Þórsarar pressa stíft og koma sér í góða stöðu. Boltinn dettur fyrir Ágúst sem tekur skotið í fyrsta en framhjá. Svo flautar Ívar og öruggur sigur Stjörnumanna staðreynd.

Skýrsla og viðtöl vænanleg seinna í kvöld.

Góð pressa hjá Þórsurum sem vinna boltann við vítateig Stjörnumanna. Peter er þá kominn í frábært færi en skotið hans er slakt og framhjá markinu,

Stjörnumenn vinna boltann ofarlega á vellinum. Daníel Finns fær þá boltann úti hægra megin og kemur með fyrirgjöfina. Benedikt er aleinn og daufrír á fjær þegar hann fær boltann. Hann tekur skotið í fyrsta en setur boltann yfir.

Langur bolti fram hjá Stjörnunni, og Aron fer í alvöru skógarhlaup á móti boltanum. Hann hættir við það á hárréttum tíma, því hann bakkar og Emil reynir að lyfta boltanum yfir hann en Aron rétt nær hendinni í boltann.

Fyrigjöfin kemur inn í teig frá vinstri beint á kollinn á Peter sem er dauðafrír. Skallinn hins vegar beint á Árna.

Sigfús Fannar með flottan sprett upp vinstri kantinn. Hann er svo kominn í mjög þröngt færi en hann nær skoti og í stöngina.

Skyndisókn hjá Stjörnunni og Örvar er sloppinn í gegn. Hann tekur skotið en Aron ver frá honum, boltinn fer hins vegar beint til Birnis sem er í algjöru dauðafæri. Hann tekur skotið í fyrsta en þrusar honum vel yfir markið.

Seinni hálfleikurinn byrjar svipað og sá fyrri endaði. Stjarnan virðist enn vera með öll tök á þessum leik.

Þórsarar með eina skiptingu í hálfleiknum.

Stjarnan með mjög örugga forystu í hálfleik. Þórsarar lítið getað svarað fyrir sig. Þeir verða að gera betur í seinni hálfleik.

Eftir mjög sterka byrjun hjá Stjörnunni er leikurinn búinn að jafnast töluvert. Lítið um færi og mikil barátta á miðjum vellinum. En í þeim töluðu orðum nær Ágúst Eðvald skoti fyrir utan teig, en það fer hátt yfir.

Benedikt Waren með skotið fyrir utan teig en það er laust og beint á Aron.

Stjarnan er með öll tök á þessum leik, Þórsarar eiga mjög erfitt með að byggja eitthvað upp. En á meðan heimamenn eru bara einu marki yfir er alltaf hætta.

Stjörnumenn sækja upp vinstri kantinn og svo kemur boltinn inn í teig. Emil er mættur á endann á sendingunni og skýtur að marki, boltinn er næstum bara kominn í netið en Þórsarar ná að hreinsa á línu!

Birnir með flottan sprett upp vinstri kantinn, kemst svo inn í teig en þá er plássið orðið lítið og færið þröngt. Hann tekur skotið en Aron ver frá honum.

Örvar Logi og Ágúst Eðvald eru í baráttu inn í teig og Ágúst fellur við. Þórsarar bara út höndum, mér fannst nú ekki mikið í þessu.

Þórsarar fá aukaspyrnu og fjölmenna í teignum. Fyrsta skiptið sem þeir eru eitthvað að ná að ógna.

Einar kemur með sendinguna inn í teig en Stjörnumenn hreinsa bara strax.

Stjarnan með aukaspyrnu vinstra megin við teig Þórsara. Benedikt kemur boltanum inn í teig og Gummi Kri nær skallanum en hann er ekki í jafnvægi og er því ekki nálægt því að koma boltanum á markið.

Stjörnumenn taka hornið og þeir lyfta boltanum inn í teiginn. Þar nær Kjeldsen skallanum, en hann setur boltann yfir.

Stjörnumenn eru mjög ákafir og orkumiklir hér í byrjun leiks. Birnir fær boltann úti vinstra megin, leitar inn á völlinn og tekur skotið en í varnarmann og afturfyrir.

Ívar flautar og við erum farin af stað!

Stjarnan á heimavelli eiga að vinna Þór með 2 mörkum, annars hellir Lúðvík Jónasson olíu yfir allt þarna og kveikir í . Stjarnan -1 er 1.73 á Epic

— Kristalkúlan (@kristalkulan) August 23, 2026

Nýtt þjálfarateymi Stjörnunnar, Olgeir Sigurgeirsson og Brynjar Kristmundsson gera fjórar breytingar á liðinu frá síðasta leik. Árni Snær Ólafsson kemur aftur í markið, og Guðmundur Kristjánsson, Birnir Snær Ingason og Alex Þór Hauksson koma allir inn í liðið. Darri Bergmann Gylfason, Ari Leifsson og Ibrahim Turay setjast á bekkinn, en Jóhann Árni er í banni.

Sigurður Höskuldsson þjálfari Þór gerir tvær breytingar frá síðasta leik. Atli Sigurjónsson og Einar Freyr Halldórsson koma inn í liðið. Fannar Daði Malmquist Gíslason og Þorri Ingólfsson setjast á bekkinn.

Guðmundur Tyrfingsson, sóknarmaður Fylkis, tók að sér það verkefni að spá í spilin fyrir þessa umferð.

Stjarnan 1 - 1 Þór
Mun ekki kveikja á þessum leik. Ætli ég taki ekki aukavakt á rútunni í staðinn og keyri 50 túrista á Gullfoss og Geysi í staðinn fyrir að horfa á þennan leik. Þessi lið þurfa virkilega á þessum þremur stigum að halda og leikurinn verður áhættulítill og leiðinlegur. Emil Atlason og Gyrðir skora mörk liðanna.

Ívar Orri Kristjánsson verður með flautuna í dag, en honum til aðstoðar verða Kristján Már Ólafs og Ronnarong Wongmahadthai. Fjórði dómari verður Pétur Guðmundsson og dómaraeftirlitsmaður Gunnar Helgason.

Stjarnan gerði breytingu á þjálfurum í annað sinn í sumar. Jón Þór var látinn fara og aðstoðar menn hans hafa tekið við.

Leikurinn fer ekki fram á Samsung vellinum heldur inni í Miðgarði. Lesið nánar um það hér.

Komið þið sæl og verið velkomin í beina textalýsingu frá leik Stjörnunnar og Þór í 20. umferð Bestu deildar karla.

Leikurinn hefst klukkan 17:00 og verður spilaður í Miðgarði.