SKÝRSLAN: Það sauð upp úr þegar Vestri hélt sæti sínu í Lengjudeildinni
Hvað réði úrslitum?
Vestri voru beittari fram á við í leiknum og skora tvö mörk. Vestri byrjuðu vel, komust yfir eftir 39 sekúndur og síðan skoraði Leiknir sjálfsmark og eftir það var þessi sigur aldrei í alvöru hættu. Leiknir reyndu að koma til baka en þeim gekk illa að finna sér marktækifæri.
Bestu leikmenn
1. Devyn Payne
Devyn var eins og klettur í vörn Vestra í dag. Rosalega góður varnarlega og hélt hreinu laki ásamt félögum sínum í Vestra.
2. Johannes Selvén
Selvén skorar fyrsta mark Vestra og var ekki langt frá því að bæta við öðru í fyrri hálfleik og var alltaf hættulegur þegar hann komst í stöður.
Atvikið
Þegar dómari leiksins flautaði leikinn af varð allt vitlaust milli liðanna, menn hópuðust saman í miklum rifrildum og rautt spjald fór á loft.
Hvað þýða úrslitin?
Vestri fara upp fyrir Leikni í 7 sætinu og bjarga sér frá falli. Leiknir eru enn í fall hættu en eru þó fimm stigum frá falli með tvo leiki eftir.
Vondur dagur
Það eru nokkrir slæmir dagar. Guðjón Pétur Stefánsson skorar klaufalegt sjálfsmark í fyrri hálfleik sem kom Vestra í 2-0 forystu. Jacob Stensson fær rautt spjald fyrir lætin eftir leik, sem er lélegt sérstaklega eftir sigurleik. Síðan verð ég að taka undir með Brynjari Birni, dómari leikins í dag var ekki nægilega góður.
Dómarinn - 4
Mjög furðulega dæmt, það var enginn lína og mjög skringilega dæmdur leikur. Oft var dæmt brot á mjög lítið og síðan komu stærri atvik sem ekkert var dæmt. níu spjöld fóru á loft og það virtist vera mjög auðvelt að komast í svörtu bókina í dag.