Grindavík vinnur góðan sigur á titilbaráttuliði FH hér í dag. Martraðarkafli í upphafi síðari hálfleiks reyndist FH afskaplega dýr í dag.

Boltinn uppvið hornfána á vallarhelmingi FH og tíminn að fljúga frá FH. Mínúta eftir af uppgefnum uppbótartíma eða svo.

Júlía Ruth klók, vinnur boltann á miðjum vellinum og reynir lítið að sækja. Bíður eftir snertingu frá varnarmanni og nælir sér í aukaspyrnu. Tíminn vinnur með heimakonum.

Birna Kristín reynir skot. lítur vel út en boltinn siglir framhjá stönginn.

Taylor virkaði með þetta alveg á hreinu.-

Hildur Katrín reynir skot fyrir gestina en boltinn í fang Taylor.

Hafrún Birna með fast skot af töluverðu færi. Nær fínum krafti en stefnan beint í fang Taylor.

Emersen vinnur boltann af harðfylgi við teig FH og reynir skotið. Auðveld viðureignar fyrir Steinunni í marki FH:

Sóknarþungi FH að aukast mikið.

Vinna hér horn.

Birna Kristín Björnsdóttir reynir skot af löngu færi. Ekki galin tilraun en boltinn yfir markið.

FH sækir hornspyrnu.

Darraðardans í teignum eftir hornið en Taylor sterk og hirðir upp boltann.

Emersen Jennings kemst inn á teiginn frá hægri,. Reynir að finna Emmu sem er mætt í hlaupið í teignum en gestirnir bjarga í horn.

Thelma Lóa með tíma og pláss úti til vinstri til að finna samherja í teignum. Kemur með boltann fyrir en Hayden mætt og kemur boltanum frá.

Hayden verið virkilega öflug í dag í vörn heimakvenna.

Deja með hörkuskot af löngu færi en Taylor vandanum vaxin og grípur boltann.

Helena Maree með skot frá vítateigshorni sem svífur yfir markið.

Miklu meiri kraftur í liði FH núna.

Nia í hörkufæri inn á markteig eftir sendingu frá Ingibjörgu. Færið nokkuð þröngt en hún nær skotinu sem smellur í hliðarnetinu.

Nia að vinna sig í færi við teig heimakvenna. Tekur skotið úr D-boganum en setur boltann yfir markið.

Gestirnir skiljanlega nokkuð slegnar eftir þessar upphafsmínútur síðari hálfleiks. Heimakonur á meðan pollrólegar í öllu sem þær gera enda með þriggja marka forystu.

Gestirnir rúlla þess af stað.

Flautað til hálfleiks á JBÓ vellinum. Heimakonur með forystu eftir þennan baráttu fyrri hálfleik.

Tökum okkur smá hlé og mætum aftur að vörmu spori.

Og uppskera horn.

Nia Raisa aftur að sleppa í gegn, kemst inn á teiginn hægra megin og nær skotinu en setur hann beint í fang Taylor í markinu,

Hnoðið heldur áfram. Gestirnir heldur bætt í pressu sína síðustu mínútur þó.

Nia Raisa að sleppa innfyrir og er að komast í dauðafæri. Hayden hleypur hana uppi og á frábæra tæklingu og vinnur af henni boltann.

Varnarleikur upp á 11

Leikurinn að litast af aðstæðum síðustu mínútur. Mikið að misheppnuðum sendingum í báðar áttir og lítill taktur.

Tinna Hrönn í dauðafæri í teignum eftir góðan undirbúning Emmu. Nær skotinu en setur aðeins of mikið púður í það og smellur boltinn í slá og út.

Hafrún Birna í frábærri stöðu en skóflar boltanum yfir markið úr úrvalsfæri.

Gestirnir að skapa tækifæri, komast inn á teiginn frá hægri en sendingin fyrir markið í hendur Taylor.

Grindavík fær horn. Boltinn fyrir markið á kollinn á Hayden Colson sem skallar boltann himinhátt yfir.

