ÞÞÞ flautar til leiksloka. Ég hugsa að bæði lið séu ósátt með niðurstöðuna, þar sem mörg góð færi fóru í súginn báðum megin. Ég þakka fyrir mig, viðtöl og skýrsla væntanleg síðar í dag.

Stefán Þórður í frábæru færi en skýtur í varnarmann og framhjá. Ekkert varð úr horninu.

Magnús Þórðarson kemst upp að endamörkum og kemur með hættulegan bolta sem Guðmundur kemst í.

Þeir þurfa báðir aðhlynningu.

Aron Snær kemst framhjá Caden og nær skoti sem Guðmundur ver frábærlega.

Hann nær fínu skoti sem Guðmundur ver í markinu.

Björgvin kemst á hægri löppina og kemur með fast skot sem Þórhallur ver í innkast.

Björgvin Brimi með góða sendingu sem er ætluð Mattías Kjeld. Hann nær þó ekki til boltans og Þróttarar fá innkast.

Aron Snær leggur boltann út á Vilhjálm Kaldal sem hittir ekki boltann nægilega vel og Guðmundur Rafn handsamar hann í markinu.

Vilhjálmur keyrir að marki Gróttu og tekur fast skot sem fer rétt yfir markið.

Vilhjálmur Kaldal með skot inni í vítateig sem fer langt yfir markið.

Eftir slakan fyrri hálfleik eru Þróttarar búnir að vera talsvert betri síðustu mínútur.

Kári Kristjánsson með skot í varnarmann og aftur fyrir. Þeir taka þetta stutt og svo kemur fyrirgjöf sem Guðmundur grípur í markinu.

Boltinn kemur inn á teiginn, en það er hreinsað frá.

Grímur Ingi reyndist brotlegur.

Eiríkur með lúmska fyrirgjöf sem fer rétt yfir markið.

Bæði lið að skipast á að halda í boltann.

ÞÞÞ flautar til hálfleiks. Mjög jafn leikur fyrstu 45. Bæði lið hafa fengið sín færi, en engin dauðafæri hingað til. Það er auðvitað vítið sem skilur liðin að. Þróttarar hafa fengið nokkar hornspyrnur, en ekkert kom úr þeim.

Boltinn kemur inn á teiginn og Tryggvi Snær nær skoti sem fer hátt yfir markið.

Kristófer keyrir að marki Gróttu, tekur skot sem fer í varnarmann og í horn. Þróttarar ná að skalla í innkast.

Þórhallur Ísak hleypur út úr markinu en nær ekki til boltans. Kristófer nær skallanum, en Njörður kemur boltanum frá.

Boltinn kemur inn á teiginn, en það er hreinsað frá.

Hrannar Ingi kemur boltanum á Björgvin Brima en skotið hans er framhjá.

Björgvin Brimi fer inn á völlinn og tekur skot í nærhornið sem Þórhallur grípur.

Boltinn kemur inn á teiginn en það er hreinsað frá.

Kári Kristjánsson nartar í hælana á Kristófer og víti dæmt.

Grímur Ingi fer framhjá einum og kemst í fínt skotfæri, en skýtur rétt yfir markið.

Boltinn flýgur yfir allan pakkann, en Þróttarar halda í boltann. Örn Bragi tekur síðan skot rétt fyrir utan vítateig sem Guðmundur Rafn grípur.

Hann fékk högg í baráttunni við Þórhall Ísak.

Tryggvi Snær keyrir að marki Gróttu og tekur fast skot sem fer yfir markið.

Þeir taka hana stutt og spila sín á milli í öftustu línu.

Örn Bragi leikur á Dag, fer á hægri löppina en skotið yfir markið.

Gestirnir byrja með boltann.

Það eru fimm mínútur í leik og liðin halda til búningsherbergja.

Rúnar Páll gerir engar breytingar á liði sínu eftir sannfærandi 3-0 sigur á Vestra.

Sigurvin Ólafsson gerir sömuleiðis engar breytingar á liði sínu eftir frábæran 4-1 sigur á Aftureldingu.

Ágúst Hlynsson fékk það verkefni að spá fyrir 17. umferð Lengjudeildar karla. Hann spáir fagmannlegum útisigri Þróttara.


Grótta 0 - 2 Þróttur R.
Allt verður í járnum í fyrri hálfleik og lítið um færi. Þróttur kveikir svo á sér í seinni og skorar 2 mörk. Orri Sigurjónsson kemur óvænt inn á og skorar skallamark eftir horn.

Liðin áttust við fyrr á tímabilinu, þar sem Grótta sigraði sterkt 2-3. Vilhjálmur Kaldal Sigurðsson kom Þrótturum yfir snemma leiks. Andri Freyr Jónasson jafnaði fyrir Gróttu, en stuttu eftir kom Örn Bragi Hinriksson Þrótti yfir. Andri Freyr Jónasson var aftur á ferð og jafnaði í byrjun seinni hálfleiks. Hinn ungi og efnilegi Mattías Kjeld skoraði síðan sigurmarkið þegar rúmar 15 mínútur voru eftir. Hægt er að sjá allt það helsta úr leiknum hér fyrir neðan.

Þróttarar hafa átt gott tímabil hingað til og verið í toppbaráttu Lengjudeildarinnar frá fyrstu umferðum. Þeir gjörsamlega völtuðu yfir Aftureldingu í fyrsta sætis leiknum í síðustu umferð 4-1. Þrótturum var spáð 1. sæti fyrir tímabilið og hafa staðið undir þeim væntingum. Afturelding og Fylkir fylgja þó fast á eftir.

Seltirningar hafa verið á fljúgandi siglingu í síðustu leikjum. Þeir hafa unnið fjóra af síðustu fimm eftir erfiðan kafla þar sem þeir töpuðu þremur leikjum í röð. Liðinu var spáð 10. sæti fyrir tímabilið, en hafa svo sannarlega komið á óvart. Eins og stendur sitja þeir í 6. sæti með 25 stig, átta stigum frá toppsæti.

Hinn afar efnilegi Þórður Þorsteinn Þórðarson er aðaldómari í dag. Honum til aðstoðar eru Þráinn Jón Elmarsson og Sveinn Ingi Sigurjónsson Waage. Eftirlitsmaður er Jón Magnús Guðnason.

Góðan dag kæru lesendur og verið hjartanlega velkomin í beina textalýsingu frá Vivaldivellinum á Seltjarnarnesi. Í dag eigast Grótta og Þróttur við í 17. umferð Lengjudeildar karla.