Í stað þess að taka ákvörðun um það hvort KA ætti að fá víti flautar Twana leikinn af.

Öruggur sigur Keflavíkur á KA í dag.

Skýrsla og viðtöl síðar í kvöld

Við erum komin í uppbótartíma og Keflvíkingar fá horn

Upp úr horninu leggur Stefan Ljubicic boltann á Marin Brigic sem skýtur boltanum hátt yfir úr markteignum.

Snýr af sér leikmann KA og vinnur horn.

En algjörlega árangurslaust. Skotin sem þeir hafa átt hingað til eru ekki að trufla Ásgeir mikið í marki Keflavíkur, þeir láta grípa sig rangstæða of oft og úrslitasendingar eru ekki að ganga.

Hafa átt tvö skot að marki á síðustu 3 mínútum en hættulaus með öllu.

Stefan Ljubicic fær góða sendingu í gegn frá Marin Brigic og tekur skotið sem Ívar ver vel.

og kemst inn í teig þar sem hann fellur. Stuðningsmenn Keflavíkur vilja víti, stuðningsmenn KA vilja gult fyrir leikaraskap. Ég tel að Alpha hafi einfaldlega dottið.

Keflvíkingar fá dauðafæri strax í upphafi síðari hálfleiks. Ásgeir Páll klobbar Hallgrím Mar og þræðir boltann inn á Eið Orra sem fer framhjá Ívari markverði en færið var orðið þröngt og skýtur hann í hliðarnetið.

Keflvíkingar í draumalandi hér í hálfleik, en KA-menn öllu nær martröðinni.

Við tökum okkur korter.

Upp úr þurru er, að mér sýndist, Adam Ægir aleinn og óvaldaður inni í teig Keflavíkur en skot hans er lélegt og fer yfir. Þarna hefði mátt gera betur.

Alpha Conteh kemst inn í enn eina sendinguna og á hörkuskot rétt framhjá. Keflvíkingar eru ekki hættir!

Ásgeir Páll, varnarmaður Keflvaíkur ætlar að skýla boltanum útaf en Guðjóni Erni tekst að komast inn í boltann og skýtur að marki, en skotið er laust og Ásgeir ver örugglega.

En þetta var líklega það allra bjarsýnasta sem Adam hefur reynt, og er hann ansi bjartsýnn maður. Ásgeir markvörður með þetta allan tímann

Aftur var það Alpha Conteh sem kemst inn í þversendingu KA manna. Hann tekur á rás með boltann og skýtur að marki vel fyrir utan teig og flaug boltinn rétt framhjá markinu.
Ívar í marki KA dekkaði markið ágætlega og hefði sennilega varið þennan hefði hann farið á markið.

Alpha Conteh dansar með boltann vinstra megin í teignum og setur hann fastan fyrir á kollinn á Degi Inga sem skallar að marki. Varnarmenn KA komast fyrir og skalla aftur fyrir endamörk og Keflvíkingar fá horn.

Ekkert kom úr horninu

Hallgrímur Mar núna í fínu færi en Marin Brigic kemst fyrir skot hans. Gestirnir eru mun betri hér í upphafi og gefa Keflvíkingum ekki mikinn tíma á boltanum.

Eftir hornspyrnu barst boltinn á fjærstöng þar sem Guðjón Ernir var einn og óvaldaður en Ásgeir sá vði honum í markinu.

Akureyringar leika í átt að Hringbrautinni, Keflvíkingar að Sláturhúsinu

Liðin gengu út á völlinn undir laginu Tilbrigði um fegurð eftir tónlistarmanninn og Keflvíkinginn Gunnar Þórðarson en Gunnar lést í vikunni og er hans minnst með einnar mínútu þögn.

Keflvíkingar í sínum hefðbundnu dökkbláu treyjum og stuttbuxum. KA-menn í sinni gulu treyju og bláu stuttbuxum.

Liðin eru að hita upp, ekki að tilefnislausu en við höfum upplifað hlýrri daga í Sunny Kef. Það er skýjað, um 12°C og smá gola.

Fótbolti.net fjallaði um það í síðustu viku að leikmaður Keflavíkur hefði nefbrotnað á æfingu liðsins eftir að hafa fengið högg í andlit frá liðsfélaga sínum. Samkvæmt heimildum var Alpha Conteh ögrað og brást hann við með því að slá Muhamed Alghoul. Conteh er á sínum stað í liði Keflavíkur en Muhamed Alghoul er ekki í hópnum og ekki heldur bróðir hans, Halid Alghoul.

Haraldur Freyr Guðmundsson, þjálfari Keflavíkur, gerir eina breytingu frá tapinu gegn Víkingi fyriir tæpum tveimur vikum síðan. Eiður Orri Ragnarsson kemur inn í liðið og Marin Mudrazija tekur sér sæti á bekknum.

Hallgrímur Jónasson, þjálfari KA, gerir þrjár breytingar frá jafnteflinu gegn Þór fyrir níu dögum síðan. Birgir Baldvinsson og Jeppe Pedersen snúa til baka úr banni og Valdimar Logi Sævarsson kemur einnig inn í liðið. Kári Gautason og Danijel Dejan Djuric taka sér sæti á bekknum en Jakob Snær Árnason tekur út leikbann.

Komnir
Alpha Conteh keyptur frá Stjörnunni (var á láni)

Farnir
Davíð Helgi Aronsson á láni til Lyngby (var á láni frá Víkingi)
Guðjón Pétur Stefánsson í Leikni
Edon Osmani í Víði

Komnir
Adam Ægir Pálsson frá Val
Andre Römer frá Danmörku
Bjarki Fannar Helgason frá Völsungi (var á láni)
Óskar Arnór Morales Einarsson frá Danmörku

Farnir
Sveinn Margeir Hauksson í Víking (var á láni)
Breki Hólm Baldursson í HK (á láni)

Það er verið að fara að berjast um gríðarlega mikilvæg stig í kvöld. Heimamenn í Keflavík eru í sjöunda sæti deildarinnar með 19 stig. KA er í tíunda sæti með 15 stig og er markatölunni frá fallsæti. Það er rosalega þéttur pakki í neðri hlutanum og mörg lið hreinlega í fallbaráttu.

Leikurinn hefst klukkan 18:00 og dómari leiksins verður Twana Khalid Ahmed. Birkir Sigurðarson og Guðmundur Ingi Bjarnason eru aðstoðardómarar og Elías Ingi Árnason er á skiltinu.

Keflavík og KA mætast í 17. umferð Bestu deildarinnar en umferðinni lýkur í kvöld. Klukkan 19:15 mætast FH og KR í Krikanum.