Víkingar taka öll stigin úr Miðgarði og fagna því vel og innilega enda ru þær að berjast fyrir lífi sínu í þessari deild. Viðtöl og skýrsla væntanleg.

Víkingar sækja hratt eftir aukaspyrnu Stjörnunnar og Rhode nær skoti en það er laust og lekur fram hjá.

Aukaspyrnan kemur inn á teiginn þar sem Telma grípur hann.

Fjórar mínútur í uppbót

Aftur eru Stjörnukonur að fá aukaspyrnu út á velli sem kemur inn á teiginn sem þær skalla langt fram hjá.

Þórhildur tekur spyrnuna stutt á Bergdísi, hún reynir svo að koma boltanum fyrir en Stjörnukonur koma honum frá. Víkingar halda áfram að sækja og Begga Sól nær að lokum skoti fyrir utan teiginn en það er hátt yfir.

Víkingar fá horn.

Stjarnan fá aukaspynu langt út á velli sem er tekin inn á teig Víkinga, þær ná skallanum en hann er langt frá því að hitta markið.

Birna Jóhannsdóttir fær boltann inn á teiginn en skallinn hennar er yfir.

Begga Sól með góða gabbhreyfingu áður en hún krullar boltann inn fyrir á Þórdísi Hrönn en það var eins og hún hefði ekki trú á því að boltinn myndi skila sín til hennar og hann lekur fram hjá henni.

Nanna Sif með rosalegan sprett og leikur á þær nokkrar, er komin alveg inn á markteiginn og nær skoti en Telma er í litlum vandræðum með það.

Bergdís með stórkostlegan bolta í gegn um línurnar á Jóhönnu sem er skyndilega sloppin í gegn. Hún fer ein á Skiba í markinu en skotið er beint á hana og hún ver í horn. Víkingar ná svo ekki að nýta hornið.

Begga Sól með geggjaðan bolta fyrir markið en Víkingar eru fáliðaðar inn á teignum og engin þeirra nær til botlans.

Stjörnukonur eru að gera sig líklegar þessa stundina og Ingibjörg Lúcía á skot fyrir utan teiginn en það er vel yfir markið.

Aftur eru Stjörnukonur að koma boltanum inn á teiginn en enn sér Telma við þeim.

Hulda Hrund með bolta inn á markteiginn en Telma les það og grípur boltann áður en einhver annar nær til hans.

Hulda Hrund í fínasta færi en skotið er beint á Telmu í markinu.

Stjörnukonur gera sitt besta hérna til að gefa mark. Hár bolti fer yfir Söndru sem beygir sig eiginlega frá honum áður en Dagný kemur boltanum fyrir. Stjarnan í miklu basli að koma boltanum frá en Víkingar ná ekki að ráðast á boltann.

Stjörnukonur heppnar að fá ekki dæmda á sig hendi, víti en Víkingar virðast ekki átta sig á því heldur, mjög veik köll frá þeim.

Engar breytingar í hálfleik og heimakonur sparka þessu í gang.

Víkingar fara með forystu inn í hálfleikinn en það gætu klárlega verið fleiri mörk komin í þennan leik. Tökum stutta pásu og vonumst eftir frekari skemmtun í seinni.

Jasmín komin í frábæra stöðu eftir sendingu frá Þórdísi Hrönn en flaggið á loft.

Ein mínúta í uppbót

Bergdís tekur hornið inn á teiginn í áttina að Emmu Steinsen en hún hittir ekki boltann sem fer í gegnum allan pakkann án þess að neinn nái til hans.

Dagnú Rún vinnur horn fyrir Víkinga.

Jasmín Erla í dauuuuuðafæri eftir frábæran bolta inn fyrir frá Bergdísi, tekur hann á lofti og virðist vera að setja hann yfir Skiba, sem er komin langt út úr markinu, en skotið er fram hjá.

Stjarnan eiga horn sem Andrea tekur á fjær en Begga Sól skallar frá.

Eva Marie er allt of lengi að athafna sig og Jasmín vinnur af henni boltann, gefur hann á Örnu en Stjörnukonur eru fljótar að koma sér aftur fyrir boltann og stoppa sóknina við fæðingu.

Hár bolti fer yfir varnarmenn Víkings, Ingibjörg Lúcía er fyrst á hann og lætur bara vaða, ætlar að setja hann yfir Telmu í markinu en hún gerir vel og grípur.

Jasmín er sloppin ein í gegn og ætlar að þruma honum í netið en smellhittir slána. Allt í einu fór að færast líf í þennan leik.

Stjarnan sækir upp hinum megin. Aftur er Snædís María í færi, reynir lúmskt skot, en Telma sér við henni.

