Fyrsti sigur Þórs síðan í 3. umferð og fyrsta tap Víkings í deildinni síðan á síðasta tímabili.

Víkingar brotlegir. Líklega búið.

Einhver læti inn á vítateig Þórs.

Laus bolti inn á vítateig Þórs, Valdimar hleður í neglu, skotið í Birgi og aftur í Valdimar áður en hann flýgur aftur fyrir.

Fyrirgjöf sem Einar Freyr skallar aftur fyrir.

Helgi með fasta spyrnu sem Aron Birkir slær til hliðar.

Víkingur á innkast.

Davið Örn með langt innkast, boltinn út á Helga sem á skot í varnarmann.

Ná Víkingar að jafna?

Gyrðir með boltann fyrir utan teig Víkings, reynir að finna Sigfús Fannar en á síðustu stundu er boltanum potað aftur fyrir.

Heyrist mjög vel í stuðningsmönnum Þórs þessar mínúturnar.

703 í stúkunni, 100 meira en póstnúmerið.

Aron Birkir þarf aftur aðhlynningu, annað skiptið í leiknum sem sjúkraþjálfari Þórs þarf að aðstoða markvörðinn.

Laus bolti inn á vítateig Þórs sem Ásbjörn skallar aftur fyrir. Hornspyrna.

Föst spyrna inn að marki frá Helga, Aron Birkir nær ekki að grípa en það er brotið á honum og Twana flautar.

Ágúst Eðvald vinnur hornspyrnu fyrir Þór.

Vel gert úti vinstra megin hjá Þór. Sigfús Fannar endar svo í þvögu og reynir skot sem fer af varnarmanni og í hendur Ögmundar.

Ágúst Eðvald finnur Sigfús inn á teignum og hann á tilraun en Gunnar nær að stíga fyrir og kemur í veg fyrir skot á mark af stuttu færi.

Bjarni Guðjón reynir svo skot en það fer í varnarmann.

Þórsarar í stúkunni orðnir vel pirraðir á Twana, finnst Víkingarnir vera að fá meira frá honum.

Skalli rétt framhjá marki Þórs. Boltinn fór á fjærstöngina og ég sá ekki hver það var sem átti skallann sem fór framhjá af stuttu færi.

Affi verst mjög vel gegn Sveini Margeiri.

Helgi á svo fyrirgjöf sem Aron Birkir nær ekki að halda inn á og Víkingur á horn.

Ármann vinnur horn og Helgi tekur hornspyrnuna. Aron Birkir kýlir boltann í burtu.

Gyrðir Hrafn með skot fyrir utan Víkings en það fer vel yfir mark gestanna.

Hornspyrna frá Helga sem Ásbjörn hreinsar og Viktor á svo skot í varnarmann.

Valdimar lætur vaða eftir sendingu frá Helga og það er þvílíkur sveigur á boltanum.

Þó þetta hafi farið tiltölulega beint á Aron þá er þetta frábær varsla hjá markmanni Þórs sem kveinkar sér og þarf aðhlynningu.

Daði Berg vinnur hornspyrnu fyrir Víking.

Ármann Ingi gerir mjög vel að halda löngum bolta inn á vellinum. Hann sendir á Valdimar sem á skot með vinstri sem Affi skallar yfir mark Þórs.

Viktor Örlygur með hornið og Peter Ingi skallar í burtu.

Fín skyndisókn hjá Þór, Kristófer reynir skot fyrir utan teig en það fer vel yfir mark Víkings.

Bjarni Guðjón gerir vel úti vinstra megin, finnur Peter Inga sem á skot á mark Víkings, en það er laust og Ögmundur er í engum vandræðum með það.

Víkingur spilar með smá golu í seinni hálfleiknum.

Aron Einar leggst aðeins í grasið og þarf nokkrar sekúndur áður en hann stendur upp aftur.

Fannar Daði vinnur aukaspyrnu fyrir Þór eftir mikinn barning.

Róbert Orri sest niður og er núna að fara af velli. Öflugur leikmaður sem hefur verið mjög óheppinn með meiðsli.