Heimakonur vinna boltann hátt á vellinum. Ná skotinu en það er slakt og beint á Sigurborgu í markinu.

Leikurinn stopp, bylmingsskot frá heimakonum endar beint í andlitinu á Mackenzie sem steinliggur.

Emma Philips hársbreidd frá því að komast í dauðafæri eftir aukaspyrnu en Sigurborg mætir út og hirðir boltann.

Vindurinn að hafa talsverð áhrif á leikinn sem skiljanlegt er. Svo sannarlega haustlegt um að litast.

Öðruvísi útfærsla á horninu, nokkrar úr liði heimakvenna stíga hringdans fyrir hornið seem virðist rugla vörn FH aðeins, Þær koma þó boltanum frá.

Heimakonur fylgja á eftir og fá sitt fyrsta horn.

FH sækir fyrstu hornspyrnu leiksins eftir tæklingu frá Hayden Colson.

Emersen Jennings í algjöru dauðafæri eftir skyndisókn heimakvenna. Kemst ein gegn Sigurborgu í marki FH en nær ekki valdi á boltanum í vindinum sem gerir Jónínu Linnet kleift að hlaupa hana uppi og hirða af henni boltann.

Þetta er farið af stað á JBÓ vellinum. Heimakonur sparka okkur af stað.

John Andrews, þjálfari KR, spáir í leikina. Vesturbæjarstórveldið verður í Bestu deildinni á næsta ári eftir að hafa endað í öðru sæti Lengjudeildarinnar í sumar.

Um leikinn í Grindavík sagði John.

Grindavík/Njarðvík 1 - 4 FH
Grindavík/Njarðvík heldur áfram að gefa ungum leikmönnum tækifæri og byggja upp þetta spennandi verkefni, en krafturinn í FH verður of mikill að þessu sinni. Þar sem grasið er ekki Grindavík/Njarðvík í hag í þessum leik sé ég FH stjórna leiknum að mestu. Julia Ruth skorar fyrir heimakonur en Thelma, Deja og Andrea skora snemma fyrir FH áður en Elín Björg klárar dæmið með frábæru einstaklingsframtaki undir lokin.

Stefán Ragnar Guðlaugsson er með flautuna hér í dag. Óliver Thanh Tung Vú og Ingibjörg Garðarsdóttir Briem eru honum til aðstoðar auk Atla Björns E Levy sem er fjórði dómari. Eftirlitsmaður KSÍ er svo Sigurður G Friðjónsson.

Fjórða sætið og stolt er það sem er undir hjá Suðurnesjaliðinu í þessum lokaleikjum mótsins. Í raun stórgott fyrir nýliða í deildinni þegar horft er heildrænt yfir tímabilið og ekki versnar það þegar bikarúrslit koma þar inn líka þó tapið þar svíði eflaust enn.

Hvernig mun liðið nálgast leikinn nú þegar að "litlu" er að keppa verður forvitnilegt. Ég á þó frekar von á því að heimakonur mæti af krafti til leiks enda virðast skilaboðin úr Reykjanesbæ vera nokkuð skýr ef miðað er við tímabilið í ár. Liðið er mætt til að vera í efstu deild.

Gestirnir úr Hafnarfirði eiga í harðri titilbaráttu við Breiðablik. Sigur Blika á ÍBV í gær gaf þeim þriggja stiga forskot á toppnum en því bili ætlar lið FH sér væntanlega að loka í dag. Það stefnir allt í rosalega baráttu á toppnum og alls ekki ólíklegt að við stefnum í hreinan úrslitaleik um titilinn í lokaumferðinni.

FH átti Evrópuleik í miðri viku þar sem liðið atti kappi við Eintracht Frankfurt frá Þýskalandi. Fór svo að þýska stórliðið vann nauman 1-0 sigur þar sem eina mark leiksins kom úr vítaspyrnu.

Heil og sæl læru lesendur og verið hjartanlega velkomin í þessa beinu textalýsingu Fótbolta.net frá leik Grindavík/Njarðvík gegn FH en flautað verður til leiks á JBÓ vellinum klukkan 14:00