Sigurður flautar þetta af. KR-ingar naga sig í handabökin að hafa ekki nýtt öll þessi færi. Áttu a.m.k. 30 skot í leiknum. FH liðið er nú taplaust í 8 leikjum í röð. Viðtöl og skýrsla koma innan skamms.

Aron leikur á Jökul í markinu en Ísak rétt nær að komast í boltann

Aron með fast skot í nærhornið sem Jökull ver

Aron með hornspyrnu sem ratar beint á pönnuna á Ástbirni sem kom á fleygiferð inn á markteiginn. Hann var í raun með allt markið fyrir framan sig en skallar hann þó útaf.

Arnór Ingvi sker hann út á Aron sem er í góðu færi inn í vítateig heimamanna en skýtur framhjá

Aron kominn á fleygiferð, sker inn og á fast skot í nærhornið sem Jökull ver mjög vel

Luke Rae með sendingu fyrir á Stefán Árna sem nær ekki að stýra boltanum í netið, var hálfu skrefi of seinn

FH fær hornspyrnu, Arnór Borg flikkar boltanum á fjærstöng þar sem Adolf Daði lúrir. Halldór er snöggur í hornið og ver mjög vel

Báðar stuðningsmannasveitir styðja vel við sín lið

Arnór Ingvi með fínan skalla sem fer framhjá

Kjartan Kári er ekki langt frá því að smyrja boltann í skeytin. Skot hans fer rétt yfir markið

Fær sendingu í gegn. Jökull misreiknar aðeins flugið á boltanum og er of seinn út. Luke nær fyrstur til boltans og þarf bara að setja boltann yfir Jökul sem var ekki í eigin teig. Luke hittir hins vegar boltann alls ekki

Luke Rae í góðri stöðu á hægri kantinum en lætur verja frá sér

Galdur laumar boltanum á Gabríel sem er í þröngu færi, Jökull sér við honum

Fínn sprettur hjá Arnóri Borg sem endar með því að FH fær hornspyrnu.

Kjartan Kári sendir boltann út á Jóa Bjarna sem er settur undir pressu en nær fínu skoti sem fer framhjá

Kjartan Kári sparkar seinni hálfleik af stað. Jói Kalli gerir breytingu í hálfleik

KR leiðir sanngjarnt í hálfleik. Hafa verið töluvert betra liðið og ég hugsa að Óskar sé svekktur að liðinu hafi ekki tekist að tvöfalda forystuna eftir að hafa komist yfir.

Kjartan Kári með skottilraun en yfir fer boltinn

Langt innkast frá Oliver, Grétar Snær nær fyrstur til boltans. Hann á fínan skalla úr þröngri stöðu sem Halldór ver í horn

Hjalti með skalla sem Jökull ver. KR með öll völd þessa stundina

Luke Rae kominn í vænlega stöðu á hægri kantinum. Með Eið Gaut með sér en sendingin er of innarlega og Eiður nær ekki til hans. Það var ekki varnarmaður nálægt Eiði sem hefði væntanlega skorað úr stöðunni.

Aron rennir honum í gegn á Eið en skot hans er varið. Boltinn berst út til Arons sem á skot í varnarmann.

Heimamenn heppnir þarna

Oliver Stefáns hittir ekki boltann í hreinsun sinni og boltinn hrekkur til Arons Sig. Hann sendir Luke Rae einan í gegn en Jökull er snöggur út og étur hann

KR fær hornspyrnu og nær að þrýsta FH niður í eigin vítateig eftir að vinna seinni boltann. Luke finnur Orra Hrafn sem á frábæra móttöku, hann tekur boltann með sér í henni og leikur á varnarmann. Jökull nær að verja skot hans með fótunum.

Fín sókn hjá FH. Adolf Daði kominn inn í teig gestanna og notar overlappið hjá Baldri Kára sem á sendingu þvert fyrir teig. Sverrir Páll og Arnór Borg voru báðir nálægt því að ná að pota í boltann sem fór í gegnum pakkann

Finnur Tómas reynir langskot sem fer himinhátt yfir markið, stuðningsmönnum FH til mikillar hrifningar

Aron með lúmskt skot með vinstri fyrir utan teig. Boltinn fer rétt framhjá

Galdur með skot eða fasta fyrirgjöf, engin nær að pota í boltann. KR ofan á þessa stundina

Luke Rae endar með boltann og leikur á þrjá. Varnarmenn FH komast í skot hans í tæka tíð

Adolf Daði gabbar Hjalta með því að láta boltann fara og þá er Kjartan Kári með mikið pláss á vinstri kantinum. Fyrirgjöf hans ratar ekki á neinn

Skot frá Orra Hrafni fyrir utan teig sem Jökull ver auðveldlega

Fínt upphlaup hjá gestunum. Galdur með fyrirgjöf frá vinstri, Arnór Ingvi er fyrstur til boltans og reynir viðstöðulaust skot sem fer yfir.

