Sverrir Örn Einarsson @SEinarsson

- Meðalaldur 26 ár

- Meðalaldur 25 ár

Hvað réði úrslitum? Markmenn beggja liða skiluðu sínu í kaflaskiptum leik. Bæði Viktor og Ásgeir björguðu úr hættulegum færum hvor fyrir sitt lið og urðu öðrum fremur þess valdandi að liðin skildu jöfn í dag. Sóknarlega voru bæði lið að komast í álitlegar stöður en inn vildi boltinn ekki oftar fyrir þau og því fór sem fór. Bestu leikmenn 1. Viktor Freyr Sigurðsson Frábær á milli stanga marksins og varði úr þó nokkrum dauðafærum. Gat lítið gert við mörkum Keflvíkinga í leiknum og var heilt yfir mjög öruggur í sínum aðgerðum. 2. Freyr Sigurðsson Tveggja marka maður í dag og átti þokkalegasta dag á vellinum. En mörkin tvö fleyta honum í þennan reit. Atvikið Fyrra mark Fram var í skrautlegra lagi, darraðardans eins og hann gerist bestur sem endar með klaufalegu marki frá sjónarhóli Keflvíkinga.

Hvað þýða úrslitin? Fram minnkar bilið í KR í 2.sæti niður í 1 stig en liðin mætast í næstu umferð sem verður leikin á næstu öld að manni finnst. Keflavík situr í 6.sætinu og siglir lygnan sjó. Vondur dagur Föst leik atriði Fram.... Sextán hornspyrnur og ég man ekki til þess að þeir hafi átt fyrstu snertingu á boltann eftir neina þeirra. Með öfluga spyrnumenn og sterka menn í teignum verða þeir einfaldlega að gera betur. Alls ekki gott. Dómarinn - 7 Heilt yfir bara fínt, ég set samt spurningamerki við það hvort að Frans Elvarsson hafi mögulega átt að fá rautt spjald í fyrri hálfleik þegar hann virtist sparka frá sér í baráttu um boltann við Kennie Chopart. Leit allavega ekki vel út við fyrstu sýn. En það er ekki hægt að ræða dómara leiksins án þess að minnast á AD 2 Þráinn Jón Elmarsson. Pilturinn er 17 ára gamall, hóf snemma að dæma fyrir KSÍ og er mættur á hliðarlínuna í Bestu deildinni 17 ára gamall. Fróðari menn en ég verð að svara því en hann hlýtur hreinlega að vera sá yngsti til að starfa í teymi í efstu deild á Íslandi.

- Meðalaldur 26 ár

- Meðalaldur 24 ár