Ilves var heilt yfir betra liðið í leiknum, mun meira með boltann og átti lengri skorpur en Garðbæingar. Það var eiginlega bara korter í fyrri hálfleik þar sem Stjarnan var ofan á. Ilves lenti undir í einvíginu þegar skot Bjarka Haukssonar endaði í netinu en heimamenn náðu að svara of fljótt og voru hársbreidd frá því að klára leikinn áður en farið var í vítaspyrnukeppni.

Fyrsta víti vítaspyrnukeppninnar, Andri Rúnar var lesinn af Faris í marki Ilves sem átti góða skutlu og var það munurinn þegar uppi var staðið.

Stjarnan er úr leik og mætir næst Val í Bestu deildinni. Ilves mætir króatíska liðinu Rijeka í 3. umferðinni.
Niðurstaðan er vonbrigði þar sem þetta Ilves lið er ekki frábært.

Emil Atlason. Ég set hann einfaldlega hér af því mér finnst hann eiga að geta gert andstæðingum á þessu kaliberi erfiðara fyrir en hann gerði í dag. Gerði nokkrum sinnum vel en var ekki með yfirburðina sem ég vonaðist eftir að myndu hjálpa Stjörnumönnum í að byggja upp sóknir og í leiknum öllum. Ef ég er grimmur þá hefði ég líka viljað sjá Árna Snæ ná lengra út í hornin í vítaspyrnukeppninni, var ekki sannfærandi.

Fínn heilt yfir, mjög tæpur rangstöðudómur í restina sem kom þessu í vítaspyrnukeppni.