SKÝRSLAN: Sanngjarnt í síðasta leik fyrir skiptingu
Hvað réði úrslitum?
Heilt yfir var það vilji beggja liða til að fá eitthvað útúr þessum leik. Mörkin hefðu getað orðið fleiri, sérstaklega í seinni hálfleik, en varnirnar héldu vel.
Bestu leikmenn
1. Agla María Albertsdóttir (Breiðablik)
Sýndi gæðin sín í kvöld. Kom sér og liðinu oft í fínar stöður og var í rauninni óheppin að skora ekki í kvöld.
2. Þórdís Nanna Ágústsdóttir (Þróttur)
Mjög dugleg á kantinum og bjó til hornspyrnuna sem endaði með marki Þróttar.
Atvikið
Þegar Þróttarar héldu að þær væru að komast yfir í seinni hálfleik en rangstaða dæmd. Það hitnaði enn meira í kolunum eftir atvikið.
Hvað þýða úrslitin?
Breiðablik endar á toppi deildarinnar fyrir skiptinguna, jafnar að stigum við FH en með betri markatölu. Tæpara gæti það samt varla verið því það munar bara einu marki á liðunum. Blikar fá í leiðinni að spila leikinn gegn FH á heimavelli.
Þróttarar gulltryggja sig í efri hlutanum og enda í 5. sæti með 23 stig. Þróttarar enduðu mótið af krafti en þær eru taplausar í síðustu sex leikjum.
Þróttarar gulltryggja sig í efri hlutanum og enda í 5. sæti með 23 stig. Þróttarar enduðu mótið af krafti en þær eru taplausar í síðustu sex leikjum.
Vondur dagur
Mollee Swift (Þróttur).
Verð að klína þessu á Mollee sem hefði mátt gera betur í markinu sem Breiðablik skoraði. Var illa staðsett og var lengi að átta sig á lausu skoti Katelyn Duong sem endaði í netinu.
Verð að klína þessu á Mollee sem hefði mátt gera betur í markinu sem Breiðablik skoraði. Var illa staðsett og var lengi að átta sig á lausu skoti Katelyn Duong sem endaði í netinu.
Dómarinn - 7
Hafði góða stjórn á leiknum og línan var góð. Líklega ekki erfiður leikur til þess að dæma og lítið um erfiðar stórar ákvarðanir.