Njarðvíkingar brjálaðir þegar Gunnar flautar til leiksloka. Barátta Þróttara sigldi þessu heim. Viðtöl og skýrsla detta inn seinna í kvöld. Ég þakka fyrir mig.

Heimamenn með hörkuskot en Hlynur hendir sér fyrir skotið. Heimamenn ná frákastinu og ná skoti en boltinn rétt framhjá. Ég hélt að hann væri á leiðinni inn.

Aftur kalla Njarðvíkingar eftir víti. Nú þegar Leandro fór niður. Mér fannst ekki vera mikið í þessu.

Njarðvík fær enn eina hornspyrnuna án þess að skapa raunvevrulega hættu.

"Þið ættuð að skammast ykkar allir saman." Sagði Davíð Smári við fjórða dómarann.

Ósáttur með dómgæsluna í dag.

Tryggvi sendir stórhættulegan bolta inn á teiginn. Hlynur mjög nálægt því að ná tá í boltann en markspyrna niðurstaðan.

Vilhjálmur vinnur aukaspyrnu á hættulegum stað.

Njarðvík fær horn.

Þeir kalla eftir víti. Boltinn virtist hafa skoppað í höndina á Þróttara. Gunnar segir nei.

Stefán Gísli með hættulegt skot sem Þórhallur ver vel.

Njarðvíkingar að sækja í sig veðrið.

Gestirnir í skyndisókn eftir hornspyrnu heimamanna. Aron í hlaupinu kemur honum á Eirík sem á skot sem Guy ver vel. Þróttarar ná ekki frákastinu og Guy handsamar boltann.

Oumar Diouck fær boltann í fætur óvaldaður innan teigs og nær föstu skoti á rammann. Þórhallur hendir sér niður og nær sterkri hönd á boltann.

Þvílík varsla.

Stefán Þórður á hörkuskot á nærsvæðið sem Guy ver vel í horn. Úr horninu kom annað horn hinum megin en ekkert kom úr því heldur.

Þróttarar búnir að vera töluvert betri þessar síðustu mínútur en það er ennþá lítið um færi.

Örn Bragi kominn í fína stöðu en tapar boltanum þegar hann ætlaði að hlaða í skot.

Aftur fer hornspyrna heimamanna yfir allan pakkann.

Njarðvíkingar í skyndisókn eftir hornspyrnu Þróttara en fyrirgjöfin beint í fangið á Þórhalli.

Sigurður Egill með hættulegan bolta inn fyrir á Aron. Guy Smit kemur á móti og lendir í smá veseni en það rétt sleppur fyrir heimamenn.

Aron gerir frábærlega og vinnur hornspyrnu.

Þróttarar taka hornið stutt og koma sér í skotfæri innan teigs en framhjá fer hann. Fínasta útfærsla.

Kári gefur hann á Sigga sem á lúmskt skot að marki. Guy blakar honum yfir

Gunnar flautar til hálfleiks og gestirnir fara inn til búningsherbergja með forystuna. Þetta hefur verið jafn og lokaður leikur.

Tökum okkur korter!

Heimamenn halda vel í boltann og vinna aukaspyrnu í fyrirgjafastöðu.

Þróttarar skalla frá.

Það sést að gestirnir eru óvanir grasinu. Þeir hafa margir verið að renna einn af öðrum.

Gunnar er ekki að dæma á hvað seðm er. Há lína og mikil harka.

Heimamenn fá enn eina hornspyrnuna.

Arnleifur vill líklegra gleyma þessari sem allra fyrst. Hátt yfir allann pakann.

Kári kemur með bolta inn fyrir sem leit úr fyrir að vera lítið mál fyrir Njarðvíkurvörnina, en Aron er grimmur og kemst fram fyrir línuna. Skotið hins vegar virkilega vel varið af Guy Smit.

Boltinn dæmdur af Þórhalli í markinu sem er of lengi að koma boltanum frá sér. Njarðvík fær hornspyrnu.

Sóknarbrot dæmt á Njarðvík úr horninu og aukaspyrna dæmd.

Liðin hafa skapað sér lítið úr opnum leik. Eina almennilega færi leiksins, sem kom ekki úr föstum leikatriðum, endaði með marki.

Oumar sloppinn í gegn en flaggið fer réttilega á loft.

Mikil barátta í teig Njarðvíkinga eftir hornspyrnu en þeir ná að hreinsa á endanum og komast í skyndisókn sem nær á endanum litlu flugi.

Nú fá heimamenn horn.

Hættulegur bolti inn í teiginn sem ratar á Felix sem á hörkuskalla en boltinn yfir markið.

Þróttur fær hornspyrnu en heimamenn hreinsa í innkast.

