Aukaspyrnan inn í teig, skallað frá og flautað af.

KR brýtur þrisvar á Þórsurum rétt utan teigs og við þriðja brot er flautað

Fer aftur fyrir

Sigurpáll tekur Sigfús niður um leið og hann ver. Ekkert dæmt

Einhver á bekknum hjá Þór

Þór vinnur boltann og eiga kost á hrarðri sókn en þá flautar dómarinn við litla hrifningu

KR ætlar að sækja sigurmarkið og reyna skot af löngu færi en yfir

KR fær horn frá hægri og á meðan lítur út fyrir að Cosic brjóti á Greko og allt verður vitlaust. Ekkert dæmt. Þórsarar hreinsa frá og Kristófer vinnur boltann og brunar með hann upp. Sendir á Grego inni í teig en KR kemst fyrir skotið

KR fær horn frá vinstri og spilar úr því. Fyrirgjöf svo aftur fyrir

KR spilaði úr aukaspyrnunni og skjóta en Þórsarar komast upp völlinn í kjölfarið en Sigfús hangir of lengi á boltanum.

Aukaspyrna utan teigs vinstra megin. Þórsurum finnst KR ingar fá full mikið fyrir lítið

KR spilar úr henni

Það er kominn dágóður skúr hér og rignir inn á tölvuna þannig að það ég þarf að flýja innar skúrinn og sé ekkert lengur.

Skallað í hendi Þórsara og dæmt víti

KR ingar eru við það að sleppa í gegn eftir klafs en Ási nær að komast fyrir

Fyrirgjöf frá vinstri beint á Arnór Ingva sem er við fjærstöngina. Hann hittir boltann vel en Aron er vel á verði og ver stórkostlega.

Eiður leggur hann á Arnór sem á skot í varnarmann og í horn. Úr horninu verður ekkert.

Orri Hrafn með skot en beint á Aron Birki

Luke Rae tekur Birgi Ómar niður rétt utan teigs vinstra megin. Einar tekur spyrnuna á fjær en yfir allan pakkann

Akoto á góða fyrirgjöf frá hægri á fjærstöng þar sem Arnór kemur og skallar naumlega framhjá

KR gerir núna harða atlögu hvað eftir annað á mark Þórs. Aron Birkir bjargaði tveimur skotum í sömu sókninni og Þór kom boltanum í burtu en KR vinnur hann jafnharðan og hefur nýja atlögu.

KR leikur boltanum fyrir utan teig Þórs og Aron á skot yfir

Luke með skot í bak á Þórsara og aftur fyrir. Horn frá vinstri sem Þórsarar hreinsa í burtu

KR fær aukaspyrnu rétt utan teigs vinstra megin. Aron tekur en beint í lúkurnar á Aroni Birki

Að því sögðu bruna Þórsarar upp og Sigfús nær fínu skoti í utanverða stöngina úr ágætis færi

Pressan hjá KR var töluverð í fyrri hálfleik en þá gátu heimamenn losað um með því að senda fram með vindi. Nú hafa þeir hann ekki og það gæti verið erfitt næstu 45 mínútur að vera Þórsari

Tvær fréttir:

Atli Sigurjóns verður væntanlega vonandi hugsanlega kannski með í næsta leik.
og
Þór er búið að skora þrjú en ekki ein stoðsending.

Þórsarar vinna boltann við vítateig KR og spila honum fyrir markið þar sem Kristófer á skot yfir.

Þórsarar fá horn frá hægri. Vilhelm mætir aftur og tekur stutt en dæmt brot á Þórsarar inni í teig

KR kemst upp vinstra megin og senda fyrir en Aron hirðir boltann

Þórsarar vinna boltann og reyna strax skot en full laust.

KR fær horn eftir að Þórsarar bjarga á línu

Sigfús fær boltann á eigin vallarhelmingi og brunar upp með Bjarna sér á vinstri hlið. Sigfús sendir of seint og KR vinnur boltann

Þór fær aukaspyrnu út við hliðarlínu mitt á vallarhelmingi KR. Einar tekur og setur boltann beint á Sigurpál

Kristófer kemst inn í sendingu KR við eigin vítateig og rekur boltann upp apllan völlinn og á gott skot en Sigurpáll ver vel

KR á horn frá vinstri sem ekkert verður úr

Eftir stutt spil KR inni í teig fær Aron boltann við markteig óvaldaður en setur hann yfir markið

Horn frá hægri. Vilhelm tekur og snýr að marki og Sigurpáll á fullt í fangi með þennan bolta en nær að slá hann út.

