ÞÞÞ flautar til leiksloka. 1-1 jafntefli niðurstaðan hér í kvöld eftir fínustu skemmtun á Hlíðarenda. Nóg af færum þó ekki dauðafærum. Það stefnir í þriggja liða kapphlaup um eitt öruggt sæti í deild þeirra bestu í lokaumferðinni.

Ekki mikið búið að gerast síðustu 10 mínútur eða svo.

Ragnheiður hleður í svakalegt skot, Telma nær rétt svo að slæma höndinni í boltann og þaðan fer hann upp í slánna og aftur fyrir.

Alvöru kraftur sem hún náði í þetta skot.

Víkingur fær horn. Bergdís tekur hornið en það kom ekkert úr því.

Kimberley með skot fyrir utan teig en rétt framhjá þverskeytunum. Ekki galin tilraun.

ÞÞÞ var eitthvað ósáttur við boltann og neglir honum í átt að varamannaskýlunum, beint á Einar Víkingsþjálfara sem grípur boltann. Áhorfendur taka við sér og klappa fyrir þessu.

Það eru sóknir á báða bóga og leikurinn er virkilega hraður. Liðin verða samt að fara að skapa sér meira en hálffæri.

Jóhanna með skotið við vítateigshornið en rétt yfir markið.

Arnfríður í baráttunni inn í teignum eftir góðan bolta frá Ragnheiði en Víkingar koma knetttinum frá en sóknin heldur áfram. Arnfríður nær á endanum fínu skoti fyrir utan teig en Telma ver.

Aukaspyrnan inn í teiginn en gestirnir koma honum frá.

Víkingur með hornspyrnu inn í teiginn en boltinn endar í markspyrnu.

Víkingar í hættulegri sókn en fyrirgjöf Þórdísar er alltof föst og endar í markspyrnu.

Emma Hawkins lendir í samstuði og kallar eftir skiptingu.

Arnfríður tekur á rás með flugbraut fyrir framan sig. Hún tekur stuttan þríhyrning við vítateiginn og dúndrar svo á markið en skotið beint á Telmu.

Helga sparkar beint í innkast.

Þórður flautar til hálfleiks hér. Stórskemmtilegur og opinn fyrri hálfleikur að baki, mörkin hefðu hæglega getað orðið fleiri. Tökum okkur korter.

Hornspyrna Vals yfir allan pakkann.

Einni mínútu verður bætt við þennan fyrri hálfleik.

Valskonur gera vel og koma boltanum inn fyrir á Emmu en skotið tiltölulega beint á Telmu.

Jóhanna Elín með hörkuskot rétt framhjá. Ég hélt að þessi væri á leiðinni inn.

Valur meira með boltann þessa stundina en sendingarnar á köflum ónákvæmar.

Arnfríður kemur sér í skotfæri og lætur vaða í nærhornið en Telma sér við þessu.

Hornspyrna Þórdísar inn í markteig og virtist vera á leiðinni inn en Tinna kýlir boltanum frá.

Alvöru bananabolti á þessari spyrnu!

Jóhanna Elín með lúmskt skot. Boltinn fer ofan af þverslánnni og afturfyrir. Tinna hreyfði sig ekki í markinu.

Heimakonur spila mjög vel sín á milli í langri sókn en koma sér aldrei í skot. Sóknin rennur út í sandinn þegar brotið er á varnarmanni.

Víkingur fær horn og svo annað horn.

Spyrnan meðfram jörðinni út í D-bogann þar sem Bergþóra reynir skotið í fyrsta en skotið hátt yfir markið.

Ragnheiður með frábæra sendingu inn fyrir á Margréti sem lúrir inn í teig. Hún og Telma skella saman í baráttunni um boltann.

Telma liggur eftir en leikurinn farinn af stað aftur.

Leikurinn hefur aðeins róast eftir hörkubyrjun hjá gestunum.

Valur fær horn en það verður ekkert úr því.

