Ívan Óli með skot beint á Hjörvar og við það flautar Aðalbjörn leikinn af. Enn eitt markalausa jafnteflið hjá Grindavík í sumar, það þriðja í röð á heimavelli. Bæði lið þurfa að sætta sig við eitt stig sem breytir stöðu þeirra þi töflunni ekki neitt.
Skýrsla væntanleg og ég segi bara takk fyrir mig.

Grindvíkingar voru í frábærri stöðu en rangstaða dæmd á Rafael Victor.

Bæði lið eru að reyna að sækja stigin þrjú þessar lokamínútur. Fram og til baka þessa stundina.

Frábær spyrna frá Lárusi inn á teiginn sem Damir skallar á nærstöngina mjög nálægt markinu en Vilhelm ver vel. Damir nær einnig frákastinu og neglir boltanum fyrir markið en ÍR-ingar ná að hreinsa.

Fengu tvær hornspyrnur í röð og héldu góðri pressu á ÍR-ingum sem endaði með skoti frá Mikael Mána við teiginn en Vilhelm varða það virkilega vel.

Besta færi leiksins! Gunnleifur gerir vel og fer upp hægri kantinn en Ingi Þór fær boltann í miðjum teignum og skýtur en Vilhelm nær að blaka þessu yfir.

Með spyrnuna beint í vegginn og síðan tekur hann frákastið á lofti en það skot fer virkilega langt fram hjá marki Grindavíkur.

Loksins ná Grindvíkingar góðri sókn sem endar með skoti frá Haraldi en það fer rétt fram hjá markinu.

ÍR-ingar hafa reynt nokkur skot fyrir utan teig og Grindvíkingar ekkert ógnað og enn bíðum við eftir marki.

Hákon Dagur sestur niður og þarfnast aðhlynningar. Hann á oft erfitt með að haldast heill en vonandi er í lagi með hann.

Kemst í gott færi en Damir nær að kasta sér fyrir skotið og bjarga málunum.

Lítið um færi og leikurinn í miklu jafnvægi. Tökum okkur 15 mínútna hlé.

Gestirnir hafa haldið mun meira í boltann og náð að þrýsta Grindvíkingum aftar á völlinn síðustu tíu mínútur eða svo.

Ingi Þór lendir í samstuði við Jón Arnar og vill fá víti en ekkert dæmt. Aðalbjörn stöðvar leikinn og Ingi þarf að fara útaf í mínútu en ekki Jón Arnar.

Orri með skot úr fínu færi en Hjörvar Daði ver vel.

Bæði lið skiptast á að halda í boltann en lítið er um færi.

Eysteinn með boltann inn á teiginn en þessi fer beint yfir allan pakkann og aftur fyrir endamörk.

ÍR-ingar vilja víti en Aðalbjörn ekki sammála því og leikurinn heldur áfram.

Grindvíkingar hafa haldið mun meira í boltann og heilt yfir verið betri. ÍR-ingar virðast ætla að treysta á skyndisóknir.

Klaufagangur inni á teig Grindavíkur, Arnór Gauti í smá veseni en Eysteinn bjargar þessu á endanum.

Frábær skalli frá Damir eftir hornspyrnu sem ÍR-ingar virðast bjarga á línu áður en Vilhelm handsamar boltann.

Grindavík betri þessar fyrstu mínútur.

Grindvíkingar fá hana og Eysteinn kemur með góðan bolta inn á teiginn sem gestirnir skalla frá.

Grámyglulegar aðstæður suður með sjó.

Ray Anthony gerir tvær breytingar á liði Grindavíkur frá 1-2 sigrinum gegn Gróttu í síðustu umferð en út fara þeir Valur Þór Hákonarson og Sindri Þór Guðmundsson og inn í stað þeirra koma þeir Ingi Þór Sigurðsson og Heiðar Snær Ragnarsson.

Jóhann Birnir gerir hvorki meira né minna en fimm breytingar frá 5-1 skellnum gegn HK í síðustu umferð. Sigurður Karl, Hrafn Hallgríms, Emil Nói, Bergvin Fannar og Víðir Freyr fara allir úr byrjunarliðinu en inn koma Stefán Þór, Óliver Andri, Hákon Dagur, Jón Arnar og Arnór Sölvi.

Grindavík og ÍR eru í 9. og 10. sæti, fjórum og fimm stigum fyrir ofan fallsæti en það er enn lengra upp í 8. sætið. Grótta er í 8. sæti með 19 stig en þar fyrir ofan er pakkinn nokkuð þéttur. Sigurvegari leiksins getur því aðeins komist nær miðjumoðinu en tap í dag og fallbaráttan blasir við.

Liðin spiluðu við hvort annað í 3. umferð í Breiðholtinu og leiknum lauk með 2-2 jafntefli. ÍR komst í 2-0 í fyrri hálfleik eftir mörk frá Víði Frey og Emil Nóa. Rafael Victor skoraði svo úr vítaspyrnu um miðjan seinni hálfleik áður en Lárus Orri Ólafsson jafnaði metin á 90. mínútu og þar við sat.

Aðalbjörn Heiðar Þorsteinsson er dómari leiksins en honum til aðstoðar verða þeir Þráinn Jón Elmarsson og Rögnvaldur Þ Höskuldsson. Dómaraeftirlitsmaður er Einar Örn Daníelsson.

ÍR-ingar eru í 10. sæti með 12 stig, stigi minni en Grindvíkingar. ÍR hefur aðeins sótt tvö stig í síðustu fimm leikjum sínum en síðasti sigurleikur þeirra kom einnig gegn Gróttu en sá leikur var pilaður 17. júní, svo Breiðhyltingar telja eflaust vera kominn tími á næsta sigur.

Heimamenn hafa átt heldur rólegt tímabil en hafa þó aðeins verið að bíta frá sér í seinustu leikjum. Liðið tapaði 5-4 fyrir Njarðvík í rosalegum leik í 12. umferðinni og vann síðan 1-2 útisigur gegn Gróttu og náðu þar með að búa til smá bil niður í fallsætin tvö. Grindavík er með 13 stig eftir 13 leiki en liðið er í 9. sæti, fimm stigum fyrir ofan Völsung og Ægi sem eru í fallsætunum tveimur.

Sæll öll sömul og verið velkomin í beina textalýsingu fyrir leik Grindavíkur og ÍR sem fer fram í Grindavík í 14. umferð Lengjudeildar karla.