KR hefur verið með boltann meira og minna en ekki skapað neitt færi. Þórsarar hafa hins vegar komist þrisvar yfir miðju í almennilegar sóknir og skorað þrjú mörk. Eitt reyndar án þess að fara yfir miðju

KR á aukaspyrnu rétt utan teigs hægra megin. Boltinn berst á fjærsvæðið en Aron á ekki í vandræðum með laust skot.

Horn frá vinstri. Þórsarar hreinsa frá og fá svo útspark eftir að stungusending fer aftur fyrir

Þá er þetta komið af stað. Þórsarar spila undan vindi í fyrri hálfleik og vona að veðurguðinn slaki á í seinni hálfleik.

Í dag spila Þórsarar í treyjum til stuðnings "Gedda" sem er að keppast að því að koma heilsunni í lag. Þessar treyjur voru seldar á Akureyri, og víðar, og rann allur hagnaður til Gedda og fjölskyldu. Frábært framtak hjá framtakssömum Þórsurum og sýndi hvernig Þórsfjölskyldan heldur saman.

KR - ingar gera fjórar breytingar. Þeir skipta um markmann og fær Sigurpáll Sören traustið en Halldór Snær sest á bekkinn. Ásbjörn Þórðarson og Amin Cosic fara einnig á bekkinn ásamt Eiði Gauta. Í þeirra stað koma þeir Gabríel Hrannar, Sigurður Breki og Galdur.

Þórsarar gera tvær breytingar á sínu liði. Ragnar Óli kemur inn í stað Affi sem er í leikbanni. Einnig kemur Sigfús Fannar inn í stað Fannars Daða

KR skora að mínu alltaf 3 mörk eða meira á eftir, stuðullinn á yfir 3 er 1,75 á Epic. Yfir 4,5 mörk í leiknum er á 1,95 sem er einnig gott veðmál.

— Kristalkúlan (@kristalkulan) July 2, 2026

Siggi Höskulds, þjálfari Þórs, gerir tvær breytingar á sínu liði frá leiknum gegn Val. Yann Emmanuel Affi tekur út leikbann og Fannar Daði Malmquist tekur sér sæti á bekknum. Inn í liðið koma þeir Ragnar Óli Ragnarsson og Sigfús Fannar Gunnarsson.

Óskar Hrafn, þjálfari KR, gerir fjórar Breytingar á sínu liði frá leiknum gegn Keflavík. Sigurpáll Sören Ingólfsson stendur vaktina á milli stanganna og Halldór Snær Georgsson tekur sér sæti á bekknum. Þeir Eiður Gauti Sæbjörnsson, Ástbjörn Þórðarson og Amin Cosic taka sér sömuleiðis sæti á bekknum. Inn í liðið koma þeir Galdur Guðmundsson, Gabríel Hrannar Eyjólfsson og Sigurður Breki Kárason.

Í Innkastinu var rætt um slæmt gengi hjá Akureyrarliðunum Þór og KA í Bestu deildinni.

Amin Cosic, leikmaður KR, mun að öllum líkindum spila sinn síðasta leik fyrir KR áður en hann heldur út til Viking Stavanger í Noregi.

Verðmiðinn á Amin er sagður vera um 80 milljónir króna og yrði það raunin væri hann einn dýrasti leikmaður sem keyptur hefur verið frá Íslandi.

Byrjunarliðin eru ekki komin inn en Þórsarar verða að gera breytingu vegna leikbanns hjá Affi. Líklegt þykir að Þórsarar verði í 5 manna varnarlínu og reyni þannig að halda aftur af markaóðum vesturbæingum.

Enn og aftur er leikur þar sem mikið er undir hjá báðum liðum.

Annars vegar er það heimaliðið sem hreinlega má ekki við því að tapa. Verður helst að hirða 3 stig til að koma sér upp að hlið KA og upp fyrir FH.

Hins vegar er það K.R. sem er í harðri baráttu við Fram um annað sætið og að vera vel birgt af stigum ef Víkingar misstíga sig.

fimmtudagur 2. júlí

17:00 Þór-KR (VÍS völlurinn)

19:15 Víkingur R.-KA (Víkingsvöllur)



föstudagur 3. júlí

19:15 FH-Stjarnan (Kaplakrikavöllur)



laugardagur 4. júlí

14:00 ÍA-Breiðablik (ELKEM völlurinn)

16:00 ÍBV-Valur (Hásteinsvöllur)


mánudagur 6. júlí

19:15 Keflavík-Fram (HS Orku völlurinn)