Frábærlega vel gert hjá FH liðinu og þær fara með tveggja marka forystu í seinna einvígið í Kaplakrika!

Virkilega sanngjarn og sannfærandi sigur!

Takk fyrir samfylgdina, skýrslan kemur inn síðar í dag!

Hildur Katrín tekur hornið, út í teiginn en þær ná ekki að gera sér mat úr þessu

Nia gerir ótrúlega vel! kemur sér í gegnum 4 varnarmenn Apollon nær svo skotinu en í varnarmenn og afturfyrir

Leikmenn FH eru orðnar virkilega þreyttar

Mackenzie eins og herforingi í varnarlínunni hjá FH, hún ætlar ekki að hleypa neinu í gegn hérna

Nia að gera sig klára að koma aftur inn

A.m.k. 5 mínútum bætt við venjulegan leiktíma!

Það er heitt og leikmenn eru augljóslega þreyttir

Nia pressar á Hara í markinu og fær fasta spyrnu í sig af mjög stuttu færi, þetta hefur ekki verið gott! og dómari leiksins stoppar leikinn

Unnur keyrir á þær á hægri kantinum og fer bara auðveldlega í gegn setur boltann fyrir markið þar er Hildur mætt en nær ekki skotinu

Nia eltir upp frákast en Hara kemur út á móti og nær þessu á undan henni

Ingibjörg kemur upp með boltann, brotið á henni en boltinn berst áfram á Niu sem reynir að fara sjálf, þær tvöfalda á hana og hún missir hann

Ingibjörg þræðir sig í gegn og ætlar að leggja boltann en Hara kemur út á móti henni og hirðir boltann

Hildur Katrín vinnur boltann og með stungu sendingu upp á Niu sem setur boltann í markið! en sendingin aðeins of sein og flaggið fer á réttilega á loft

Ásdís Karen með góðan snúning, leggur boltan fyrir sig við vítateigshornið vinstra meginn, lætur vaða en í hliðarnetið!

Andrea tekur hornið en þær ná ekki að nýta sér það nægilega vel

Anna Heiða og Unnur eru að koma hér inn af miklu krafti!

Anna Heiða er grjóthörð og Unnur að ógna og nælir í horn fyrir FH

Ásdís Karen við það að sleppa í gegn en missir boltann í góðri stöðu

Hildur finnur Unni á kantinum, hún reynir að finna Hildi aftur en þær missa boltann

Deja fer útaf og Georgiou hefur leikinn aftur með innkasti

Deja virðist hafa meitt sig eitthvað eða með vott af krampa, þeir eru allavega að teygja og athuga aftan í læri hjá henni

Hudson kemur sér inn fyrir Jónínu, setur síðan boltann fyrir en það er of aftarlega og Deja nær að hreinsa boltann frá

Hudson er sloppin í gegn en Jónína eltir hana uppi og bara hirðir af henni boltann! Vel gert!

Birna reynir skotið en það er rétt framhjá, Hrönn og Ásdís Karen voru nálægt því að pikka því inn líka en útaf fer boltinn

Prvulovic brýtur á Helenu, Andrea Rán setur hann aðeins of fast upp kantinn og Ingibjörg á ekki séns í þennan bolta

Andrea Rán með frábæra skiptingu yfir völlinn á Hildi Katrínu en hún er aðeins of fljót að reyna losa sig við boltann og sendingin fram á við ekki nógu nákvæm, hefði getað tekið boltann með sér þarna

Saava, tekur hornspyrnuna fyrir Apollo, setur hann stutt, fær hann aftur og setur hann fyrir, Freda nær skallanum en Aldís grípur þetta

Jónína enn og aftur rétt kona á réttum stað, kemur í veg fyrir að Hudson komist í dauðafæri

Hudson með þrumuskot beint í þverslánna! Tréverkið að bjarga á ögurstundu

Apollo konur komast 3 á tvær en eru alltof lengi að athafna sig! Hudson reynir skotið en Aldís ver þetta vel

Freda hefur leikinn fyrir okkur aftur!

Hafa heilt yfir verið betri aðilinn í þessum leik og leiða sanngjarnt hér í hálfleik.