Helgi með flotta fyrirgjöf á Svein Margeir sem sneiðir boltann rétt framhjá fjærstönginni á marki Þórs.

Fannar Daði brýtur á Daða og það er kallað eftir því að flautað sé í báðar áttir.

Þorri finnur Helga á kantinum og hann á fyrirgjöf sem fer af Birgi og til Arons í markinu.

Ármann reynir svo að fara framhjá Kristófer en hann verst vel.

Róbert Orri fær eitthvað högg og fer í jörðina. Leit ekki vel út og Gunnar Vatnhamar gæti verið að koma inn á.

Róbert Orri fær enga aðhlynningu og ætlar að halda áfram.

Ágúst Eðvald með fyrirgjöf en Róbert Orri kemst í boltann og Víkingar hreinsa.

Tvær breytingar á hvoru liði í hálfleik!

Gyrðir færist í miðvörðinn og Birgir fer í hægri bakvörðinn.

Daði gæti komið inn á strax í hálfleik. Það yrði hans fyrsti meistaraflokksleikur hans í rétt rúmlega ár vegna meiðsla.

Sýnist Helgi Guðjonsson líka vera að gera sig kláran að koma inn á.

Birgir Ómar Hlynsson er þá að gera sig kláran hjá Þór og Peter Ingi Helgason líka sýnist mér.

41% Boltahlutfall 58%
2 Skot 11
8 Snertingar í teig 18
205 Sendingar 289
0 Horn 3
30 Einvígi unnin 17

Víkingar enduðu hálfleikinn nokkuð vel en framan af var jafnræði með liðunum.

Víkingar átt tilraunirnar til þessa og Þór enn ekki átt almennilegt skot á mark Víkings.

45+2

Tarik með fyrirgjöf sem Sveinn Gísli skallar framhjá.

Greko í fínni stöðu en er alltof lengi að athafna sig við vítateig Víkings og með takmarkaðan stuðning.

Fannar Daði er svo brotlegur gegn Ármanni, fór af krafti í hann í skallaeinvígi.

Ármann Ingi fer niður í vítateig Þórs, veik köll eftir vítaspyrnu en það var ekkert í þessu.

Gylfi fékk besta sénsinn í þessari sókn en Affi skallaði skot Gylfa, sem hann setti í grasið og í átt að marki Þórs, í burtu.

Dregið af Þórsurum síðasta korterið.

Tarik í góðri stöðu við vítateig Þórs en Gyrðir truflar hann og Aron Birkir fær svo boltann.

Það er eitthvað geggjað við það að sjá Gylfa og Aron í návígi. Gylfi fær innkastið eftir að Aron fór af krafti að félaga sínum í landsliðinu.

Ármann Ingi vinnur hornspyrnu.

Víkingur verið ofan á síðustu mínútur.

Gylfi teiknar boltann á höfuðið á Aron Elís sem skallar framhjá nærstönginni.

Viktor Örlygur gerir frábærlega inn á miðjunni og kemur boltanum út til hægri á Ármann Inga sem fer framhjá einum varnarmanni og reynir skot í fjærhornið en Aron Birkir ver frábærlega.

Víkingur á horn. Gylfi tekur hornið en brot dæmt á gestina.

Ágúst Eðvald reynir að hlaupa Þorra og Svein Gísla af sér á sprettinum en lendir á vegg þegar Sveinn stígur fyrir hann, löglega.

Víkingur vinnur fyrsta og annan boltann eftir hornspyrnu Gylfa og mér sýnist það vera Róbert Orri sem á tilraun með hægri fæti sem fer beint á Aron Birki og Þórsarar ná svo að hreinsa í burtu.

Ármann Ingi með flotta fyrirgjöf en Ragnar Óli kemst í boltann og skallar aftur fyrir.

Víkingur fær horn.

Kristófer vinnur aukaspyrnu fyrir utan vítateigs Víkings. Vann boltann af Ármanni sem braut svo á honum.

Einar Freyr með fína fyrirgjöf en Þór nær ekki tilraun á markið.

