Eftir dapra frammistöðu á laugardaginn sýndi Ísland allt aðra og betri hlið hér í Lúxemborg í kvöld. Fjögur stig uppskeran úr fyrstu tveimur leikjunum og næst er komið að Búlgaríu á Laugardalsvelli á laugardag.

Leik Búlgaríu og Eistlands lauk með markalausu jafntefli.

Ísland er með 4 stig, Lúxemborg 3 stig, Eistland 2 stig og Búlgaría 1 stig.

Ég endurtek, 3 mínútur

Þó leiknum sé að ljúka þá munum við á Fótbolta.net fylgja ykkur lengra inn í kvöldið; viðtöl, einkunnir og fleira efni sem mun detta inn beint frá Lúxemborg.

Ísland er að fá sér sæti á toppi riðilsins. Staðan er markalaus í Sofíu þar sem Búlgaría og Eistland eru að mætast í hinum leiknum.

Logi Tómasson brýtur á Duarte við hliðarlínuna.

Minnum á að næsti leikur verður heimaleikur gegn Búlgaríu á laugardaginn, miðasala á þann leik ætti að taka einhvern kipp eftir þessi úrslit hér í Lúxemborg í kvöld.

Mikael Egill sækir upp hægra megin, kemur inn völlinn og tekur skotið en varnarmaður heimamanna kemst fyrir.

Mikael Egill lyftir boltanum á fjærstöngina þar sem Logi Tómasson er í baráttunni. Boltinn fer af heimamanni og í hornspyrnu.

Lokakaflinn framundan, heimamenn vilja aukaspyrnu á vinstri kantinum en Albaninn dæmir ekkert. Dardari fór niður í baráttu við Daníel Leó.

8879 áhorfendur, völlurinn tekur tæplega 9500 manns.

Þarfnast aðhlynningar, nær eflaust ekki að halda leik áfram. Hörður Björgvin hleypur að bekknum og gerir sig kláran.

,,Áfram Ísland," heyrist dauflega úr stúkunni.

Stefán Teitur með sprett upp hægri vænginn, missir boltann aðeins of utarlega og rekst í aðstoðardómarann áður en hann er dæmdur brotlegur.

Lúxemborg með hornspyrnu sem Hákon grípur.

Lúxemborg fær hornspyrnu en Stefán Teitur skallar frá.

Með frábæra takta á hægri vængnum og kemur boltanum fyrir á Hákon Haralds sem hittir boltann ekki nægilega vel og tilraun hans framhjá marki heimamanna.

Guðlaugur Victor með kraftlítið skot sem Moris ver þægilega í marki Lúxemborgar. Ísland að byrja þennan seinni hálfleik betur.

Ísland vinnur boltann hátt uppi á vellinum, Ísak Bergmann í teignum og ætlar að gefa fyrir markið en varnarmaður kemst fyrir sendinguna.

Ísland að komast í álitlega stöðu. Andri og Orri vefjast hvor fyrir öðrum en Orri heldur í boltann.

Hann fellur við í teig Lúxemborgar eftir að varnarmaður stígur hann út. Ekkert í þessu enda biður Orri ekki um neitt.

Hákon Arnar sparkar þessu af stað!

Með boltann: 53%-47%
Marktilraunir: 2-8
Skot á mark: 0-2
Hornspyrnur: 0-1
Kláraðar sendingar: 194-192

+2

Sá albanski flautar til leikhlés. Ísland með tveggja marka forystu í leikhléi. Tvö glæsimörk skilja liðin að, mikil framför í frammistöðunni samanborið við vonbrigðin á laugardag.

Harlem Globetrotters mættir til Lúxemborg, jahérna hér.

— Jói Skúli (@joiskuli10) September 29, 2026

Hákon keyrir í teig heimamanna en fellur við og Íslendingar vilja vítaspyrnu. Hefði verið nokkuð hart að benda á punktinn miðað við fyrstu sýn.

Dardari með ágætis skot úr teignum en Hákon ver vel í markinu. Fyrsta skotið sem Hákon þarf að verja.

Ísland vinnur boltann hátt uppi á vellinum. Hákon mundar skotfótinn og lætur vaða fyrir utan teig en tilraun hans framhjá marki heimamanna.

Lítið um að vera síðastliðnar tíu mínútur, bæði lið þreifa hvort á öðru.

Vamos Guðjónsen family hvar væri Ísland án þessarar merku ættar

— Bomban Podcast (@BombaGunni) September 29, 2026

Ísland fær hornspyrnu, Gylfi tekur. Boltinn fer manna á milli í teignum og heimamenn hreinsa í innkast.

Lúxemborg ekki komist yfir miðju eftir markið.

Ísland fær aukaspyrnu í fyrirgjafastöðu, Gylfi tekur. Hættuleg sending inn á teiginn en heimamenn bægja hættunni frá. Ísland heldur í boltann.

Heimamenn stíga hátt upp á íslenska liðið, Ísland þarf að nýta svæðið fyrir aftan vörn Lúxemborgar.

Ísak með slæma sendingu á eigin vallarhelmingi og heimamenn sækja hratt. Dardari kominn í góða stöðu í teignum og lætur vaða en Daníel Leó gerir vel og kemst fyrir skotið.