Aftur kemur sending fyrir markið en skotið ekki gott. Tvö dauðafæri hjá gestunum á fyrstu fjórum mínútum leiksins.

Víkingar nærri því búnir að komast yfir strax á 1. mínútu.
Frábær sending yfir allan völlinn, sendingin svo inn í teiginn þar sem Thea bíður inn í markteig. Veit ekki hvort þetta hafi verið snerting eða skot hjá henni en boltinn endar hjá Tinnu í markinu.

Dauðafæri.

Jasmín Erla hefur leik.

Valsarar rauðklæddar, Víkingar hvítklæddar.

Matthías Guðmundsson, þjálfari Vals, gerir eina breytingu á sínu liði frá tapinu gegn Þór/KA í síðustu umferð. Kolbrá Una Kristinsdóttir kemur inn í liðið í stað Ísabellu Söru Tryggvadóttur sem sest á bekkinn.

Einar Guðnason, þjálfari Víkings, gerir tvær breytingar á byrjunarliði sínu frá jafnteflinu gegn Fram. Emma Steinsen Jónsdóttir og Thea Rhode koma inn í liðið. Anika Jóna Jónsdóttir og Arna Ísold Stefánsdóttir tylla sér á bekkinn.

Valur hefur unnið báða leikina gegn Víking á tímablinu 1-0. Nadía Atladóttir skoraði sigurmarkið í fyrri leiknum á sínum gamla heimavelli í 6. umferðinni.

Það var svo Emma Hawkins sem skoraði sigurmarkið í seinni leiknum sem spilaður var á Hlíðarenda í 15. umferðinni.

Sjáðu allt það helsta úr leikjunum tveimur

Tímabil Víkings hefur líka verið vonbrigði. Eftir að hafa lent í 5. sæti á síðustu leiktíð var liðinu spáð 3. sæti í spá Fótbolta.net. En liðið hefur aldrei komist á almennilegt strik fyrr en núna.

Víkingur endaðu í 9. sæti fyrir skiptingu, jafnar að stigum við Val. Víkingur vann þó þrjá síðustu leiki sína í deildinni og gerði svo 2-2 jafntefli gegn Fram upp í Úlfarsárdal í fyrst umferð eftir skiptingu.

Það eru breyttir tímar á Hlíðarenda. Eitt sigursælasta lið landsins eru í góðri hættu á því að falla. Valur er eina liðið sem hefur aldrei spilað annarsstaðar en í efstu deild svo það yrði högg fyrir liðið.

Valur endaði tímabilið fyrir skiptingu í 8. sæti með 20 stig en þær söfnuðu sjö stigum í síðustu þremur leikjunum. Liðið tapaði þó í fyrstu umferð neðri hlutans á heimavelli gegn Þór/KA 1-0.

Þórður Þorsteinsson Þórðarson verður með flautuna í kvöld. Honum til aðstoðar verða þeir Mikael Ívan Axelsson og Tryggvi Elías Hermannsson. Þorfinnur Gústaf Þorfinsson verður á milli varamannabekkjanna á meðan Þórður Ingi Guðjónsson verður dómaraeftirlitsmaður leiksins.

Neðri hluti deildarinnar í ár gæti varla verið meira spennandi. Það munar þremur stigum á efsta og neðsta sæti, en neðsta sæti er með betri markatölu en efsta sætið, svo að allt getur gerst.

Leikirnir tveir í 2. umferð neðri hlutans hefjast á sama tíma.

Svona lítur þetta út:

25. september
Valur - Víkingur (18:00)
Þór/KA - Fram (18:00)

1. Fram, 23 stig(-15)
2. Þór/KA, 22 stig (-3)
----------------------------
3. Víkingur, 21 stig (-11)
4. Valur, 20 stig (-10)

Góða kvöldið kæru lesendur og verið velkomnir í þessa þráðbeinu textalýsingu frá Hlíðarenda þar sem Valur tekur á móti Víkingi í neðri hluta Bestu deildar Kvenna.

Flautað verður til leiks á slaginu 18:00.