skoti hjá Hallgrími. KA fær hornspyrnu og Markús Máni skallar hann yfir af stuttu færi, Ögmundur náði að trufla hann.

Mér sýnist þetta vera ökklinn

Oliver lendir á Aroni sem liggur eftir. Samherjar hans horfa strax á bekkinn og biðja um skiptingu.

Frábær tilþrif hjá Ármanni sem leikur á nokkra áður en hann fær aukaspyrnu. Fyrirgjafarstaða!

Víkingar að byrja seinni hálfleikinn vel, Elías keyrir upp vinstri kantinn og á laust skot/sendingu sem endar hjá Stubbi

Ármann Ingi með sendingu út á Gylfi sem á skot í nærhornið rétt fyrir utan teig. Stubbur er fljótur niður og ver vel, Aron Elís er svo mættur í frákastið en skot/tækling hans fer útaf.

Óskar með fína takta, á skot sem er skallað frá

Heimamenn gera eina breytingu í hálfleik

Gestirnir leiða í hálfleik. Tökum okkur 15

Víkingar hafa fengið níu hornspyrnur hingað til! Þær hafa allar verið gæðamiklar, eiginlega spurning um hvenær þeir fá mark úr einni. Akkúrat þegar ég hrósa hornspyrnum Víkinga á Gylfi eina verstu hornspyrnu sem ég hef séð. Hún svífur yfir allan pakkann og beint í innkast.

Hornspyrnu Gylfa fer á fjærstöngina á Davíð Örn sem skallar hann í bakið á Markúsi Mána

Hans Viktor liggur eftir og fær aðhlynningu. Virðist hafa fengið eitthvað högg.

Óskar með þrumuskot eftir hornspyrnu. Skotið fer í gegnum pakkann og í Aron Elís og útaf.

Boltinn fer hátt upp í loftið í vítateig KA-manna. Stubbur hleypur út og ætlar að grípa hann. Hann kallar greinilega á Markús Mána sem hættir við að skalla frá. Stubbur er hins vegar of seinn til boltans og svo fer að boltinn rennur af Markúsi Mána og í hornspyrnu. Elías Már var nærri því að komast til boltans.

Elías á fínt skot sem Stubbur ver út í teiginn. Valdimar er svo ekki langt frá því að fylgja á eftir

Baneitruð hornspyrna frá Helga. Boltinn er nálægt markinu en Stubbur rétt nær að kýla hann frá

Leikurinn í jafnvægi núna eftir að Víkingur komst yfir

Mikill darraðardans í teig KA-manna eftir hornspyrnuna. Gestirnir ná loksins að hreinsa frá

Heimamenn fá fyrstu hornspyrnu leiksins

Hallgrímur Mar sparkar þessum leik af stað

Víkingar mæta reiðir í kvöld og -2 Víkingur er flott veðmal á stuðlinum 1,7 á Epic. Einnig mæli ég með gulu spjaldi á Guðjón Ernir Hrafnkelsson á stuðlinum 4.

— Kristalkúlan (@kristalkulan) July 2, 2026

Ástæðan fyrir því að Karl Friðleifur er ekki með er sú að hann tekur út leikbann.

Sölvi gerir fimm breytingar á sínu liði frá tapleiknum gegn Breiðabliki. Haddi gerir tvær. Þeir Daníel Hafsteinsson og Karl Friðleifur Gunnarsson er ennfremur utan hóps ásamt Sveini Margeiri, leikmanni KA.

Helga Rut Einarsdóttir, fyrirliði U19 landsliðs kvenna, spáir fyrir leiki umferðarinnar. Varnarmaðurinn er sem stendur í Bosníu á lokakeppni Evrópumótsins með U19. Víkingur R. 4 - 0 KA „Víkingar mæta KA eftir tap í bikar á móti Breiðabliki. Öruggur sigur hjá Víking."

Yfirburðir Víkinga hafa verið gífurlegir í sumar. Liðið hefur unnið 12 leiki og gert eitt jafntefli í 13 leikjum og eru með 9 stiga forskot á toppi deildarinnar. Víkingar fengu alvörunni próf í júní þar sem þeir mættu KR, Fram og Breiðabliki. Það má segja að þeir hafi staðist prófið, Víkingar unnu leikina þrjá með markatöluna 11 - 1. Liðið fékk hins vegar skell um helgina þegar það tapaði 3 - 0 gegn Breiðabliki í undanúrslitum bikarsins. Víkingar mæta því væntanlega hungraðir í þennan leik.

Í Innkastinu var rætt um slæmt gengi hjá Akureyrarliðunum Þór og KA í Bestu deildinni.

Norðanmenn hafa verið í vandræðum í sumar. Félagið styrkti sig fyrir tímabilið og stefnan sett á top 6 í Brekkunni. Sóknarmennirnir Danijel Djuric og Oliver Heiðarsson sem að liðið sótti hafa hins vegar spilað undir getu ásamt öðrum og KA er nú 10. sæti deildarinnar með 10 stig. Liðið er búið að tapa 5 leikjum í röð og ljóst að verkefnið á eftir verði mjög erfitt. Það hefur vantað stöðugleika í leik liðsins það sem af er, eftir að hafa varist ágætlega í byrjun móts hefur liðið fengið á sig 15 mörk í síðustu fjórum leikjum.

fimmtudagur 2. júlí
17:00 Þór-KR (VÍS völlurinn)
19:15 Víkingur R.-KA (Víkingsvöllur)

föstudagur 3. júlí
19:15 FH-Stjarnan (Kaplakrikavöllur)

laugardagur 4. júlí
14:00 ÍA-Breiðablik (ELKEM völlurinn)
16:00 ÍBV-Valur (Hásteinsvöllur)

mánudagur 6. júlí
19:15 Keflavík-Fram (HS Orku völlurinn)

Víkingur átti frábæran júnímánuð í Bestu deildinni en liðið vann KR, Fram og Breiðablik. Það kemur ekki á óvart að leikmaður mánaðarins kemur úr röðum Víkings og þá á liðið meirihluta leikmanna í úrvalsliði umferða 1-11.

Þórður Þorsteinsson Þórðarson dæmir leikinn í kvöld. Honum til aðstoðar verða Gylfi Már Sigurðsson og Ronnarong Wongmahadthai á flöggunum. Róbert Þór Guðmundsson er fjórði dómari og Halldór Breiðfjörð Jóhannsson er dómaraeftirlitsmaður.

Góða kvöldið kæru lesendur og verið þið velkomnir í þessa þráðbeinu textalýsingu frá Víkingsvellinum. Hér munu Víkingur og KA etja kappi í 13. umferð Bestu deildarinnar. Þess ber að nefna að Víkingur leikur í Evrópu í ár og eru því að leika sinn fjórtanda leik í sumar rétt eins og önnur Evrópulið.