Andri Lucas með fyrirgjöf út í teiginn, Mikael Egill tekur viðstöðulaust skot á lofti sem fer framhjá marki Lúxemborgar.

Lúxararnir hefja leik!

Heimamenn í alrauðum búningum, Íslendingarnir í hvítum og appelsínugulum treyjum.

Enn nokkuð mörg laus sæti. Búist var við um 8500 áhorfendum en völlurinn tekur tæplega 9500 manns. Maður hefur rekist á nokkrar íslenskar treyjur sem er ánægjulegt!

Lúxemborg eru almennt þéttir varnarlega en við munum sjokkera þá í dag og setja 2-3 mörk. Ísland yfir 1,5 mörk er 2,41 á Epic.

— Kristalkúlan (@kristalkulan) September 29, 2026

Íslenska liðið skoðar aðstæður.

Stundvísustu stuðningsmenn Lúxemborgar eru mættir á völlinn. Hitinn er rétt yfir 20 stig og mun haldast á þeim slóðum á meðan leik stendur.

Rúmir tíu mánuðir eru síðan Ísland vann síðast fótboltaleik, en síðasti sigurinn kom gegn Aserbaísjan í Bakú í nóvember á síðasta ári.

Á þessum tíu mánuðum hefur liðið spilað sjö leiki, tapað fjórum og gert þrjú jafntefli.

Samkvæmt nýjustu upplýsingum er búist við 8.500 manns á vellinum og þar af eiga að vera um 50 Íslendingar.

Leikið er á hinum spaðalega Stade de Luxembourg. Völlurinn var vígður árið 2021 og tekur tæplega tíu þúsund manns í sæti.

,,Það er orðið vel þreytt að koma til margra landa, bæði með landsliðinu og Víkingi, og alveg sama hvaða lönd það eru að þá er þau öll með frábæra velli. En við einhvern veginn sitjum eftir í súpunni," sagði Arnar Gunnlaugsson á blaðamannafundi í gær aðspurður um völlinn.

Arnar Gunnlaugsson hefur stýrt Íslandi í 16 leikjujm. Af þessum 16 leikjum hafa bara þrír leikir unnist og eru tveir þeirra gegn Aserbaídsjan sem situr í 125. sæti heimslistans.

Guðmundur Aðalsteinn, fréttamaður Fótbolta.net, tók saman gengi síðustu landsliðsþjálfara og raðaði þeim upp í röð eftir sigurhlutfalli.

1. Guðjón Þórðarson - 44%
2. Heimir Hallgrímsson - 42%
3. Lars Lagerback - 41%
4. Age Hareide - 37%
5. Atli Eðvaldsson - 36%
6. Erik Hamren - 33%
7. Ólafur Jóhannesson - 28%
8-9. Ásgeir og Logi - 26%
8-9. Arnar Þór Viðarsson - 26%
10. Arnar Gunnlaugsson - 19%
11. Eyjólfur Sverrisson - 14%

Aðaldómarinn kemur frá Albaníu og heitir Enea Jorgji. Hann dæmdi Evrópuleik Víkings gegn Borac Banja Luka hér á íslandi fyrr á árinu en Víkingur tapaði 1-3.

Sæbjörn Steinke, fréttamaður Fótbolta.net á leiknum, var ekkert sérlega hrifinn af frammistöðu Jorgji og gaf honum fimm í einkunn.

Sóknarmiðjumaðurinn Danel Sinani, leikmaður Sampdoria, fór meiddur af velli í leikn Lúxemborgar gegn Búlgaríu og ljóst er að hann spilar ekki meira. Þessi 29 ára leikmaður var meðal markaskorara þegar Lúxemborg vann 3-1 sigur gegn Íslandi 2023.

Miðvörðurinn Seid Korac er einnig á meiðslalistanum og helsti markaskorari liðsins Gerson Rodrigues hefur ekki spilað síðan á síðasta ári en hann fékk dóm fyrir líkamsárás og heimilisofbeldi.

Þá er einn mest spennandi leikmaður ensku úrvalsdeildarinnar, Brian Madjo, ekki með liðinu sökum meiðsla. Madjo, sem er leikmaður Aston Villa, er fæddur árið 2009 og hefur vakið athygli fyrir sína kraftalegu holningu. Hann skoraði í úrslitum ofurbikarsins gegn PSG í byrjun tímabils en meiddist í sama leik og hefur ekki spilað síðan.

Albert Guðmundsson verður ekki meira með íslenska landsliðinu í komandi verkefni í Þjóðadeildinni eftir að hafa farið úr axlarlið í fyrri hálfleik gegn Eistum.

Þórir Jóhann Helgason, leikmaður Venezia, var kallaður inn í hópinn.

Íslenska liðið ferðaðist frá Keflavíkurflugvelli og tók beint leiguflug til Lúxemborgar á sunnudag. Þrátt fyrir vonbrigði gegn Eistum á laugardag virtist vera góð stemning í hópnum og menn einbeittir á verkefnið gegn Lúxerunum.

Heilir og sælir, lesendur góðir, og verið velkomin í beina textalýsingu frá viðureign Íslands og Lúxemborgar í C-deild Þjóðadeildarinnar.

Aðstæður hér í Lúxemborg eru upp á tíu. Hitinn er rúm 20 stig, sólin skín og eina sjálfstæða stórhertogadæmi heims tekur vel á móti íslenska landsliðinu.