KR-ingar byrja. Arnór Ingvi sparkar þessu af stað

Skot frá Orra Hrafni fyrir utan teig sem Jökull þarf ekki að hafa fyrir

Karlalið FH sigraði U14 keppni Gothia fyrr í sumar. Þeir fá lófatak frá áhorfendum

KR yfir 2,5 mörk er 2.08 á Epic og það dettur svona nánast alltaf, mæli með.

— Kristalkúlan (@kristalkulan) August 5, 2026

Búið er að opinbera byrjunalið leiksins. Óskar Hrafn, þjálfari KR, stillir upp sama byrjunarliði og sigraði Stjörnuna fyrir 17 dögum. Jóhannes Karl, þjálfari FH, neyðist til þess að gera tvær breytingar. Úlfur Ágúst er farinn til Bandaríkjanna og Gils Gíslason er utan hóps, við getum leyft okkur að gera ráð fyrir því að hann sé meiddur.

Tómas Óli Kristjánsson, leikmaður AGF í Danmörku, var fenginn til þess að spá í spilin.

FH 2 - 2 KR
FH heldur sinni vegferð áfram að sækja jafntefli. Fimm jafntefli í síðustu sex og í öllum leikjum KR eru mörk, þannig þetta fer 2-2.

Síðasti leikur liðanna var heldur betur fjörugur, leikar enduðu 4-2 KR í vil í leik þar sem öll mörkin komu í fyrri hálfleik. FH vann KR síðast árið 2023 og tök Vesturbæinga á þeim undanfarin ár þýðir að nú sé staðan jöfn í innbyrðis viðureignum. Hvort liðið hefur unnið 42 leiki og jafntefli hefur reynst niðurstaðan í 20 leikjum.

Óskari Hrafni, þjálfara KR, hefur gengið afar illa á Kaplakrika. Í þeim fimm leikjum sem hann hefur stýrt á Kaplakrika hefur lið hans enn ekki unnið. Óskar hefur þó haft góð tök á Jóhannesi Karli, þjálfara FH, og unnið allar fimm viðureignir þeirra. Það er ljóst að eitthvað þarf undan að láta, spurningin er hvort það verði Kaplakrikaálögin á Óskari eða tak hans á Jóa Kalla.

Eftir sigur Þórs í gær er FH í botnsæti deildarinnar með 13 stig. Hafnfirðingar eru þó taplausir í síðustu sjö leikjum, síðasta tap liðisins var gegn ÍA þann 29. maí! Liðið vann tvo og gerði fimm jafntefli í þessum sjö leikjum. Með þéttum varnarleik hefur Jökull nú haldið markinu hreinu í þremur leikjum í röð. Liðið heimsótti Fram í síðasti leik og gerði fínt markalaust jafntefli.

KR situr í 3. sæti deildarinnar með 35 stig. Með sigri í kvöld komast Vesturbæingar upp í 2. sæti deildarinnar og gætu því minnkað forskot Víkinga í sex stig. Liðið heldur áfram að vera eitt það skemmtilegasta sem íslenskur fótbolti hefur boðið upp á, liðið skorar að meðaltali 3,6 mörk í leik. Síðasti leikur KR var fyrir hálfum mánuði, þá sigraði liðið Stjörnuna, 5-0, á Meistaravöllum.

Sigurður Hjörtur Þrastarson dæmir leikinn í kvöld. Honum til halds og trausts eru þeir Patrik Freyr Guðmundsson og Eðvarð Þór Eðvarðsson. Fjórði dómari er Gunnar Oddur Hafliðason og Ólafur Ingi Guðmundsson veður eftirlitsmaður.

Heil og sæl öllsömul og verið þið velkomin í textalýsingu beint frá Kaplakrika. Hér mun FH taka á móti KR í 17. umferð Bestu deildarinnar.