3-0 sigur Gróttu hér á Ísafirði í dag. Gróttu spiluðu mjög góðan leik og sigur þeirra var aldrei í hættu.

Ég þakka fyrir mig skýrsla og viðtöl væntanleg seinna í dag.

Marínó Steinar fer af velli eftir höfuðhögg, Vestri á ekki fleiri breytingar inni svo að þeir þurfa að spila restina af leiknum einum færri.

Guðmundur Arnar á gott skot sem Guðmundur Rafn ver frábærlega.

Vestri fá tvær hornspyrnur í röð, Grótta á ekki í erfiðleikum með að verjast þeim.

Marcos Campos á laust skot sem Guðmundur ver.

Grótta með yfirhöndina þessa stundina og virka eins og þeim líði mjög vel með hvernig leikurinn er að spilast.

Hættuleg sókn Vestra endar á góðum sprett hjá Þórð Gunnari inn á teig Gróttu. Þórður fellur við í baráttunni við nokkra leikmenn Gróttu en ekkert dæmt. Mjög erfitt að sjá hvort þetta hafi verið víti eða ekki.

Mattías Kjeld sendir frábæran bolta fyrir á Kristófer Dan sem nær góðum skalla að marki Vestra sem Marvin ver vel.

Albin Mörfelt á hættulegt skot fyrir utan teig sem fer af varnarmanni og aftur fyrir endamörk.

Breki Þór liggur eftir baráttu á teig Vestra og endar svona hálfur út af vellinum. Dómarinn stoppar leikinn, Breki fær ekki aðhlynningu og þarf að fara af velli. Þetta var mjög líkt því þegar Dagur Bjarkason lá í fyrri hálfleik.

Ég er nokkuð viss um að samkvæmt hörðustu reglum þá var þetta rétt og einfaldlega leiðrétting á mistökum úr fyrri hálfleiknum.

Grímur Ingi tekur aukaspyrnu fyrir sem endar á fjærstönginni. Grótta nær að koma boltanum fyrir markið þar sem Andri Freyr er í færi en Marvin ver.

Albin Mörfelt kemst í góða stöðu á vinstri kantinum og sendir fastan bolta fyrir sem Grótta hreinsa í horn. Ekkert kom úr hornspyrnunni.

Vestri gera tvær skiptingar í hálfleik. Marcos Campos kemur inn á í sínum fyrsta leik ásamt Chriss-Albin Mörfelt.

Áhugaverður hálfleikur að baki. Grótta er 2-0 yfir og hafa nýtt sín færi vel. Vestri halda boltanum mikið en finna ekki opnanir á vörn Gróttu.

Tökum okkur 15 mínútna kaffipásu.

Fín sókn Vestra endar á lausu skoti fyrir utan teig hjá Gunnari Jónasi sem Guðmundur Rafn ver.

Dagur Bjarkason fer niður í baráttunni við Gunnar Jónas og endar út af vellinum. Dómarinn stoppar leikinn og Dagur rúllar sér aftur inn á völlinn og fær að halda leik áfram við litla hrifningu Vestra.

Ég er ekki með reglubókina á hreinu en ég held að þetta megi ekki.

Gunnar Jónas fer niður eftir samstuð við Grím Inga í teig Gróttu og liggur eftir. Aðalbjörn dæmir ekkert og það er líklega rétt hjá honum.

Vestri halda boltanum vel og gera vel að koma boltanum á Guðmund Arnar á vinstri kantinum. Guðmundur sendir boltann fyrir á Breka sem á skalla rétt yfir.

Vestramenn eru alveg slegnir eftir annað mark Gróttu. Það er eins og að Grótta vilji þetta einfaldlega meira en Vestra í þessum fyrri hálfleik.

Guðmundur Arnar spyrnir fyrir og þar fer Cafu niður í baráttunni en ekkert dæmt.

Boltinn dettur síðan fyrir Gunnar Jónas sem á skot hátt yfir.

Liðin skiptast á að halda í boltann og reyna að finna marktækifæri en þau hafa verið á skornum skammti.

Grímur Ingi tekur spyrnuna inn á teiginn, hún er föst og Dagur Bjarkason nær góðum skalla að marki Vestra en Marvin ver virkilega vel.

Dagur Bjarkason gerir vel að komast fyrir sendingu Vestra og tekur sprettinn upp kantinn. Þórður Gunnar eltir hann og brýtur á honum á hættulegum stað.

Vestri hafa verið meira með boltann eftir mark Gróttu og hafa náð að mynda sér flottar stöður. Grótta er aðeins undir þessa stundina.

Vestramenn halda vel í boltann og fá aukaspyrnu á góðum stað fyrir fyrirgjöf. Boltanum er spyrnt fyrir og Dagur Bjarkason hreinsar í fyrstu hornspyrnu leiksins.

Grótta verjast henni vel og hreinsa frá.