Sveinn Margeir með tvö skot, bæði í Affi sýndist mér. Víkingur vill fá hendi-víti eftir seinna skotið en ekkert er dæmt. Sýnist boltinn fara í höndina en sé ekki hvort hann fór aðeins í höfuðið á honum fyrst.

Aron Einar með flotta sendingu inn fyrir en Ögmundur er vel á verði og sópar þetta í innkast.

Það er góð orka í Þórsliðinu og fínasta stemning í áhorfendum.

Aron Elís með flotta fyrirgjöf sem Sveinn Margeir nær ekki að skalla, Viktor Örlygur nær boltanum en er lengi að athafna sig og nær ekki skottilraun. Sóknin rennur svo út í sandinn.

Virkilega gott spil hjá Þór. Einar Freyr er nálægt því að komast í skot en Gylfi gerir vel að stíga fyrir hann. Einar hefði kannski getað reynt að skjóta fyrr.

Bjarni Guðjón með skot fyrir utan teig sem fer í varnarmann. Fannar Daði nær til boltans og á skot af vítateigslínunni, skotið fer aðeins í varnarmann og Ögmundur grípur.

Aron Einar vann boltann í aðdragandanum eftir slaka sendingu Gylfa fyrir utan teig Víkings.

Ögmundur
Davíð - Róbert - Sveinn Gísli - Tarik
Ármann - Gylfi - Viktor - Þorri
Aron - Sveinn Margeir

Tveir örvfættir miðverðir.

Aron Birkir
Gyrðir - Ragnar - Affi - Kristófer
Aron
Ágúst - Einar - Bjarni - Fannar
Greko

Aron Einar djúpur.

Ármann með fyrirgjöf sem Sveinn Margeir kemst ekki almennilega í og skallinn ekki á rammann.

Heimamenn sækja í átt að Glerá.

Aroni Einari vel fagnað þegar liðin voru kynnt til leiks.

Víkingar eru að rótera slatta og Aron Einar hlýtur að koma með orku í þetta hjá Þór. Ég sé Víkinga setja svona 3 mörk og held að Þórsarar skori alltaf allavegana 1 á Heimavelli. Yfir 4 mörk er á stuðlinum 1,94 á Epic.

— Kristalkúlan (@kristalkulan) July 18, 2026

Það eru held ég einhverjir 40-50 Víkingar mættir í veðurblíðuna og ætla styðja sína menn úr stúkunni.

Gylfi Þór Sigurðsson er með fyrirliðabandið hjá Víkingi í leiknum. Oliver Ekroth er fyrirliði liðsins en hann er hvíldur í dag.

Aron Birkir Stefánsson er með fyrirliðabandið hjá Þór. Aron Einar Gunnarsson fær þó væntanlega það hlutverk að ræða við dómarann ef til þess kemur.

Sigurður Heiðar Höskuldsson, þjálfari Þórs, gerir fjórar breytingar á sínu liði frá leiknum gegn Fram. Ásbjörn Líndal, Sverir Páll Ingason, Vilhelm Ottó og Sigfús Fannar taka sér sæti á bekknum. Inn í liðið koma þeir Aron Einar Gunnarsson, Gyrðir Hrafn Guðbrandsson, Fannar Daði Malmquist og Yann Affi.

Sölvi Geir Ottesen, þjálfari Víkings, gerir sjö breytingar á sínu liði frá leiknum í Ungverjalandi. Þeir Ögmundur, Gylfi Þór, Tarik og Sveinn Gísli byrja líkt og í Györ og þeir Þorri Ingólfsson, Sveinn Margeir Hauksson, Aron Elís Þrándarson, Viktor Örlygur Andrason, Davíð Örn Atlason, Róbert Orri Þorkelsson og Ármann Ingi Finnbogason koma inn í liðið.

Þorri er að spila sinn fyrsta leik í sumar en hann er sóknarmaður sem fæddur er 2009. Sveinn Margeir var kallaður úr láni hjá KA á fimmtudag og er mættur beint í byrjunarliðið. Róbert Orri er þá að spila sin fyrsta leik síðan í byrjun maí.

