Þór/KA vann 0-1 útisigur á Val í síðustu umferð en degi áður hafði Fram gert 2-2 jafntefli gegn Víkingi.

Taylor Marie Hamlett og Alda Ólafsdóttir gerðu mörk Fram í þem leik og það var Margrét Árnadóttir sem gerði sigurmark Þórs/KA gegn Val.

Leikurinn er liður í næstsíðsutu umferð deildarinnar og Fram getur tryggt sæti sitt í deildinni með sigri.

Fram er fyrir leikinn með 23 stig, Þór/KA er með 22, Víkingur er með 21 og Valur er með 20 á botninum. Valur og Víkingur mætast á sama tíma á Hlíðarenda.

Ef Þór/KA vinnur og Víkingur og Valur gera jafntefli þá er Þór/KA öruggt með sæti sitt í deildinni. Þór/KA er með langbestu markatöluna af liðunum fjórum.

Ákall til Akureyringa!

Nú sem aldrei fyrr er þörf á stuðningi við stelpurnar okkar. Síðasti heimaleikurinn á dagskrá í kvöld, frítt á völlinn í boði Bílaleigu Akureyrar og Grand þvottar ehf.

Gríðarlega hörð og spennandi barátta fjögurra liða í tveimur síðustu umferðum neðri hluta deildarinnar og öflugur stuðningur úr stúkunni getur hreinlega skipt sköpum.