Sæbjörn Þór Þórbergsson Steinke @saebjornth

- Meðalaldur 24 ár

- Meðalaldur 20 ár

Hvað réði úrslitum? Grindavík/Njarðvík var betra liðið í svona 80 mínútur í kvöld en Þór/KA skoraði eina mark leiksins. Mér fannst á heildina Þór/KA fá fleiri dauðafæri og það sem vantaði upp á hjá gestunum var að komast í fleiri afgerandi stöður til að skora, uppspilið var á löngum tímum mjög gott en varnarmúr Þór/KA var öflugur. Bestu leikmenn 1. Hildur Anna Birgisdóttir Sendingargeta í mjög háum klassa, skapaði eiginlega alla sénsa Þórs/KA og stóð fyrir sínu á miðjunni. Lagði upp markið. 2. Arna Sif Ásgrímsdóttir Fáar, ef einhvejrar, betri í því að loka á sín svæði og sjá um sitt heldur en Arna Sif og hún átti frábæran dag. Veitti Þór/KA mikið öryggi varnarlega. Atvikið Klassískt bara, sigurmarkið. Margrét fékk tvö tækifæri til að koma boltanum inn eftir fyrirgjöf Hildar og setti boltann í netið í þeirri seinni. Eina mark leiksins.

Hvað þýða úrslitin? Það fjölgaði liðum í fallbaráttunni, sex stig skilja liðin í 5. og 10. sæti að. Þór/KA vinnur sinn annan leik í röð og heldur hreinu í þriðja sinn í röð. Grindavík/Njarðvík þarf að finna leið til að skora mörk. Vondur dagur Fyrir þá sem vonuðust til þess að Grindavík/Njarðvík myndi spila eins og Paragvæ, sú von er úr sögunni. Enginn leikmaður sem átti eitthvað áberandi slakan dag fannst mér. Dómarinn - 8 Mér fannst þetta nokkuð erfiður leikur að dæma þannig lagað, hiti og hraðir kaflar í leiknum. Fannst Sveinn og teymið leysa þetta vel. Mér fannst reyndar aukaspyrnan sem Grindavík/Njarðvík fékk í lok leiks mjög ódýr og upp úr henni kom líklegast besta færi gestanna í leiknum.

- Meðalaldur 22 ár

- Meðalaldur 22 ár