Helgi Guðjónsson og Valdimar Þór Ingimundarson taka sér sæti á bekknum en þeir Oliver Ekroth, Nikolaj Hansen, Óskar Borgþórsson, Daníel Hafsteinsson og Karl Friðleifur Gunnarsson eru ekki í hópnum. Daði Berg Jónsson, Stígur Diljan Þórðarson og Aron Snær Friðriksson eru á bekknum.

Það er að venju veðurblíða fyrir norðan, sólin er að kíkja á milli skýjanna, hreyfir ekki vind þessa stundina í Þorpinu og það er 19 gráðu hiti.

Damir Muminovic, leikmaður Grindavíkur, er spámaður umferðarinnar. Hann spáir mjög öruggum útisigri.

Þór 0 - 4 Víkingur R. (16:00 í dag)
Eins leiðinlegt og það er að segja það þá eru Víkingar búnir að vinna deildina og ég sé ekkert lið taka stig af þeim. Þórsarar hafa líka verið í alvöru brasi og þetta er ekki leikur sem þeir hefðu viljað fá á þessum tímapunkti.

Við erum mættir til Akureyrar. ?????? pic.twitter.com/AmsgwuTr6t

— Víkingur Fótbolti (@vikingurfc) July 18, 2026

Þór hefur fengið tvo leikmenn inn í hópinn frá því að glugginn opnaði og segir þjálfari liðsins, Siggi Höskulds, að stefnan sé að fá 2-3 leikmenn til viðbótar inn í hópinn.

Víkingur komst í fyrsta sinn í sögunni áfram úr 1. umferð forkeppninnar í Meistaradeildinni með sigrinum á Györ. Framundan hjá liðinu er einvígi gegn ísraelsku meisturunum í Hapoel Be'er Sheva. Fyrri leikurinn fer fram á Víkingsvelli á þriðjudagskvöld.

Twana Khalid Ahmed er með flautuna í dag og honum til aðstoðar eru þeir Egill Guðvarður Guðlaugsson og Eysteinn Hrafnkelsson.

Fjórði dómari er Bergvin Fannar Gunnarsson og dómaraeftirlitsmaður er Sverrir Gunnar Pálmason.

Þeir Aron Einar Gunnarsson og Gylfi Þór Sigurðsson voru algjörir lykilmenn í íslenska landsliðinu sem fór á EM 2016 og HM 2018.

Þeir gætu mæst á vellinum í dag.

Félagaskiptaglugginn opnaði á fimmtudag og það eru tíðindi af báðum liðum.

Þór hefur fengið Aron Einar Gunnarsson frá Katar og Gyrði Hrafn Guðbrandsson á láni frá KR.

Víkingur hefur kallað Svein Margeir Hauksson úr láni frá KA, sent Davíð Helga Aronsson, sem var á láni hjá Keflavík, til Danmerkur og lánað Jóhannes Kristin Bjarnason til FH.

Gestirnir úr Víkingi eru á toppi Bestu deildarinnar og hafa unnið alla leiki sína í deildinni frá því í 1. umferð. Víkingur kemur inn í leikinn eftir að hafa slegið út ungversku meistarana í Györ í forkeppni Meistaradeildarinnar. Síðasta deildarleikur Víkings var gegn KA á heimavelli og endaði sá leikur með 3-2 endurkomu sigri þar sem sigurmarkið kom í uppbótartíma.

Heimamenn í Þór eru á botni Bestu deildarinnar, nýliðarnir eru án sigurs frá því í 3. umferð deildarinnar og koma inn í leikinn í dag eftir 6-1 tap gegn Fram á útivelli um síðustu helgi.

32 stig skilja liðin að.

Góðan daginn lesendur góðir og verið þið velkomnir í beina textalýsingu frá leik Þórs og Víkings í Bestu deildinni. Leikurinn er liður í 15. umferð deildarinnar og verður flautað til leiks klukkan 16:00 á VÍS vellinum í Þorpinu á Akureyri.