Við tökum okkur stutt pásu á meðan

Andrea Rán með hornið, setur hann stutt á nærsvæðið þar sem Ásdís Karen kemur hlaupandi, setur hann aftur á Andreu en þær komast svo í boltann

Ásdís Karen allt í einu í Dauuuuuðafæri en Hara nær að verja þetta vel!

a.m.k. 3 mínútum bætt við

Pearse brýtur á Ásdísi Karen á miðjum vallarhelmingi Apollo, Andrea Rán gerir sig klára til að spyrna þessu

Saava tekur hornið fyrir Apollo, setur hættulegan bolta á teiginn en FH konur ná að endingu að koma boltanum frá

Saava tekur hornið fyrir Apollo, FH konur ná að koma honum frá en Mooney er þar mætt og setur boltann á markið en ekki nógu nákvæmt

Jónina aftur með frábæra tæklingu kemur í veg fyrir að Hudson sleppi ein í gegn

Andrea Rán með frábæran varnarleik, stelur boltanum af Freda sem var að gera sig líkelga í skot

Helena nær skoti á markið en það er laust

Andrea Rán með Ingibjörgu með sér, tekur spyrnuna á teignn, Ásdís Karen nær skotinu en beint í varnarmenn Apollo

Hildur Katrín nælir í fyrstu hornspyrnuna fyrir FH

Jónína með frábæra tæklingu og kemur í veg fyrir að Savva sleppi í gegn

Ásdís Karen kemst í góða stöðu er með Ingibjörgu til hliðar við sig en þær ná ekki að nýta þetta

FH konur í smá brasi, Freda pressar og setur Andreu í vesen en þær ná þó að leysa vel úr þessu

Það er mikill hiti og sól og við förum í stutta vatnspásu

Brotið á Helenu á miðjum vallarhelmingi Apollo, Andrea tekur spyrnuna en ekkert kemur úr henni

Giannou með aðra aukaspyrnu, setur hann á teiginn en nú finnur hún enga Apollo konu í teignum

Giannou tekur aukaspyrnu af vinstri kantinum, Olivia Pearse nær skotinu en það er rétt framhjá. Þetta var besta færi leiksins hingað til

Hudson eltir boltann, Deja nær að skýla þessu fyrir Aldísi en það mátti ekki miklu muna að hún gæti strítt FH

Jelena Prvulovic með hornið, setur þetta á nærsvæðið en þar er engin Apollokona og FH kemur þessu frá

Natasha Hudson kemst í gott færi en Aldís ver frá henni, þær fá svo horn

Hildur með fínustu tilraun af löngu færi en aðeins of laust og Isabella Hara í markinu þarf ekki að hafa neitt fyrir þessu

Ficzay með aukaspyrnu utan af kanti en Deja skallar þetta frá og nær svo að skýla boltanum útaf,

Ásdís Karen reynir að finna Hrönn út í teignum, hún setur hann upp á Helenu en flaggið fer réttilega á loft.

Dæmt á Andreu, Ficzay tekur spyrnuna og setur hann á teiginn en FH konur koma þessu frá

Ingibjörg, kemst í gott hlaup, reynir við skotið en setur hann í varnarmann og Isabella Hara handsamar hann svo.

FH konur hafa verið með boltann það sem af er og eru fljótar að pressa og ná honum aftur þegar þær missa hann

Andrea Rán og Ásdís Karen hefja leikinn fyrir FH

Liðin eru komin inn á völlinn og þessi Evrópuveisla er rétt að byrja!

FH konur í flottum Evróputreyjum, sömu litir og við þekkjum, hvítar og svartar en eru með stofnunarár FH, 1929, framan á.

það er klassi yfir þessu!

Byrjunarlið FH fyrir fyrsta Evrópuleik kvennaliðs félagsins hefur verið opinberað.

Guðni og Hlynur Eiríkssynir gera fjórar breytingar frá tapinu gegn Víkingi. Aldís Guðlaugsdóttir kemur í markið og Helena Errington, Andrea Rán Snæfeld Hauksdóttir og Jónína Linnet koma einnig inn í liðið.

Leikurinn í dag er fyrri viðureign liðanna í fyrstu umferð forkeppninnar en FH tekur svo á móti Apollon Ladies í Kaplakrika miðvikudaginn 2. september.

Sigurvegarar samanlagt úr báðum leikjum tryggir sér sæti í annarri umferð forkeppninnar og því væri kjörið tækifæri fyrir FH í dag að koma sér í góða stöðu fyrir heimaleikin í Kaplakrika eftir viku.

Evrópubikar kvenna er önnur af tveimur Evrópukeppnum félagsliða á vegum UEFA og fer fram samhliða Meistaradeildinni. Keppnin var sett á laggirnar á síðasta tímabili til að fjölga þeim liðum sem fá tækifæri til að spreyta sig á evrópska sviðinu.