Oumar sloppinn einn í gegn og Þórhallur kominn langt út úr teignum og stoppar hann. Njarðvíkingar kalla eftir broti og rauðu en Gunnar segir nei. Treysti mér ekki að dæma um þetta sjálfur.

Kári Kristjáns sparkar þessu í gang!

Sigurvin Ólafsson, þjálfari Þróttar, gerir sömuleiðis þrjár breytingar frá sigrinum á Vestra á laugardag. Aron Snær Ingason, Hlynur Þórhallsson og Eiríkur Þorsteinsson Blöndal koma inn í liðið. Þeir Björn Darri Oddgeirsson, Viktor Steinarsson og Vilhjálmur Kaldal Sigurðsson taka sér sæti á bekknum.

Davíð Smári Lamude, þjálfari Njarðvíkur, gerir þrjár breytingar á sínu liði frá sigrinum á Aftureldingu á laugardag. Aron Einarson er meiddur og þeir Hrafn Guðmundsson og Björn Aron Björnsson taka sér sæti á bekknum. Leandro Fernandes, Arnar Helgi Magnússon og Valdimar Jóhannsson koma inn í liðið. Eiður Aron Sigurbjörnsson, fyrirliði Njarðvíkur, er ekki með í dago er Sigurjón Már Markússon með fyrirliðabandið. Eiður er skráður leikgreinandi.

Ef marka má tölfræðina er ekki hægt að búast við mörgum mörkum í dag. Þróttur hefur fengið á sig fæst mörk í deildinni, 25 talsins, en Njarðvík kemur þar á eftir með 29 mörk. Reykvíkingarnir hafa verið töluvert duglegri að skora, með 50 mörk skoruð gegn 38 hjá Njarðvík.

Liðin mættust í fyrstu umferðinni í Laugardalnum þegar heimamenn unnu 2-0 sigur á Njarðvík. Örn Bragi Hinriksson kom Þrótti yfir á 60. mínútu áður en Hlynur Þórhallsson innsyglaði sigurinn á 73. mínútu.



Njarðvíkingar svöruðu síðan fyrir sig í 12. umferðinni með 1-0 sigri á Þrótturum. Baldur Hannes Stefánsson fékk að sjá rautt spjald í fyrri hálfleik og Oumar Diouck skoraði svo sigurmarkið á 73. mínútu.

Þróttarar enduðu í öðru sæti deildarinnar með 43 stig, tveimur stigum frá Aftureldingu á toppnum og þremur stigum fyrir ofan Fylki í þriðja sæti. Þróttarar hafa alltaf verið meðal efstu liða í sumar og það var alltaf ljóst að þeir væru að fara að berjast um sæti í Bestu deildinni. Þróttarar enduðu tímabilið með fínum 2-0 útisigri á Vestra.

Njarðvíkingar enduðu í fimmta sæti deildarinnar með 38 stig, jafnir að stigum við HK en með örlítið lakari markatölu. Njarðvíkingar fóru brösuglega af stað, sóttu aðeins 8 stig í fyrstu 7 leikjum sínum en svo fóru úrslitin að falla þeim í hag og umspilssætið var svo gott sem tryggt þegar nokkrar umferðir voru eftir af tímabilinu. Þeir enduðu tímabilið með sterkum 2-1 sigri á deildarmeisturunum á þessum velli.

Gunnar Freyr Róbertsson verður með flautuna í dag. Honum til aðstoðar verða Kristján Már Ólafs og Bryngeir Valdimarsson og fjórði dómari leiksins verður Stefán Ragnar Guðlaugsson. Dómaraeftirlitsmaður dagsins verður Einar Örn Daníelsson.

Þannig að allt sé skýrt:

Liðin sem enduðu í öðru sæti niður í fimmta sæti Lengjudeildarinnar eiga möguleika á að spila í Bestu deildinni á næstu leiktíð. Annað sætið (Þróttur) keppir á móti fimmta sætinu (Njarðvík) og þriðja sætið (Fylkir) keppir á móti liðinu sem endaði í fjórða sæti (HK).

Liðið sem endaði ofar í deildinni í báðum einvígunum spilar seinni leikinn á heimavelli. Sigurvegarar beggja einvíganna mætast svo í hreinum úrslitaleik á Laugardalsvelli laugardaginn 19. september um sæti í deild þeirra bestu.

9. september
Njarðvík - Þróttur (17:00)
HK - Fylkir (19:15)
13. september
Þróttur - Njarðvík (16:15)
Fylkir - HK (19:15)
19. september
Úrslitaleikur (16:00)

Komiði sæl kæru lesendur og verið velkomin í þessa þráðbeinu textalýsingu beint frá JBÓ vellinum þar sem Njarðvík tekur á móti Þrótti Reykjavík.