Hár bolti inn á teig Stjörnunnar og Arna Ísold fær boltann eiginlega í sig en leggur hann með því fyrir Jasmín sem er í afbragðsfæri en hittir bara ekki boltann.

Víkingar í nauðvörn inn í eigin teig og Snædís María komin í dauðafæri en varnarmenn Víkings komast fyrir það. Eftir ansi langa sókn og mikið panik berst boltinn út úr teignum þar sem Murielle hamrar honum hátt yfir markið.

Hulda Hrund á fína rispu og ætlar að setja Snædísi í gegn en sendingin er allt of föst og beint til Telmu.

Bergdís tekur spyrnuna inn á nær en þar er Þóra María klár í að skalla frá.

Víkingar að fá aukaspyrnu á fínasta stað á milli teigs og hliðarlínu. vinstra megin.

Víkingra keyra í skyndisókn og Dagný er komin á ferðina upp hægri kantinn en fyrirgjöfin er eki nægilega góð og varnarmenn Stjörnunnar komast inn í hana.

Ingibjörg Lúcía á skot sem fer beint í Toumala. Ingibjörg fær boltann aftur, kemur boltanum fyrir, en það er Telma Ívarsdóttir vel á verði og grípur boltann.

Murielle með skot eða fyrirgjöf utan af kanti. Sama hvort það er þá hafnar boltinn í slánni og fer aftur út í teiginn en þar eru bara Víkingar.

Bergdís ætlar að þræða Jasmín í gegn en sendingin er aðeins of föst og Skiba nær til hans.

Ingibjörg Lúcía reynir skot lengt utan af velli en þaða er aldrei líklegt til árangurs.

Dagný Rún með fínan bolta inn á teiginn sem Víkingar komast í en flaggið á loft.

Emma Steinsen með frábæran bolta inn á teiginn lengst utan af kanti, Bergdís kemur á ferðinni úr djúpinu en hittir boltann illa, skotið er laust og beint á Skiba í markinu.

Varnarmenn Víkings virðast mállausir í varnarleik sínum, misskilja hvor aðra og leggja boltann beint fyrir lappir Snædísar í teignum sem er í dauðafæri, lætur vaða á markið, en Telma ver frábærlega og Stjarnan fær horn sem þær ná svo ekki að nýta.

Þórdís Hrönn á fínum spretti upp vinstri kantinn en einhver misskilingur á milli hennar og Jasmínar sem tekur á endanum boltann en flaggið á loft.

Gestirnir byrja með boltann og það er Jasmín Erla sem á upphafsspyrnuna.

Óskar Smári Haraldsson gerir eina breytingu á sínu liði frá tapinu gegn Fram en Fanney Lísa Jóhannesdóttir kemur út og er ekki í leikmannahópi Stjörnunnar í dag. Inn fyrir hana kemur Sandra Hauksdóttir.

Einar Guðnason virðist loksins vera búinn að finna sitt lið og breytir því ekki á milli leikja, allt óbreytt hjá gestunum.

Helena Ólafsdóttir, þáttastjórnandi Bestu markanna á Sýn Sport, spáir í spilin fyrir umferðina og spáir gestunum sigri.
Stjarnan - Víkingur R.
Víkingar hafa komist á bragðið og unnið undanfarið en þá vinna bara keppinautar þeirra um leið. Víkingar klára þetta sama hvernig aðrir leikir fara.

Brynjar Þór Elvarsson er maðurinn með flautuna í þessum leik og honum til halds og trausts eru Nour Natan Ninir og Heimir Árni Erlendsson á sitthvorri línunni. Guðmundur Halldórsson er þá maðurinn á milli boðvanganna.

Víkingar, sem hafa verið í basli í sumar, hafa verið að spila betur upp á síðkastið og eru með tvö sigra í röð þar sem þær héldu hreinu í báðum leikjum. Í síðustu umferð fengu þær Grindavík/Njarðvík í heimsókn í Fossvoginn og unnu á þeim sterkan 3-0 sigur þar sem Bergdís Sveinsdóttir skoraði tvö og Áslaug Dóra Sogirbjörnsdóttir eitt.

Stjörnukonur hefur skort stöðugleika í sumar og síðustu fimm leikir bera þess merki. Tvö jafntefli, einn sigur og tvö töp en eitt af þessum töpum komu í síðustu umferð í leik gegn Fram. Stjarnan komst í 0-2 eftir 20 mínútur en töpuðu á endanum 3-2 en Fram skoruðu sitt þriðja mark á 90. mínútu og fullkomnuðu þar með endurkomuna.

Verið velkomin í þessa beinu textalýsingu frá leik Stjörnunnar og Víkings í Bestu deildinni. Leikurinn er partur af lokaumferð deildarinnar fyrir skiptingu og leikið er í Miðgarði vegna viðgerða á Samsung vellinum.