Fyrirkomulag keppninnar er einfalt, þar sem um útsláttarkeppni er að ræða og allar umferðir, allt frá forkeppni til úrslita, eru leiknar heima og að heiman.

Breiðablik náði eftirtektarverðum árangri á síðasta tímabili en þær m.a. slógu út Spartak Subotica frá Serbíu og unnu síðan ævintýralegan sigur á danska liðinu Fortuna Hjörring í sextán liða úrslitum. Ferð þeirra lauk í átta liða úrslitum gegn Häcken, sem stóð að lokum uppi sem fyrsti sigurvegari Evrópubikarsins.

Blikarnir sýndu það að íslensk lið geta heldur betur látið til sín taka og nú fær FH sitt tækifæri!

Apollon Ladies var stofnað árið 2007 en hefur síðan þá orðið langöflugasta kvennalið Kýpur. Félagið varð kýpverskur meistari í 16. sinn á síðasta tímabili og hefur unnið meistaratitilinn sex ár í röð.

Á meðan FH er að leika sinn fyrsta Evrópuleik er Apollon Ladies enginn nýgræðingur á þessu sviði. Kýpverska félagið hefur reglulega tekið þátt í Evrópukeppni og komst fjögur tímabil í röð í 32-liða úrslit Meistaradeildarinnar á árunum 2010 til 2014.

Apollon hóf Evrópuævintýrið í forkeppni Meistaradeildarinnar fyrr í mánuðinum. Liðið gerði þar 3-3 jafntefli við pólska liðið Czarni Sosnowiec eftir framlengingu en tapaði í vítaspyrnukeppni. Apollon vann síðan Vllaznia frá Albaníu 2-1 eftir framlengingu og tryggði sér þannig sæti í Evrópubikarnum.

Apollon teflir fram afar alþjóðlegum leikmannahópi. Í hópnum eru meðal annars leikmenn frá Bandaríkjunum, Englandi, Svíþjóð, Írlandi, Rúmeníu, Austurríki og Gana auk kýpverskra landsliðskvenna. Þjálfari liðsins er hinn kýpverski Angelos Tsolakis.

View this post on Instagram

A post shared by Apollon Ladies F.C. (@apollonladies)

FH konur hafa verið í gríðarlega miklu stuði í sumar og hefur verið eitt allra skemmtilegasta sóknarliðið í deildinni. Liðið er með lang flest skoruð mörk en þær hafa sett 52 mörk í 16 leikjum í Bestu deildinni. Þær sitja í 2. sætinu þar eins og staðan er núna með 33 stig, aðeins 3 stigum á eftir toppliði Breiðabliks.



Þrátt fyrir öll þessi mörk þá hafa þær aðeins hikstað í síðustu leikjum en þær hafa tapað tveimur leikjum í röð á heimavelli og í fyrsta skipti sumar náðu þær ekki að skora!

Þá er stórt skarð í FH liðinu þar sem Ída Marín Hermannsdóttir gekk á dögunum til liðs við sænska liðið Hammarby. Þær hafa þó fengið Ásdísi Karen til að reyna fylla það skarð og það er kjörið tækifæri fyrir hana í dag að sýna hvað í henni býr!

Þrátt fyrir erfitt gengi í síðustu tveimur likjum þá breytir það ekki því að liðið hefur átt mjög gott tímabil og er í harðri baráttu um Íslandsmeistaratitilinn. Verkefnið í dag er hins vegar af allt annarri stærðargráðu þegar FH mætir sextánföldum meisturum Kýpur á þeirra heimavelli.

Leikurinn í dag er sá fyrsti í sögu kvennaliðs FH í Evrópukeppni.

FH tryggði sér Evrópusætið með frábærum árangri á síðasta tímabili, þegar liðið hafnaði í öðru sæti Bestu deildarinnar og lék jafnframt til úrslita í Mjólkurbikarnum.

Nú er hins vegar komið að því að stíga út á evrópska sviðið í fyrsta sinn!

View this post on Instagram

A post shared by Fimleikafélag Hafnarfjarðar (@fhingar)

Á flautunni í dag verður Jelena Medjedovic, henni til halds og trausts verða Ivana Jovanovic og Andrea Marinkovic aðstoðardómarar.

Fjórði dómari í dag er svo Marina Živkovic

Verið hjartanlega velkomin í þessa textalýsingu úr fyrri viðureign liðanna í fyrsta einvíginu í Evrópubikarnum. FH mætir liði Apollon Ladies F.C. á heimavelli þeirra, Stelios Kyriakides Stadium, í Kýpur.

Leikurinn hefst á slaginu 15:00!