Gunnar Jónas á frábæra sendingu upp kantinn á Þórð Gunnar sem kemst inn á teiginn og á sendingu sem Gróttumenn komast fyrir.

Liðin ganga hér inn á Kerecisvöllinn með Hafið eða fjöllinn eftir Fjallabræður á fóninum.

Rúnar Páll Sigmundsson gerir engar breytingar á sínu liði frá 6-1 stórsigrinum gegn Ægi í síðasta leik liðsins sem var fyrir um þremur vikum.

Tristan Freyr Ingólfsson kemur inn í hóp Gróttu. Tristan hefur verið einn besti leikmaður Gróttu á tímabilinu og það er virkilega sterkt fyrir þá að hann sé mættur aftur í hópinn. Einnig kom Emil Skúli Einarsson inn í hópinn og Patrik Orri Pétursson og Axel Sigurðarson eru utan hóps.

Daniel Badu þjálfari Vestra gerir eina breytingu á sínu liði frá 1-1 jafnteflinu gegn RFS í forkeppni Sambandsdeildarinnar á fimmtudaginn síðasta. Jacob Stensson kemur inn í stað Elmars Atla Garðarssonar fyrirliða Vestra sem tekur út leikbann fyrir of mörg gul spjöld.

Marcos Campos nýr leikmaður Vestra er á bekknum í dag en Devyn Payne er ekki í hóp liðsins í dag. Einnig eru þeir Ibrahima Baldé og Pétur Bjarnason utan hóps vegna meiðsla.

Félagsskiptaglugginn í Lengjudeildinni lokaði í síðustu viku og Vestri fóru á markaðinn og sótti tvo leikmenn. Devyn Payne sem kom frá Ado Den Haag í Hollandi og Marcos Campos kom frá Spáni. Þeir eru fæddir árið 2005 og 2007 og skrifa báðir undir samninga sem gilda út næsta tímabil.

Vestri lét hins vegar Konstantin Cheshmedjiev fara í lok gluggans, hann samdi við Sanremese Calcio í ítölsku D-deildinni. Konstantin kom til Vestra fyrir tímabilið.

Liðið tvö hafa mæst tvisvar sinnum á tímabilinu, einu sinni í deild og einu sinni í bikar.

Fyrsti leikur liðana fór fram í 16. liða úrslitum Mjólkurbikarsins og þar vann Grótta auðveldan 0-4 útisigur á ríkjandi bikarmeisturunum Vestra í mjög áhugaverðum leik.

Seinni leikurinn var bráðskemmtilegur, hann fór fram í Lengjudeildinni á Vivaldi-vellinum á Seltjarnarnesi og þar vann Grótta 5-3 sigur. Hér má sjá allt það helsta

Grótta hefur verið svokallað ,,spútnik" lið Lengjudeildarinnar á þessu tímabili, Gróttu var spáð 10. sæti af fyrirliðum og þjálfurum deildarinnar fyrir tímabilið en liðið situr í 6. sæti í dag.

Gengi Gróttu í undanförnum leikjum hefur verið nokkuð gott og hafa þeir unnið þrjá að síðustu fjórum. Grótta mæti Ægi fyrir tveimur vikum og vann 6-1 stórsigur þar sem hinn ungi Mattías Kjeld fór hamförum og skoraði tvö mörk.

Þátttöku Vestra í Evrópukeppnum er lokið eftir 2-5 tap í einvíginu gegn RFS frá Lettlandi. Liðið spilaði fjóra leiki eða tvö einvígi í Evrópukeppnum síðustu fjórar vikur gegn Qarabag og RFS. Nú er sá kafli búinn og öll einbeiting fer á deildina.



Vestri situr í 7. sæti Lengjudeildarinnar þegar 16. umferðir eru liðnar af tímabilinu. Liðið hefur ekki unnið leik í deildinni í rúmar fimm vikur og leikirnir milli Evrópuleikja hafa verið mikið bras. Þeir leikir fóru 2-5 fyrir Fylki og 6-2 fyrir HK, svo ljóst er að Vestri þurfa aðeins að stíga upp í deildinni og Elmar Atli fyrirliði Vestra er sammála að því.

„Núna verðum við að setja þetta í baksýnisspegilinn, þetta er búið í bili, við þurfum aðeins að girða okkur í brók í deildinni og það byrjar á mánudaginn". Sagði Elmar Atli í samtali við Fótbolta.net.

Dómari leiksins í dag er Aðalbjörn Heiðar Þorsteinsson, honum til halds og trausts eru Kári Mímisson og Breki Sigurðsson. Eftirlitsmaður KSÍ er Lúðvík Þorgeirsson.

Góðan daginn kæru lesendur og verið velkomin í þessa beinu textalýsingu á leik Vestra og Gróttu í 16. umferð Lengjudeildar karla. Leikurinn hefst á slaginu 14:00 og fer fram á Kerecisvellinum á Ísafirði.