Stórsigur FH staðreynd í baráttunni um titilinn. Blikar enn þremur stigum á undan en FH hefur lokað bilinu hvað markatölu varðar. Draumaleikur í síðustu umferð lifir.

Þetta er að fjara út í rólegheitum. FH á hornspyrnu.

Uppbótartími er að lágmarki tvær mínútur.

Olga sleppur ein í gegn og skilar boltanum í netið. Flaggið er á lofti og það telur ekki. Virkaði virkilega tæpt.

Hafrún Birna með kröftugt hlaup. Nær fínu skoti en Guðný ver í horn.

Ótrúlegar senur í Kópavogi þar sem Breiðablik er að hrifsa toppsætið til sín á ný. Þar er staðan jöfn og viðsnúningur leiksins þar algjör en Blikar voru 4-1 undir í hálfleik.

Eyjakonur spila sig laglega í gegnum vörn FH. Boltinn inn á teiginn frá hægri og lendir við fætur Olgu sem lætur vaða en boltinn hátt yfir.

Lúmsk tilraun frá Ingibjörgu. Kemur inn á teiginn frá hægri og virðist ætla að taka fyrirgjöf en lætur vaða í nærhornið. Guðný mætt og ver í horn.

Viktorija með skot af um 20 metra færi. Beint í fang Aldísar.

Nia með hörkuskot sem smellur í slánni. Guðný týnir boltanum sem fer næstum af henni í netið en hún nær að koma boltanum í horn að lokum.

Deja með hörkuskot af löngu færi sem fer rétt framhjá markinu.

Olga með skot eftir ágæta sókn ÍBV en setur boltann yfir markið.

Olga að sleppa í gegn eftir markspyrnu frá ÍBV. Nær ekki valdi á boltanum og Aldís kemst í boltann.

Thelma Lóa með kröftugt hlaup inn á teiginn með boltann. Sér Niu á markteignum og reynir að finna hana en varnarmaður kemst á milli.

Heimakonur i færi, Helena reynir skotið en Guðný ver í horn.

Helena Hekla sleppur í gegn en nær ekki að leggja boltann nægilega vel fyrir sig. Aldís mætir út og nær til boltans og hreinsar.

ÍBV fær hornspyrnu.

Boltinn fellur fyrir fætur Olgu í þröngu færi í markteignum. Hún nær skotinu en setur boltann í stöngina.

Heimakonur sparka okkur af stað á ný.

Flautað til hálfleiks hér í Hafnarfirði. FH verið með yfirburði á vellinum og leiða sanngjarnt.

Við tökum okkur smá hlé og mætum eftir korter eða svo með síðari hálfleikinn.

Eyjakonur ógna, Olga kemur sér inn á teiginn frá vinstri og reynir skotið en nær engum krafti í það og varnarmaður kemst á milli.

Uppbótartíminn er sex mínútur að lágmarki.

Ef stærðfræðikunnátta mín bregst mér ekki er FH á toppi Bestu deildarinnar eins og sakir standa. Breiðablik sem var með +29 í markatölu fyrir umferðina er 4-1 undir gegn Þrótti og þar með með + 26. FH var með +24 fyrir leiki dagsins og þar með +26 sömuleiðis. Markatala liðanna því jöfn en FH hefur skorað fleiri mörk og er því á toppnum miðað við það.

Hrönn Haraldsdóttir í dauðafæri í teignum, Guðný mætir vel á móti og lokar á hana.

Birna Kristín í skotfæri í teig ÍBV. Nær föstu skoti en stefnan beint í hendur Guðnýjar.

Báðar liggja enn og mér sýnist sem svo að verið sé að kalla til sjúkrabíl. Mackenzie fékk stóran skurð á ennið og það blæðir duglega úr.

Mackenzie er staðin upp og gengur óstudd af velli en hefur lokið leik.

Avery Mae Vanderven og Mackenzie lenda í svkalegu samstuði og steinliggja báðar.

Leikmenn beggja liða bregðast við og huga að þeim en það virðist hafa opnast vænn skurður hjá þeim báðum.

. Helena Maree Errington með hörkuskot úr teignum sem smellur í slánni og yfir.

Yfirburðir FH algjörir.

FH er í draumaheimi akkúrat núna. Tíðindi berast að Blikar séu lentir tveimur mörkum undir á heimavelli gegn Þrótti.

Olga með skot frá vinstra vítateigshorni. Beintí fang Aldísar.

ÍBV fær sína fyrstu hornspyrnu.

Helena reynir skotið, alls ekki galin tilraun hárfínt framhjá markinu.

FH vinnur aukaspyrnu á hættulegum stað. Olga brotleg gegn Helenu.

Thelma með góðan bolta fyrir markið frá vinstri. Nia fyrst á hann en nær ekki krafti í skotið sem varnarmaður hendir sér fyrir.

Sóknaraðgerðir heimakvenna mjög beinskeyttar. Vinna hér horn.

Olga spyrnir boltanum í hendi Mackenzie í teignum og kallar eftir vítaspyrnu. Við nánari skoðun hefur hún talsvert til síns máls en Twana ekki á því að dæma.

Ingibjörg Magnúsdóttir með fyrirgjöf frá hægri. Eyjakonur komast á milli og FH fær fyrsta horn leiksins.

Allison Patricia Clark í hörkufæri. Kemur sér inn á teiginn frá hægri og reynir skotið sem fer rétt framhjá stönginni fjær.

Thelma Lóa með skalla að marki eftir góða fyrirgjöf frá hægri. Góður séns en hittir ekki markið.

Þetta er farið af stað. Það eru gestirnir úr Vestmannaeyjum sem hefja hér leik.

Landsliðskonan Emelía Óskarsdóttir, sem spilar fyrir HB Köge, spáir í leiki umferðarinnar. Um leik FH og ÍBV sagði hún.

FH 3 - 2 ÍBV
Hérna fáum við aðeins meiri markaleik. Andrea Rán setur tvö og Ingibjörg Magnúsdóttir setur einn banger. Allison Lowrey skorar líka og svo Olga. 3-2 er staðreynd.

Heimakonur eiga í harðri baráttu við Breiðablik um Íslandsmeistaratitilinn. Þær sitja í öðru sæti deildarinnar þremur stigum á eftir toppliðinu og mega illa við að misstíga sig nú þegar aðeins þrjár umferðir eru eftir.

Sárt tap í síðasta leik gegn Grindavík/Njarðvík setti hindrun á leið FH að titlinum og eru þær örugglega staðráðnar í að kvitta fyrir þann leik í dag.

Margt í frammistöðu liðsins í Evrópueinvígi gegn Frankfurt sýnir að liðið er klárlega tilbúið að gera alvöru atlögu að titlinum. En til þess að því megi verða þarf liðið á þremur stigum að halda í dag.

Pressulausar með öllu siglir lið ÍBV hin margfræga lygna sjó í deildinni. Hærra fara þær ekki í töflunni úr þessu en stefna eflaust á að halda þriðja sætinu sem þær sitja nú í.

Eftir naumt tap gegn Breiðablik fyrir viku síðan er liðið efalaust staðráðið í að koma sér aftur á sigurbraut og gera hinu titilbaráttuliðinu skráveifu í dag.

Góðan dag kæru lesendur og verið hjartanlega velkomin í þessa beinu textalýsingu Fótbolta.net frá leik FH og ÍBV í Bestu deild kvenna en flautað verður til leiks í Kaplakrika á slaginu 14:00